粵軒 大圍

粵軒 評價 相片

放半日假想去輕鬆吓，約埋朋友去嘆茶吹吹水，意思就係偷得浮生半日閒囉，哈哈！細細間的小茶館眼見只有約十張枱，點心紙只有一張，唔似大集團咁多選擇，但係就有貴精不貴多的感覺！本身想食豉汁蒸鳳爪，可惜點心紙無，唯有試吓鳳爪扎，仲點咗蝦餃、叉燒腸、特式啲嘅青芥末脆蝦一口漢堡，好埋懷舊甜品，俗稱菲林的黑白芝麻卷！上點心的速度唔會太快，青芥末脆蝦一口漢堡和黑白芝麻卷我是比較推介的，蝦確實是脆口，帶點芥末醬十分匹配；另外黑白芝麻卷係我兒時的回憶，而家好多酒樓都冇得食，聽講係步驟比較複雜，所以特別令人回味！政府派左消費券，如果有埋八達通或支付寶付款就最好了！

嚟到大圍 誤打誤撞見到呢間好多人排隊心諗應該都唔差嘅就決定食呢間等咗15分鐘到都好快有位其實我都唔係好記得啲餸菜叫咩名😂😂😂不過真係幾好食 尤其係粒燒賣 超級無敵勁大粒炸嗰個腐皮唔知乜嘢 最好食！不過性價比唔高囉 都偏貴

與友人茶敘，點了以下食物：沙律明蝦角：外脆內軟，味道不錯，沾上沙拉醬更好吃。

珍寶鮮蝦腸：腸粉的皮不算太滑，蝦大隻而且爽口彈牙，不錯。

黑魚子花菇燒賣皇：這燒賣很大隻，味道就只屬一般。

金蔬魚肚札：蔬菜來包着魚肚和芋頭等材料，味道較清淡。

香芒紫米卷：這個不太好吃，因為外層由紫米做的皮比較硬，內裏包着的芒果不甜，有點酸。

11月3日一家人幫媽媽慶祝大壽，疫情關係決定嚮屋企叫外賣。

大圍區呢間繁忙小店，平時幫襯開呢間飲茶食點心，店舖環境同食物水準都好過好多大酒樓，所以今次試下叫外賣晚餐，菜式包括：百花炸釀蟹鉗豉油皇煎南非鮑魚上湯焗澳洲龍蝦(伊麵底)古法紅燒潮州翅蠔皇花膠扣鵝掌當紅脆皮炸雞上湯瑤柱浸時蔬瑤柱海皇蛋白炒飯蜂蜜脆麻花蟠桃壽包百花炸釀蟹鉗我食過最好食既炸蟹鉗！超大隻！隻隻都差不多有兩粒乒乓波咁大，而且蝦膠彈牙、皮脆，配醬汁簡直一流，真心推介！豉油皇煎南非鮑魚平時比較常食蒜蓉蒸鮑魚，今次試下其他煮法，用豉油汁炒比較香口，小朋友都鍾意食。

鮑魚都好新鮮大隻，食落彈牙，不錯！上湯焗澳洲龍蝦伊麵由於店內有幾個大魚缸、每次都見到好多新鮮海鮮，即叫即整，所以對佢地既海鮮都有信心。

呢個龍蝦伊麵，龍蝦超新鮮又多肉，連啲汁都充滿鮮味，果然冇令我哋失望。

伊麵質感不過不失，如果再多啲汁就更加好。

蠔皇花膠扣鵝掌從前我唔鍾意食花膠，因為覺得佢淡而無味，但今次竟然有驚喜，可能因為蠔油炆得好入味，花膠厚肉得黎滲透蠔油汁，好出色。

蜂蜜脆麻花媽媽的最愛。

毫無疑問外賣唔夠堂食咁又熱又脆，係合理既。

呢個食落唔硬，仲脆口，甜度適中，都算幾好。

其他菜式例如上湯瑤柱浸時蔬、瑤柱海皇蛋白炒飯、當紅脆皮炸雞....雖然冇影相但都係有水準既，特別係果煲古法紅燒潮州翅，入面真係好多料好多魚翅，老人家食到津津有味。

今次呢個晚餐，意外地佢用料比想像中多，足料兼新鮮，樣樣都好味，性價比好高。

其實大家都覺得差條蒸魚，因為平時見到店舖啲紅瓜子班、蘇鼠班好生猛，好想試試，不過始終覺得堂食會比較好味啲，希望下次再去試！

餐廳分咗兩間舖，週末排隊排左30分鐘先有位，餐廳唔會派飛。

明白而家生意難做，不過又要搭枱，疫情期間向每張枱嘅距離都好近好似防疫做得唔係太好。

。

一籠蝦餃$30/2粒,係好大粒嘅，不過蝦重雪味。

燒賣又係$30/2粒，普普通通甘筍鹹水角，賣相ok但超厚粉，未食過禁難食既鹹水角🤢同之前有個OpenRice 嘅評論一樣，腸粉係凍嘅。

長頭髮，身材豐滿的女職員大聲呼喝客人，態度惡劣咁鬧隔離枱嘅客。

真係唔明白點解個女職員禁既態度仲有人幫襯。

粵軒餐單提供粵菜, 廣東, 點心, 中菜館等推介美食位於大圍區，餐廳座位數80人均消費約$51-100，結賬可以用Visa,Master,現金，Booking訂位可以電話致電 26920308 查詢。

您對於大圍餐廳「粵軒」有何 comment？

粵軒餐廳詳細資料：

• 粵軒地址:
  大圍積福街82號地下
  Yuet Hin, G/ F,82 Chik Fuk Street, Tai Wai
• 粵軒電話: 26920308
• 粵軒價錢: $51-100
• 分類: 粵菜, 廣東, 點心, 中菜館
• 座位: 80
• 付款: Visa,Master,現金
• FB專頁: 粵軒 Facebook

更多粵軒相關資料:

• 粵軒分店
• Youtube
• Facebook
• Twitter
• Google