銀星茶餐廳 土瓜灣

銀星茶餐廳 評價 相片

每逢周末，我同屋企人中午都會到屋企附近食依間茶餐廳，因為選擇多唔洗諗食飯定食麵，大家想食咩就叫咩，雖然店鋪細細，但都吸引唔少附近既左鄰右里幫襯依度既出名之作: 香茅豬扒煎蛋飯，所以可以話係我既飯堂，因為依度既所有野我都好喜愛食，今日同家姐就各叫左一飯一麵，大家可以分享下嘛香茅豬扒煎蛋飯: 係依度既招牌飯，因為依度既豬扒大塊得黎，好重香茅味，醃得好入味，質感鬆軟香口，煎蛋係荷包蛋，煎得好靚，伴埋薑蓉、豉油同白飯撈埋一齊飯，真係食到舔舔俐蒜蓉汁豬扒燴意粉: 蒜蓉汁調得入味濃郁，豬扒好重香茅味，肉質鬆軟，意粉用左茄汁炒一炒，伴汁食好惹味依度既常餐同炒公仔麵都係我既至愛，最緊票大大碟又好食

今個星期六，中午温度有成35度，由於太熱既關係，決定留係屋企叫外賣。

叫左十分鐘左右，已經送到。

我叫左個干炒豬扒公仔面，打開個飯盒，外觀好吸引，而且麵炒得好干身同一d都淋，豬扒一d都唔韌，一咬就撕開左，整體味道就係咸左少少。

再配杯凍檸茶，正我妹就叫左個蒜蓉豬扒燴意粉，成盒野好多汁，同埋食得出d意粉係有調過味去炒，意粉好有蒜蓉味。

豬扒亦好鬆軟，好味。

晨早落住大雨心情麻麻，距離開工時間仲有半個鐘，唯有搵間茶餐廳食份早餐氹下自己銀星裝修同一般舖頭無異，但用上全白色，加白燈同玻璃比人感覺好乾淨，加埋侍應姐姐清一色女士，同埋好似媽媽咁既慈祥樣，格外覺得舒服。

舖頭入面全部木板卡位，一部細電視，另外有張細枱係門口，應該比有需要食煙人士用啦餐牌好簡單，就貼係枱玻璃下面，不過早餐價錢有點兒離地（意思只係離開左土瓜灣一般茶餐廳撻地）。

另外午餐都有其他選擇，都算一般價錢回鍋肉米粉 煙肉炒蛋 牛油麵包 茶走少甜 hk32落單唔夠兩分鐘先後黎左煙肉蛋 麵包同杯茶走，大概多兩分鐘連熱辣辣既米粉都到埋煙肉炒蛋 牛油麵包煙肉有兩塊，每塊手指長度，烚熟無煎過，令外一片大塊而薄既煎蛋，都係熱。

一塊白包入面搽滿牛油，不過係室溫無烘熱。

以上都無咩特別，煙肉只係烚熟有啲失望，不過算係無咩油回鍋肉米粉米粉份量都幾多，上面大半面積幾乎舖滿回鍋肉，份量好多。

湯既味道無味，不過食回鍋肉就冇所謂，因為一撈勻就好濃烈，不過由於太多回鍋肉令碗米粉變得太辣，所以有時真係又要多又謙辣。

回鍋肉係罐頭既，肉質普通，而且係罐頭即開出黎撻上個米粉度，所以室溫，要撈勻麵先暖食茶走少甜有驚喜，用厚奶茶杯載，保暖而且茶味夠濃，香。

當混左煉奶滑好多又唔會冚左茶味，而且茶葉味溝得唔錯，少少澀味，而且溫度唔好超熱滾水果隻，所以會一路追飲落去總括黎請，份量算唔錯，米粉同煙肉蛋質素普通，但杯奶茶唔錯。

不過由於價錢唔平，就算乾淨環境同媽咪級招呼都唔夠彌補。

下次出糧再黎

第一次光顧,老公點了全日早餐,食物及味道都算可以,但我點了一碟干炒公仔麵,第一眼看到買相心知不妙呀,顏色好深鼓油色,吃了一口好鹹,d 麵偏硬, 我同阿姐講佢話加d水再炒一次，最後都係偏鹹，我只吃了幾口，阿姐見到都无話叫我換其他食物，不過始終係小店生意,我就算啦!

銀星茶餐廳餐單提供港式, 茶餐廳, 冰室等推介美食位於土瓜灣區，餐廳座位數未知人均消費約$50以下，結賬可以用現金,八達通，Booking訂位可以電話致電 26571368 查詢。

您對於土瓜灣餐廳「銀星茶餐廳」有何 comment？

銀星茶餐廳餐廳詳細資料：

• 銀星茶餐廳地址:
  土瓜灣上鄉道3號地下
  銀星茶餐廳, G/ F,3 Sheung Heung Road, To Kwa Wan
• 銀星茶餐廳電話: 26571368
• 銀星茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金,八達通
• FB專頁: 銀星茶餐廳 Facebook

更多銀星茶餐廳相關資料:

• 銀星茶餐廳分店
• Youtube
• Facebook
• Twitter
• Google