瀛舫 土瓜灣

瀛舫 評價 相片

又想食日本菜,搵到呢間餐廳~lunch時間都唔算多人,仲有好多吉位,應該係因為價錢唔算平, 仲要加一嘅關係.麵豉湯唔濃味,有昆布and豆腐粒,都幾好味魚生新鮮,有三文魚,海老,吞拿魚,三文魚子(無腥味,粒粒飽滿),劍魚,日式魚蛋,甜蛋,魚子配料同飯比例都o岩o岩好.不過wasabi唔辣,要落好多先有小小辣.同一般餐廳食到嘅無乜分別,但烏冬上到檯已經淋曬,好友話唔值呢個價錢.整體黎講: 食物質素一般,唔差, 份量適中,但唔值呢個價錢.                服務ok,會主動加水.                餐廳環境舒適寬敞.

放半天假去辦點私事, 不想在公司附近吃午餐, 去找日本菜時, 找到這家餐廳.點了魚生飯套餐,  很新鮮, 有帶子, 甜蝦, 吞拿魚和必定有的三文魚, 也有一小堆撈了沙律醬, 灑上魚籽的三文魚丁, 飯的份量不多, 女生來說應該足夠, 郤略嫌不夠酸.另特價三文魚腩剌身, 件頭較預期中小, 只有一吋成一吋小丁.  中午時客人不多, 但侍應總是聚在一角, 我揮手良久也沒有被注意到但付帳出門前, 所有侍應一個一個的向我道別. 補償了我心中的遺憾

今日因為約左朋友既關係黎到我人生路不熟既土瓜灣。

探完朋友之後，朋友話要同我食個飯先准走，誠意權權唯有應承。

佢帶左我黎呢間日本菜，入到去覺得啲裝修幾靚，感覺良好。

我地望左陣Menu，決定要2人餐！首先黎既有帶子仔沙律，魚生刺身同埋三文魚親子卷。

帶子仔沙律雖然帶子真係細細粒，但佢同出面個啲餐廳唔同，佢有好多粒，唔似得出面個啲得個幾粒就叫自己帶子沙律！呢度份量十足非常好之後就黎魚生刺身，有蝦，帆立貝，油甘魚同三文魚腩。

刺身好新鮮，幾好~ 其實食呢啲，都係食佢新唔新鮮，如果唔新鮮~幾貴幾靚既魚都係唔好食。

到三文魚親子卷，佢外面用厚厚既三文魚包住，上面有大大粒既三文魚子襯托。

唔通佢親子卷既意思係咁？三文魚拼上三文魚子。

之後黎既有炸蠔，燒大蝦同埋豚肉野菜鍋。

炸蠔好酥脆入面一啲都唔腥，做得幾好。

燒大蝦，佢係用牛油燒，好香牛油味，黎既時候已經香噴噴，蝦肉都好爽口，做得好最後有豚肉野菜鍋，有晒粟米，冬菇，蕃茄，豆腐，紅蘿蔔同埋好多種其他菜。

加埋湯烏冬，又好味，又健康，非常好。

好彩最後都應承朋友一齊黎食飯，唔係就miss左呢個食好野既機會了！嘻嘻～

食唔同國家嘅嘢仲有唔同嘅朋友同我一齊去食，今次約會對象係兩個好鍾意食日本菜嘅朋友，佢哋其中一個話有間日本菜好想試，我又唔咩所謂，我地晏晝打電話去訂位，去到唔洗怕無位；）原來我個朋友一早已經諗好左試咩，我地都無睇過個menu就order啦，超快手。

冰鮭餐係呢度嘅特別推介餐，侍應話要睇時候先會推出，我地都幾好運喎，哈哈。

三個女仔一個餐，一邊喋喋不休，一邊大笑，一邊係咁食唔同煮法嘅三文魚，食到好飽咁走，食到餐好味嘅真係好幸福呀！先黎田園風三文魚沙律，沙律蔬菜好新鮮，三文魚同三文魚子嘅分量好多，每一口嘅沙律都佔滿三文魚同三文魚子，好豐富。

沙律又夠大分，其實我諗四至五個人都夠分呀。

三文魚腩腹部位置嘅三文魚脂肪當然多啦，肉質鮮嫩肥美，三文魚腩嘅肉帶點鮮甜，肉質細膩入口即化。

外皮燒過，令件刺身林得黎有小小脆口呢個應該係個餐嘅主角啦，冰鮭餐裡面嘅冰鮭，其實係冰左嘅三文魚，真係咁大個女第一次咁樣食三文魚，三文魚結冰硬灑好此雪條咁。

食落都有趣同新鮮，一條條三文魚咁食，食下又一條食下又一條，凍凍哋嘅開胃，好似party啲finger food咁。

之後到燒三文魚鯺啦，三文魚腩刺身咁新鮮，未食都估計到燒三魚鯺唔會差咖啦。

燒三文魚鯺炸得外面香脆，裡面剛剛熟令魚油脂既味道保持到，魚肉嫩滑，連啲骨都想食埋呀最後當然唔小得三文魚蟹子炒飯啦，典型嘅日式炒飯，鍾意呢間餐廳嘅用料同分量一啲嘅唔會話細細分咁，都最後一道菜啦，碟炒飯超大碟，並且係每一口都食到蟹子同三文魚，啲飯炒到粒粒分明，好正。

我地其實大家都好飽，但係一邊傾計嘅時候食下又少啲食下又少啲，咁大碟嘅飯竟然被我地三個清左！

那天晚上和女朋友去黃埔，不知不覺左行右行，行行下行到土瓜灣，隨便入了間日本菜吃飯。

女朋友見到有(冰鮭餐)，即刻雙眼發光。

我想也不想便叫了，她一定喜歡的。

 先來個田園風三文魚沙律：有不同的菜蔬，配上白芝麻、三文魚子、三文魚再加沙津醬。

沙律通常冇乜點錯，但他加上芝麻令到本身不差的沙津提升了。

買相本已不差，開飯前吃他特別醒胃。

 冰鮭刺身：涼涼快快，又有三文魚鮮味，別具一格，很特別。

 三文魚腩刺生：又另一款刺身，燒了小小三文魚肉上，另他有小小燒好的香味，但又沒有燒到全熟。

又有生三文魚腩的鮮味。

正宗一口兩吃的魚味。

 燒三魚旗：燒三文魚已經一絕啦，有魚皮既香又脆，肉質又香，冇失去三文魚鮮味，加多幾滴檸檬汁，更覺芬香。

正正正 三文魚蟹子炒飯：炒飯最怕炒得很油很濕，這個飯完全沒有這樣，炒飯和三文魚完全混成一體，加上蟹子（蟹子有生的有熟的有半生熟）散出不同的味道。

外邊很小吃到這樣。

 這餐晚飯女朋友俾左很多個LIKE佢，我同樣都照俾LIKE。

因為今餐吃到不同口味不同層次不同感覺的冰鮭餐。

瀛舫餐單提供日本菜, 壽司, 刺身等推介美食位於土瓜灣區，餐廳座位數未知人均消費約$101-200，結賬可以用Visa,Master,現金。

您對於土瓜灣餐廳「瀛舫」有何 comment？

瀛舫餐廳詳細資料：

• 瀛舫地址:
  土瓜灣馬頭圍道70號地下
  Umi Japanese Restaurant, G/ F,70 Ma Tau Wei Road, To Kwa Wan
• 瀛舫電話:  
• 瀛舫價錢: $101-200
• 分類: 日本菜, 壽司, 刺身
• 座位: 未知
• 付款: Visa,Master,現金
• FB專頁: 瀛舫 Facebook

更多瀛舫相關資料:

• 瀛舫分店
• Youtube
• Facebook
• Twitter
• Google