彩龍餐廳 大圍

彩龍餐廳 評價 相片

因為晚/午餐太貴，所以選擇食下午茶。

終於等到2：00鐘，彩龍gei車仔麵叫滿27就送野飲，份量都ok大，麵，餸逐樣計，喜歡叫幾多就幾多。

我叫左豬扒，腸仔，芝士腸，8爪魚腐皮配河粉，合共32，超飽。

味道尚可，都係即食食品，豬扒煎過火，有d硬，腸仔煎過下好好食， 8爪魚腐皮完全食唔出有8爪魚lo。

大圍32咁大份，填飽個肚就算

因為冇乜餐廳 就入去試下 中伏！！！ 入到去張枱d野都未收過 我覺得放左好耐！！！好啦叫佢收 都唔知係咪得罪佢甘 話等少陣會死。

。

哈算啦 叫左個公司公仔麵 d麵硬到死 肉又未熟 我男友叫左個日式海鮮拉麵 拉麵又係硬

今日放學收到家人sms今晚無人煮飯唯有食自己啦原本都想去奇樂到食既不過有過陰影從此blacklist左來到彩龍都係食返自己至愛豆腐班腩飯總係覺得豆腐同班腩先係絕配粟米配班腩 感覺總係差點點今晚就例牌 豆腐班腩飯 凍檸茶保持一貫水準 班腩比起之前好似好食左多左幾條蔥係到 食一啖飯+條蔥感覺都唔錯不過今次d汁相對之前既少左不過又要彈一彈 原本32蚊+到34蚊我都明白而家百物騰貴 但學生哥無咁多錢食一餐飯所以都係少d食算啦overall都係好食既 不過就真係唔太抵食

呢度成曰有幫襯，主要係食早餐同下午茶。

越來越覺得，呢度只能醫飽個肚，其他一切欠奉，最頂唔順佢地啲服務：例一：你一唔出聲，佢地會幫你叮左個菠蘿油。

菠蘿油最正係塊正正方方嘅牛油，佢地竟然攞去叮溶去，吹脹！例二：收錢位大哥（應該係老細）佢收錢永遠唔出聲唔望人，咡低頭唔知做咩，多謝都冇聲就梗啦，最奇係佢找錢俾你動作好熟練，五指一撒，將手上銅板撤個滿桌皆是，客人如我只好逐一檢起，心想：多謝你呀，大哥！（此乃筆者個人感受，不用推測）

週日吃完午餐之後，口袋裡還剩下廿餘元，決定來一頓下午茶，吃到一文不剩才叫痛快。

只是近來的經驗，不是大啖肉就是煎炸熱氣東西，如其嚐新就不如懷舊，決定改為品嚐一些老牌的包類西餅，由於家住沙田隆亨邨，隔離新翠邨的彩龍餐廳也是方便之選，由讀書至今已知道它的存在，僘大的一間茶餐廳，另一道則經營舊式的西餅麵包，這類的店舖，也是愈見買少見少。

週日來說亦是旺場的局面，顧客多是來自兩條屋邨的街坊客，當人家點選西多士或炸春卷之時，我就走進其餅屋的範圍內，如要堂食就要自取，另加五毫一件，咁都有?! 來一杯熱奶茶，整體上還算不俗，厚薄適中之宜，也有奶香和茶味，當然甚麼復雜層次、回甘之味，就不要太奢求了。

先來的椰撻也只是三元一個，其外皮也來得鬆化，而內裡的椰蓉餡，軟熟之餘而滿佈甜香，味道來得本是不錯，只是放置了一段時間，欠上出爐後的熱辣燙感，雖然可求用微波爐翻叮，始終會影響質感，最後也是作罷。

還有兒時經常吃到的瑞士卷，曾幾何時對這些餅食也帶點抗拒。

其做法是將軟身的蛋糕焗成平面狀，再在上面塗一層忌廉，最後捲成一圈再切件而成。

作為凍吃的出品，這卷蛋來得鬆軟，也嚐出不輕的蛋味，加上內裡那些許的軟滑忌廉，間中來一件來送茶，又蠻為不錯。

意猶未盡來多兩件包點，見到個子甚大的墨西哥包，也只是三元一個，可惜味道就........帶點黏牙的包身、放涼後的溫度，最要命的還是上面的酥皮狀物，吃得一口散碎，早知如此就可慳回數塊錢。

至於墨西哥及菠蘿包的酥皮成份，說真的亦不太清楚，其實答上「不知道」也不是甚麼羞家的事，其實任何人亦會犯錯，還是抱著「律己寬人」的態度較為穩當。

最後見到出爐不久的蛋撻，也來了一個，看其酥皮也是略為厚身，入口倒是十分鬆化，也不呈過油或太硬之感，內裡的焗蛋不算太滑，但還是有點蛋香，甜度亦屬適中，作為非名牌的出品，亦是可以接受的水平。

廿四元的一個下午茶餐，如其說是嚐味，倒不如說是懷舊兒時的味道，有道「做慣乞兒懶做官」，你說我草根也是這樣說，當吃過名牌餅店的西餅甜點後，亦要吃點來自舊香港的老牌餅食，這樣的人生才叫完滿。

今次美中不足的，還是找不著重油水的奶油蛋榚或花餅，唯有先做點功課，然後再作出擊.................

彩龍餐廳餐單提供港式, 茶餐廳, 冰室等推介美食位於大圍區，餐廳座位數100人均消費約$50以下，結賬可以用現金。

您對於大圍餐廳「彩龍餐廳」有何 comment？

彩龍餐廳餐廳詳細資料：

• 彩龍餐廳地址:
  大圍新翠邨商場18號地下
  Choi Lung Restaurant,  
• 彩龍餐廳電話:  
• 彩龍餐廳價錢: $50以下
• 分類: 港式, 茶餐廳, 冰室
• 座位: 100
• 付款: 現金
• FB專頁: 彩龍餐廳 Facebook

更多彩龍餐廳相關資料:

• 彩龍餐廳分店
• Youtube
• Facebook
• Twitter
• Google