嘉樂冰廳 (UPLACE) 土瓜灣

嘉樂冰廳 (UPLACE) 評價 相片

香港人最常去的餐廳當然就是茶餐廳。

今天我們就去了位於土瓜環的嘉樂冰室。

餐廳很近地鐵站，位置很方便，另外餐廳的裝修非常新，也很時尚，座位也很舒適。

我們二人點了炸鮮蝦雲吞、超厚夠吋雞蛋鹹牛肉三文治、郊外油菜、滷水豆腐雞翼飯、日式滑蛋原條鰻魚飯、阿華田奶昔和奶茶脆脆。

炸鮮蝦雲吞即叫即炸，上菜的時候熱辣辣冒着煙，雲吞皮炸得非常香脆，而且餡肉非常飽滿，肉質也很鮮甜。

非常好食！超厚夠吋雞蛋鹹牛肉三文治實物和名一樣，真的是有超厚的雞蛋，牛油香煎的雞蛋非常，而且蛋香味也很濃。

配上烘底的麵包和鹹鮮的鹹牛肉。

整個配搭非常的美味！套餐加$10就可享有油菜一碟，油菜配上牛腩汁，比較少油健康，但是呈現出來是非常美味的一個新鮮菜！滷水豆腐雞翼飯滷水豆腐是這間餐廳的名物之一。

滷汁非常入味，而且豆腐很有口感，入口綿滑。

雞翼當然也是相當出色，滷水的味道完全融入雞翼當中，大家來到一定要試試！日式滑蛋原條鰻魚飯茶餐廳比較少見，想不到這間餐廳煮得相當不錯。

滑蛋的火候剛剛好，吃得出蛋香味和香滑的口感。

蒲燒鰻魚很大條，性價比很高！而且蒲燒的醬汁配上鰻魚非常好吃，魚香味和魚的油脂很濃郁！阿華田奶昔這個飲品也是很有特色，其他地方不常見。

香濃的阿華田造成奶昔，再加上冰冰動動的口感，在夏天來一杯再合適不過！奶茶脆脆在傳統的茶餐廳奶茶上加上焦糖脆脆，令整個飲品升級到另一個層次。

除了香滑的奶茶之外，還能夠品嚐到香甜的焦糖脆脆，口感也升級了！總括而言這間餐廳不論裝修和食物味道都非常好！必定會再來😀

喺荃灣有超過50年歷史嘅家樂冰廳，最近喺土瓜灣也發現佢嘅蹤影。

好近土瓜灣街市，靜中帶旺。

有戶外位置，寵物友善餐廳，仲可以帶埋狗仔坐出面～呢度有好出名嘅阿華田套餐「阿華田脆脆」和「脆爆華田西多士」直接叫呢個套餐，就可試勻佢嘅阿華田特色🤗阿華田飲品，濃郁得來不會太甜，冰粒比例啱啱好。

西多士本身都有夾住雞蛋，面層嘅牛油鹹鹹地，西多士外皮炸得鬆化，咬落脆口，夾心柔軟有蛋香，整體味道唔錯，加添新意嘅傳統美食👍🏻厚切豬扒咖喱飯店家招牌菜式。

即叫即炸豬扒乾身脆口又唔油膩，只係冇預期中咁厚切。

咖喱醬汁另上，味道偏向似港式咖喱，唔辣。

龍鳳可樂鮮檸冰底正常發揮！沙嗲牛肉麵常餐通常試一間茶餐廳嘅常餐，就知道食物質素。

沙嗲牛肉味道好出色，沙嗲香濃惹味牛肉肉質唔韌，公仔麵都可以選擇爽口或淋身👍🏻 牛油厚多士鬆軟可口，太陽蛋煎得唔錯。

柱候牛腩麵下午茶套餐$42湯底有點鹹，但牛腩件件都又腍又入味，而且仲有牛筋。

生麵麵質爽口彈牙，不過份量比較少。

手機落單，睇到仲有麵包嘅套餐，夾啱時間或者問吓店員有新鮮出爐嘅菠蘿包就更正🍴👍🏻👍🏻酥炸鮮蝦雲吞即叫即炸好香口！鮮蝦雲吞外皮脆卜卜好過癮。

凍奶茶茶味香濃，少甜啱啱好，做得比連鎖茶餐廳更出色！

📌 UPLACE) 土瓜灣九龍城道68號瑧尚U PLACE 地下G0203號舖🗓(2/4) 星期日 ⏰ 中午12點左右💈特式：以前係荃灣區做野，所以不時都會去呢間餐廳嘅舊舖，當時最鐘意叫佢地個特大火腿奄烈，真係夠2~3個人食，另外佢地d甜品，例如鳳凰奶糊/杏仁奶糊都係一絕，坊間少有，仲有d特色飲品都係高質素，但呢間土瓜灣分店就真係遜色好多。

🥩🍔🌭🌮🥗🥯🥘🍲🍝🍣🥟🍤🍱食物：今日一行4人，主力都係叫d特色/餐廳推介食物，例如超厚雞蛋鹹牛肉三文冶/大滿足火腿奄烈/爆脆阿華田西多士等等，而家等我同大家講下味道先。

滑蛋沙嗲牛肉燴意粉 沙嗲牛肉味道真係幾ok的，肉質亦唔錯，滑蛋就係普通炒蛋，意粉口感亦做得唔錯，但如果唔撈埋沙嗲牛肉食就完全無味，整體質素係幾好，但賣$57蚊就真係一d都唔值。

滷水豆腐 個豆腐大約一個成年男士拳頭咁大，佢分左3件，味道都可以，表皮亦煙靭有咬口，但滷水味只係上到個面，入面只係得普通豆腐味，一件滷水豆腐賣$17蚊都係偏貴。

豉油皇雞翼(3隻) 3隻雞翼賣$24蚊就點都一定唔值，好食到識飛都係咁講，其實佢個味同滷水豆腐差唔多，而且都有同一個缺點就係滷水味只係上到個面，入唔到入面。

大滿足火腿奄烈 我好耐無去過荃灣間總店食唔知佢地係咪都縮左水，但以我記憶，呢個奄烈係我之前係荃灣食嘅一半size都無，餡料份量亦都少得可憐，但就賣$36蚊，比起荃灣menu上的火腿小奄烈$33蚊，仲要貴多$3蚊。

超厚雞蛋鹹牛肉三文冶 呢個三文冶做得係出色的，不過略嫌鹹牛肉份量少，個種鹹香味道唔係好出，我地加左$2蚊轉烘底，出嚟個感覺係比正常方包好食香口，加埋烘底收$36蚊。

爆脆阿華田西多士 呢個係套餐，包埋一杯凍阿華田脆脆，夾埋就$60蚊，價錢都係偏貴，不過個西多士味道真係唔錯，表面有阿華田脆脆，入面就有少少花生醬，不過如果佢入面改用阿華田醬相信會更好。

☕️🍵🥤🧋🍺🍷🥃🍹🧉🍾🍶🥛飲品 : 除左跟餐個杯凍阿華田脆脆，我地另外仲叫左蛋白杏仁茶/佛手柑金棗茶/柚子蜜。

杯阿華田就係正常阿華田一杯再加左阿華田脆脆，但冰太多，越飲越無味；蛋白杏仁茶好淡，唔夠味；佛手柑金棗茶同柚子蜜兩杯飲落都無乜分別，都唔係好分得出有咩唔同，而且有點過甜。

🍽環境：餐廳環境就係正常茶餐廳/冰室格局，整體都乾淨同企理，但坐位就偏迫夾，而家枱面空間有限，枱面本身已放置餐具同調味，再放多2~3碟食物已經無晒位置咁滯，但值得一讚係呢間舖有幾張戶外枱可以比人帶寵物入坐。

🤵🏻🤵🏻‍♀️🤵🏻‍♂️服務：員工服務正常，落單係掃枱面QR Code，上菜速度就一般，有某d食物/飲品要一催再催先上到。

💰💸價錢：叫左收上食物/飲品，埋單就$301蚊，我就覺得唔算好貴，但味道只係普通茶餐廳級數，就未致於要賣到呢個價錢。

🐲💬總結：只可以話佢地土瓜灣呢間舖只係普通茶餐廳嘅級數，同佢荃灣總店相差好遠好遠，我情願花時間搭車去荃灣食都唔會因為就腳而幫襯。

推薦指數：❤️❤️🤍️🤍🤍

今日同阿仔放學行去地鐵站途中，阿仔話好肚餓想食完晚飯先返屋企😂，見附近有一棟新住宅瑧尚，行過就見到地下有一間“嘉樂冰廳”，於是走入去試下😆。

店舖裝潢簡潔整齊，坐位空間闊落，最特別是這間冰室有室外及室内兩個部份😮，室外部份令人感覺舒適開揚🤗，室內就充滿懷舊風情🥰。

咖哩吉列豬扒飯$57豬扒🐖外層炸粉幾薄，炸得非常香脆😍，因為咖哩汁另上，所以豬扒可以保持脆口，非常好味😋。

超厚雞蛋鹹牛肉三文治$36 烘底+$2蛋🥚不但超厚而且超滑，加上鹹香的碎牛🐂，味道更豐富😋。

酥炸鮮蝦雲吞(5️⃣粒)$24餡料飽滿，豬肉🐖同蝦肉🦐的比例剛剛好，炸得非常香脆😍。

豉油皇雞翼(3️⃣隻)$24味道有別於一般豉油皇雞翼🐓，個人覺得似偏向濃味的瑞士雞翼，皮滑肉香😋。

脆炸雞髀$36即叫即炸雞髀🍗，非常熱辣辣🔥又香口，好食😋。

忌廉溝鮮奶$23忌廉及鮮奶🥛分開上，自由調配幾特別又好味，充滿兒時回憶🥰。

涼粉奶茶冰$25奶茶有茶味而且甜度剛剛好，加上涼粉非常好飲😋。

總括而言，食物平、靚、正，環境舒適乾淨，有種懷舊冰室的感覺，而且店員服務態度良好又勤快，價錢合理，無加一服務費，值得再次回訪。

嘉樂冰廳絕定係我嘅兒時回憶✨，好記得小學嗰時佢已經坐落喺荃灣，數數手指都有廿幾三十年😉，荃灣店爆紅之後長期排隊都幾難食得到；知道佢喺土灣開咗分店，梗係要去再去一嚐佢嘅名物喇😋！順帶一提，原來土瓜灣店係🐕🐩「寵物友善」餐廳，特別設有室外懷舊裝潢毛孩打卡專區。

·🍲一人鍋心暖意🐂美國IBP安格斯穀飼雪花肥牛HKD$78火鍋套餐包括香菇貢丸、🐮牛丸、墨丸、龍蝦風味丸、🍤鮮蝦雲吞、🥟韮菜雲吞、稻庭烏冬、🥬生菜、金菇、🌽粟米等，估唔到一人份量都幾多；湯底揀咗特濃沙嗲湯，冬天打完個邊爐暖笠笠！·🥪超厚夠吋雞蛋鹹牛肉三文治HKD$33嘉樂名物之一🤩!! 好耐冇食啦，超厚切滑蛋🍳，真係有成吋厚，好夠吋😆！大嚿到擘大個口都咬唔哂，加埋鹹牛肉簡直係絕配👍🏻。

·🫔大滿足火腿奄列HKSD$35又一嘉樂名物😻，超厚滑蛋奄列，雞蛋半熟🍳，切開蛋汁流出，嫩滑富咬口。

·🥠酥炸鮮蝦雲吞5粒HKD$23炸至脆卜卜😚，內餡軟綿綿，食到有粒小蝦仁🦐，配泰式辣椒醬食好惹味!·📍嘉樂冰廳土瓜灣九龍城道68號瑧尚U PLACE地下G0203號舖

嘉樂冰廳 (UPLACE)餐單提供港式, 茶餐廳, 冰室等推介美食位於土瓜灣區，餐廳座位數80人均消費約$50以下，結賬可以用Visa,Master,AlipayHK,支付寶,現金,八達通,微信支付。

您對於土瓜灣餐廳「嘉樂冰廳 (UPLACE)」有何 comment？

嘉樂冰廳 (UPLACE)餐廳詳細資料：

• 嘉樂冰廳 (UPLACE)地址:
  土瓜灣九龍城道68號瑧尚UPLACE地下G02-03號舖
  Gala Cafe (UPLACE), Shop G02-03, G/ F, U P L A C E, Artisan Garden,68 Kowloon City Road, To Kwa Wan
• 嘉樂冰廳 (UPLACE)電話:  
• 嘉樂冰廳 (UPLACE)價錢: $50以下
• 分類: 港式, 茶餐廳, 冰室
• 座位: 80
• 付款: Visa,Master,AlipayHK,支付寶,現金,八達通,微信支付
• FB專頁: 嘉樂冰廳 (UPLACE) Facebook

更多嘉樂冰廳 (UPLACE)相關資料:

• 嘉樂冰廳 (UPLACE)分店
• Youtube
• Facebook
• Twitter
• Google