金樂粉麵餐廳 土瓜灣

金樂粉麵餐廳 評價 相片

心血來潮本來去鴻福..........冇位隔離街就見到煲仔飯店飯焦係唔錯，個煲仔好似好細，但飽到你四腳朝天小心菜心有沙侍應們不太協調四人卡位，其實只可以容納每邊一人.....住土瓜灣附近，如果諗唔到食咩，可試一次

諗住求期食個飯, 叫左野後見樓面呀姐同廚房踢哂腳, 師傅一面煎蛋轉個身又要沖檸茶. 等呀等等呀等, 遲遲未有任何野飲或食, 有d客等得仲耐過我, 發哂脾氣先有杯檸茶飲. 我肚餓到就快肚痛, 終於要催下....唔問由自可,一問就立即black list 呢間咁既不知所謂野! 個呀姐一聽到我話xx飯未到就大叫問邊個落單, 冇飯都唔同人講...完全當我冇到, 最後都係我因為嬲得滯而決定走, 係冇人同過我講sorry ga! 不知所謂!

上星期四,因為太忙, 所以冇出去食, 叫外賣返公司便算. 叫左奄列套餐: 奄列, 牛油方包,一碗粉麵, 再加飲品都係$19. 午餐肉奄列: OK喎! 入面好多餐肉. 牛肚河: 都唔錯! 好大碗, 牛肚好淋.下次有機會試下堂食.

見呢度新開張，粉麵套餐只係$13(凍飲$15)，的確好平，咪諗住試下囉，點知就出事了，試到了近幾年最不濟的粉麵.......呢度開o左一個月左右，裝修不錯，茶餐廳格局來說已是中上，主打各款中西式湯粉麵，可惜食物種類選擇不多。

套餐加$5可加油菜一碟或雞翼兩隻，但兩者只可選一款，而令人費解的，就係有另一款$23(凍飲$25)的"大食餐"，所包括的竟然是粉麵+油菜+雞翼+飲品.......我和女友共叫了食物如下：雲吞撈粗、魚蛋河、雞翼、油菜、凍檸水及熱好立克。

雲吞 兩個字可以形容......難食。

我對食物要求唔高，好少用到呢兩個字，但呢次有機會o勒....雲吞食落霉o既，蝦係有，但唔新鮮，豬肉一pat pat好似食糊咁，亦食唔出有任何調味。

湯o既味好怪，有少少酸，但唔係變質果種酸味，當然食唔出有任何鮮味，味精就可能有。

撈粗 上檯時碟麵係非常乾真真，直頭係成餅o既，要加好多湯先勉強可以一"住住"夾得起，食落都係太乾身，我諗佢慳o左淥熟後落熟油呢個step。

魚蛋河 眾多食物中呢個叫最好，魚蛋算彈牙，但都係普通o既質素。

雞翼 冇錯$5兩隻炸雞中翼係好抵，但唔好食呢.....雞肉霉o既，炸完之後o的雪味仲o係度，亦炸得唔透心，o的雞翼仲冇調過味添。

食緊o野期間聽到一位可能係老闆娘o既人同o的伙記講話佢地o的粉麵套餐點平點平，用呢個價錢o係第度只係飲到杯o野，只係賺好少等云云。

我心諗，冇人叫你賣咁平o丫?你賣$16至$18一個套餐都大把人幫趁，不過平又點，質素差果度幣呢.....多數都唔會再去了~

金樂粉麵餐廳餐單提供港式, 茶餐廳, 冰室等推介美食位於土瓜灣區，餐廳座位數未知人均消費約$50以下，結賬可以用現金。

您對於土瓜灣餐廳「金樂粉麵餐廳」有何 comment？

金樂粉麵餐廳餐廳詳細資料：

• 金樂粉麵餐廳地址:
  土瓜灣落山道31號地下
  金樂粉麵餐廳,  
• 金樂粉麵餐廳電話:  
• 金樂粉麵餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 金樂粉麵餐廳 Facebook

更多金樂粉麵餐廳相關資料:

• 金樂粉麵餐廳分店
• Youtube
• Facebook
• Twitter
• Google