潮民 大坑

潮民 評價 相片

前日聽朋友介紹大坑有間潮式火鍋店，於是同班friend過去嘗試下，點知去到發現有雞煲食，經過商量大家決定先食個雞煲再打邊爐。

原本大家決定食個龍蝦雞煲，但系店員介紹咗個膏蟹雞煲，覺得都幾有新意於是就嘗試下，認真好味，麻辣得黎，又有蟹噶鮮味，認真值得推介，其次食完再打邊爐，牛丸，魚蛋，都好有潮州特色，仲有山東騸軲牛肉，認真冇得彈，入口即溶，另外值得推介噶系聖子，真系手指咁大條，最後埋單一千二百幾，價錢中規中矩，還算OK。

食物簡直係唔值得去食，普通屋低買到200蚊嘅食材要成1000蚊，夠膽死雙拼鍋收兩個鍋嘅價錢，問佢嘅時候又唔講清楚。

下次唔該俾返兩個鍋我，免得再有人中伏，我平時都唔留言，今次要題醒大家，乜鬼三秒響令，跟本就係包裝開出來，炸都無炸過，垃圾！真心嬲，快啲收當，湯低貴唔緊要，仲以為有咩新鮮蘿蔔皮，點知無味，頂爆佢。

我留呢個言已經過咗一日，諗清楚先數你！千萬唔好去！為咗有得評， 我要寫夠200字 and I would like to express my feeling in English for English reader.This shop is a scamp, you won’t get what you paid for and food are totally rubbish! So don’t go, I really regret after going, not because of the price, but mainly the quality.

湯底款式很多 今日試咗兩款胡椒豬肚湯并牛尾湯 個牛尾湯牛味十足 我睇需要好多心機才做到 個豬肚湯味道真的太濃郁 但我個人嫌不夠辣 但味道真是出眾 牛尾湯配過鹹蛋蝦雲吞 味道好夾 豬肚湯配過凍豆腐加埋個烏冬 真係濃郁可口 啲調味醬汁也算多花欵 有成十五種不同的選擇 但地方就細啲 氣氛幾好 湯底就值得一讚 埋單價錢都算合理 最勁隔離枱果三個人食個雞煲 居然食咗六碗飯 珮服 下次我都會試吓個雞煲係未咁好味至得 反正也近地鉄站 約埋班朋友一起齊食又可以試多幾様

今日行過大坑一間叫潮民既火煱有個雞煲158又真係唔貴 就去一試 原先都諗住沒有什麼特別 但一試後味超正 同一般鳼煲唔同 真係意想不到 試完再試牛肉 有四種牛肉梗係試到最好㗎啦 我覺得貴啲冇問題 試咗一個肥邊位 嘩頂級牛肉 即刻想叫多碟 但侍應話冇啦 這個真失敗 食一碟冇一碟再問侍應有乜嘢好介紹 侍應話 有牛胸口 牛王喉 牛粉腸 都是味道獨特 一試都唔錯 下次一定要試佢個番茄蟹煲 見到隔離枱食 只蚧爆膏爆到離晒大浦 可惜今次食咗雞煲 下次我一定是高蟹煲😁😁😄

食咗啲咩：19肉蟹雞煲（真係冇改錯名） 一開始侍應問我要小辣定唔辣？咁中辣同大呢？不如問要唔要辣... 可能兩個嘅味根本唔夾，雞冇雞煲香味，蟹又冇蟹鮮甜味。

）加左午餐肉：我諗都好難搵到啲咁冇質素嘅午餐肉，完全鬆散冇味。

）加左碟牛肉：因為佢好似好高級好多選擇咁，我問侍應邊隻會瘦啲，佢話個個部位都會可以好瘦。

結果整咗啲薄切雪櫃肉出來，咪又係大昌質素嘅美國冰格肥牛。

環境：地方細唔緊要，香港租金貴，不過就好唔乾淨。

侍應服務：）掛住吹水，叫佢比個鉗我食蟹就幫我埋單。

當時唔好話加餸同飲酒，連個煲都係食到一半。

）侍酒：扮晒高級，不過用咗serve紅酒同啤酒嘅方式來serve清酒，九唔搭八。

我都飲晒支酒，佢仲問我駛唔駛幫我包起佢攞走... 兩個人晚餐大概食咗＄1000，貴嘅又講唔上，不過都唔算平丫。

竟然可以環境，食物，服務，都唔合格嘅。

潮民餐單提供潮州菜, 港式, 火鍋, 中菜館, 茶餐廳, 冰室等推介美食位於大坑區，餐廳座位數100人均消費約$201-400，結賬可以用Visa,Master,現金,銀聯，Booking訂位可以電話致電 28909308 查詢。

您對於大坑餐廳「潮民」有何 comment？

潮民餐廳詳細資料：

• 潮民地址:
  大坑浣紗街22號地下
  ChaosHotpot, G/ F,22 Wun Sha Street, Tai Hang
• 潮民電話: 28909308
• 潮民價錢: $201-400
• 分類: 潮州菜, 港式, 火鍋, 中菜館, 茶餐廳, 冰室
• 座位: 100
• 付款: Visa,Master,現金,銀聯
• FB專頁: 潮民 Facebook

更多潮民相關資料:

• 潮民分店
• Youtube
• Facebook
• Twitter
• Google