四川重口味 土瓜灣

四川重口味 評價 相片

食過N 咁多次啦呢間重口味，跌跌碰碰咁食暈佢大半個餐牌，雖然我自己做唔到編輯推介，但係我可以俾個樂樂推介你酸菜魚必叫，叫桂花魚，冇骨又好食好多，不過有時好似有俾人扣起咗嘀😢炒大盤菜花，我係見好多人叫，跟叫，果然多人嗌都冇咩錯！炒蓮藕，好食，切得好薄片，用好多香料炒，惹味～炸脆鯇魚腩，真係炸得好脆又唔油膩，送啤酒一流！講真地方就唔算好乾淨，曾經仲試過有兩隻米奇係天花板跑來跑去打交，但唔知係咪食呢嘀大陸野，越係咁樣就越入形入格，零舍有風味我唔怕那渣，好食就得，可況食咁多次都冇事，証明我命大，唔係兔仔肚，有出街食野嘅天份啦！

突然之間好想食啲辣野，但係又唔想食嘅份量好多，行過見到仲有午餐可以加錢揀多一樣小食，完全符合晒我要求，一直都唔係太知道雲吞雞究竟係乜嘢嚟，但係呢度餐牌好明顯有雲吞同雞，一於叫試吓，有好多生菜，四粒好似乒乓波咁大嘅鮮蝦雲吞，蝦仁好大隻豬肉亦都半肥瘦，仲有¼隻黃油雞，眩惑唔會柴皮，有好濃郁嘅無油雞湯浸住，直接飲怕太咸或者變咗湯飯都可以，小食口水雞，雞肉滑滑滑，唔係好辣，雞皮爽脆冇多餘油脂，質素屬於中上

上菜”四川醬板鴨”三個人呆左望住好似廚餘咁，啲肉又乾又硬，一啲都唔似餐廳比人食，侍應夠膽話：係咁㗎～係咁㗎～炸㗎嘛！懷疑返炸再返炸先會做到呢個效果，問題係呢度菜點會係炸？當時急唔住即刻上網查，烹調方法，一個炸字都無！！咩叫係咁㗎？整埋啲垃圾上黎，一句係咁㗎就大哂？忍唔住同佢講，碟野你拎走啦！錢我照比，但我對住碟垃圾真係食唔落！！仲有罐可樂，你鐘意收幾錢就幾錢？快啲執！不知所謂！好難食！！！

因為我男朋友住土瓜灣，所以我哋成日都幫襯重口味。

佢嘅下午茶同埋午餐性價比好高 ，我地最鍾意係食蔥油雞飯，啲雞勁滑包埋嘢飲.都係唔使四十蚊佢嘅酸辣米線都好好食， 我成日會轉紅薯粉 ，個湯底幾正夠酸啱曬我

朋友介紹這一間川菜，味道都算幾好，新年來講，客人都算多，好像多數都是熱客，環保和裝修舊了點，老闆說做了八年了。

但係都幾有風味我們兩個人叫了三個餸，味道都幾好，但人數太少，好多菜都試唔到，叫了辣子雞，炸得好好食，調味唔錯，空口食都唔咸，啱啱好。

水煮魚，我們叫了大魚，骨比較多，但對鍾意食魚的人來說無咩問題。

涼拌大腸，好辣，可能我們叫了中辣吧！這裡有特價啤酒（金威）$12蚊雞，真係唔知佢賺咩錢。

一共食左200幾蚊，川菜來講算平。

下次要約多幾個朋友再來食過！

四川重口味餐單提供川菜, 四川, 火鍋, 粉麵, 米線, 中菜館等推介美食位於土瓜灣區，餐廳座位數80人均消費約$51-100，結賬可以用Visa,Master,AlipayHK,支付寶,現金,銀聯，Booking訂位可以電話致電 24069332 查詢。

您對於土瓜灣餐廳「四川重口味」有何 comment？

四川重口味餐廳詳細資料：

• 四川重口味地址:
  土瓜灣北帝街26A號地舖
  Heavy Taste, G/ F,26 A Pak Tai Street, To Kwa Wan
• 四川重口味電話: 24069332
• 四川重口味價錢: $51-100
• 分類: 川菜, 四川, 火鍋, 粉麵, 米線, 中菜館
• 座位: 80
• 付款: Visa,Master,AlipayHK,支付寶,現金,銀聯
• FB專頁: 四川重口味 Facebook

更多四川重口味相關資料:

• 四川重口味分店
• Youtube
• Facebook
• Twitter
• Google