添寶手撕雞 大圍

添寶手撕雞 評價 相片

買咗個黑松露手撕雞一開合勁香黑松露味好特別好好食青瓜好爽脆雞肉好肥美$85好抵食一大盒我諗我會再買好似仲有辣味、原味、胡麻將味口味都好多元化估唔到喺街市嘅嘢食都咁有驚喜！

我都幾鍾意逛街市㗎，因為可以買到最新鮮嘅食材。

今日嚟到顯徑街市買餸， 呢度交通方便 就位於屯馬綫顯徑站A出口對面，一出就見到！呢個街市，乾淨衛生，仲有冷氣，最近別嘅係有一條全身美食街，有11間熟食店進駐，都幾旺場。

我就見到我嘅至愛手撕雞即刻去幫襯下今晚加餸！手撕雞拼盤，包括以皮下脂肪較少溫氏雞製作而成的原味手撕雞，油膩感低一些，啱晒怕肥膩嘅女仕；牛肚爽口，海蜇夠嚼口，墨魚和雞腎都好惹味👍好大份，經濟實惠，加餸必然之選，可以成家一齊開心share！

下午茶時段抵食之選！手撕雞牛肚雞腎香辣撈麵（$40）配紙包飲品撈麵份量好多，味道唔辣，似BB辣多啲！麵仲撈左少粟米粒！手撕雞撈青瓜份量多，但當中雞肉略少！！似鹽焗雞嘅味道，但偏淡！！牛肚份量合理，係小辣但好入味！雞腎份量合理，口感好爽口，味道還可以.第日再試！今次唔要手撕雞！牛肚豬耳香辣撈麵（$30）配紙包飲品豬耳份量多，皮位好濃郁滷水味！骨位夠爽又唔會好硬！平時係$35，下午茶時段$30好抵食！

近期顯徑街市翻身後，新加入好多唔同美食，有米線啦，有燒味啦，仲有見到手撕雞添，因為以前係呢頭要食手撕雞就要出到去大圍個頭買，而家近近地就有得食好喇，先講下餐牌，甘佢有淨雞買，或者配飯/麵買，除左手撕雞外，可以配多23個餸都得。

於是我就揀左涼拌手撕雞冷麵試下，但講真就有點失望，因為我以為係成盒都會係以手撕雞為主，點知原來佢涼拌先係重點，佢模式係望晒佢d主菜類同其他小食係廚窗到，然後就去夾，當我見到佢夾涼拌果盤野時，先發現原來果盤野係撈左手撕雞，點解會一直都望唔到，係因為d.涼拌真係好多，果比例就咁目測涼拌7成手撕雞3成，我頓時會係到諗，可能佢開始撈既比例或者唔係咁，但係因為佢都係隨意夾ja ma，所以咪夾下夾下，變成咁既比例。

時此消費體驗：環境：企企理理，整整齊齊渠道：只有自取味道：普普通通，我點左辣，不過一點也不覺得辣。

冷麵有點硬。

價錢：35蚊，涼拌手撕雞配飯/麵+一盒紙包飲品，然後就睇你加咩餸，$810起，我對上見到有人加多兩餸，成50幾蚊，感覺果份量就唔係甘值，如果就咁叫個涼拌手撕雞飯/麵都算平宜的。

綜合來說，今次係滿心期待手撕雞配合辣汁既味道會係點，但我就錯晒，無為意涼拌字眼，d青瓜絲真係好多好多，要試到d手撕雞既話就只有真係再試下佢90蚊既淨手撕雞先試到。

今午在親的顯徑街市閒逛，買點餸菜回家，想中午簡單一點，買點熟食就好。

經過添寶，現在有員工在撕雞，想應該新鮮，一試無妨。

點了半隻雞，加拼海蜇，75元。

回家休息後就吃飯了。

整體而言大盒，裝得滿滿的，當然有雞骨在底，一向做法。

雞是撈好已調味，所以就沒有其他醬包，大致上是蔴油味。

但一試，其實味相當淡。

首先雞隻一般得很的冰鮮雞，然後調味欠奉，再講浸雞水也不夠味，整體來說就是無味，還好家中醬料齊全，要自己動手了。

以雞而言，生熟度是可以的。

再來海蜇，份量可以，也爽口，可惜同樣唔夠味，就是一堆爽口東西而已。

整體而言，一般手撕雞，但池中無魚蝦最大，整個街市也沒像樣的時候，也無妨一試。

添寶手撕雞餐單提供粵菜, 廣東等推介美食位於大圍區，餐廳座位數未知人均消費約$50以下，結賬可以用現金，Booking訂位可以電話致電 31681636 查詢。

您對於大圍餐廳「添寶手撕雞」有何 comment？

添寶手撕雞餐廳詳細資料：

• 添寶手撕雞地址:
  大圍車公廟路69號顯徑街市地下M33號舖
  Timbo Shredded Chicken, Shop M33, G/ F, Hin Keng Market,69 Che Kung Miu Road, Tai Wai
• 添寶手撕雞電話: 31681636
• 添寶手撕雞價錢: $50以下
• 分類: 粵菜, 廣東
• 座位: 未知
• 付款: 現金
• FB專頁: 添寶手撕雞 Facebook

更多添寶手撕雞相關資料:

• 添寶手撕雞分店
• Youtube
• Facebook
• Twitter
• Google