富粥 土瓜灣

富粥 評價 相片

好耐無寫食評，吸引我再寫呢篇食評，係因為太失望。

前排去廣州食過廣州幾間既布拉腸，覺得好好食，響香港心思思想食，就周圍揾下有無，比我揾到呢間。

中午入去 得閒位女士坐左係度等外賣。

我叫左個 布拉生菜腸粉 同 布拉叉燒腸粉，外賣盛惠total 40蚊。

個女士想嗌碗碎牛粥，個店主/店員粗聲粗氣咁話 "碎牛咩野? 咩野碎牛?"女士話 "我想要碗碎牛粥呀唔該"， 跟住個店主/員又用同樣語氣話 "我地無碎牛粥呢樣野!"... 個女士後尾心急，走去問下碗粟米粥得未，仲有3分鐘要衝返office，佢已經係驚驚青青咁，勁唔好意思地問.... 之不過換黎既係同樣語氣。

。

食物方面。

。

# 叉燒腸 # ***** * 6/10叉燒好乾柴，好厚又大舊，同啲腸粉好似夾唔埋咁。

腸粉好軟....只可以講好軟... 無煙un彈牙既感覺。

# 生菜腸 # ***** * 6/10生菜熟得滯，做唔到爽脆既效果，腸粉好軟，好似亦係過熟咁。

總括黎講，同廣州街邊求其一檔都無得比。

第一次openrice寫食評，但不吐不快。

叫左個皮旦瘦肉粥，义燒腸。

個粥來到習慣撩一撩個粥，稀到無得再稀，大概有78片手指尾甲咁大既既肉加45粒皮旦，由此可見豬肉真係貴左好多好多，我寧願你標貴少少比返d正常份量我。

個义燒腸味道係不錯既，只嫌個豉油加左不少油。

至於服務方面，本來小店也不會期望什麼服務，只係一個四眼後生仔唔知係老闆定店員，收碟收到噼里爬啦，掟落個桶到，如果心情唔好，大可請假一天，到埋單時，佢某低左喺廚房玩電話，要我重覆自己食左咩先話到比我知幾錢

咁啱揸車去土瓜灣果頭，於是就順便試試「富粥」。

即拉叉燒腸粉由於比較夜去所以當時客人唔多，落咗單後見到老闆即時入廚房開爐整腸粉，所以真喺新鮮滾熱辣咁整好。

腸粉厚度適中，無偷工減料整到薄切切咁，所以食落好有口感。

唯一可惜嘅喺叉燒比較小，比較鍾意食多料嘅腸粉，因為食落口會更豐富。

由於今次喺外賣拎走，所以外賣盒內嘅水蒸汽或多或少會影響到腸粉嘅味道。

所以建議大家都喺堂食好過。

即炒豉油皇炒麵雖然喺外賣拎走，不過喺一路行一路食，所以無俾水蒸汽影響到。

呢道嘅炒麵鑊氣差d，炒麵唔夠乾身。

不過調味好好唔會太鹹。

地點唔太好搵，如果唔喺經過附近都唔會專登過嚟食。

在今晚之前已來過富粥幾次，感覺粥和腸粉都很好吃，但經過今晚的遭遇後，不會再考慮幫襯。

今晚外賣自取，叫了皮蛋肉碎粥和雞蛋蝦米腸，粥吃到最後階段卻給我看到有兩隻蟻在膠碗底，而腸份一整盒都有沙石，已不敢想像剛才吃下的東西會有甚麼後果

朋友在紅磡區返工 經常叫佢外賣速遞 今日終於過嚟現場食 除左士應哥哥打乞嗤唔遮口 我地叫嘢食唔行埋嚟要我地大叫之外，嘢食都係無令我地失望嘅！出面街好少食到呢種皺皮腸粉，加蛋一流！

富粥餐單提供港式, 粥品等推介美食位於土瓜灣區，餐廳座位數未知人均消費約$50以下，結賬可以用現金。

您對於土瓜灣餐廳「富粥」有何 comment？

富粥餐廳詳細資料：

• 富粥地址:
  土瓜灣馬頭圍道208號地舖
  Full of Congee, G/ F,208 Ma Tau Wai Road, To Kwa Wan
• 富粥電話:  
• 富粥價錢: $50以下
• 分類: 港式, 粥品
• 座位: 未知
• 付款: 現金
• FB專頁: 富粥 Facebook

更多富粥相關資料:

• 富粥分店
• Youtube
• Facebook
• Twitter
• Google