喜樂車仔餐室 土瓜灣

喜樂車仔餐室 評價 相片

店名…, 有些少宗教色彩, 招牌上還寫著: “支援智障人仕工房”, 感覺有些攪嘢, 唔好誤會, 我絕對無意取笑一間幫社會弱勢的機構, 相反, 甚至更會有一種尊敬的感覺. 但一見這個標語, 就估應該 唔係有”支助團體”幫忙的. 支助團體呂唔會用“工房”這個詞囉, 更加唔會把”人士”寫成”人仕”吧… ("士"指成年人, "仕"指做官的) 你估依家我地寫食評咩!…可以亂咁嚟吖!?!?…哈哈 哈哈..早餐, $24, 好多材料選擇, 此區, 唔算平唔算貴.沙嗲牛肉麵, 麵身可以, 不太淋, 算是彈口, 湯底顏色己可判斷味道, 入口, 只有鹹味, 沙嗲牛肉，醃得不算過火, 仍有牛肉纖維口感, 但味道又是太鹹.煎蛋, 接近全熟, 午餐肉, 算是煎過一吓吧, 但未夠香和脆燶, 薄多士切邊, 顏色偏白, 未夠香口.凍奶茶, 少甜, 好正常的少甜凍茶, 與一般茶記無異, 都是無茶味, 少甜自然自埋茶, 全港茶記一樣, 無得救…見你擺明車馬, 話係幫弱勢社群, 雖然唔太知道你點樣幫的詳情, 都比個”Good”你啦..

食左咖喱雞農夫飽，很有水準，很有驚喜！看似一間平平無奇嘅茶餐廳，估唔到咁好食！飽脆配料多，咖喱汁煮得很好，不過略嫌咖喱汁不夠多，如果另外再上多一碗咖喱汁會更加好！另外試左少少公仔麵，公仔麵亦煮得很好，麵質彈口但不會發漲，時間掌握得很好！

是日早上又去試新茶記....這間叫"喜樂車仔餐室"的新力軍，位置開在人流暢旺的大路旁，真的不愁沒有生意...四至五款的ABC選擇，每款都是二十大洋左右。

不貴....既然不昂貴，就可以吃豪一點。

先來份牛油多士加火腿奄列。

多士邊烘得脆，用口一咬下咔的一聲，可其暢快；包身見鬆軟，實在不錯，再加上牛油塗得重手，吃起來自然就夠香；腿奄雖然薄薄的，但有點蛋汁藏在裡頭，已是意料之外的好...凍奶茶內的奶下得太多，遮蓋了應有的茶味，不過嬴在夠凍而且又大大杯，喝入口實在是透心涼...一丁麵是大大碗的，用上原味的麻油湯包，品質自然有保證。

不過麵質卻是過淰，而鮮牛又是經過化學品處理過的，吃起來自然沒趣...不過只花二十多元就可吃得飽飽，還想有甚麼要求呢 ?

雖然我對茶餐廳食評一向沒興趣~但係呢間開業近2個月GA茶記~令我都忍唔住要寫一下~除左特色農夫包真係好好味之外~其他都係一般茶記食品~但係驚喜GA係....無味精都好好味!!相比附近GA茶記佢真係清新好多~而且料又多~廚房更加係睇到好乾淨~雖然裝修簡潔~但食物水準真係唔錯~同D樓面打聽~原來廚師係曾經得獎架唔怪之得炒飯真係好夠乾身~炒河我叫外賣~速度超快~上到來未開盒已經聞到好香~最重要係搵唔到個盒底有油架!!好正!!而且價錢好低食~快餐先27蚊!!!有D仲要係平時人地茶記小炒GA餸~AM你揀~唔係得個4,5款~仲有湯同野飲~湯都飲得出係無味精~雖然佢係好平但又唔會話比小D料你~我個人認為仲多過人地成35蚊個D餐~佢外賣真係好低讚好快送上來~唔似得個D老茶記~成半個中都未見~仲要打電話去吹~唔憂做咁款~搞到依家喜樂已經變左我同親愛的GA飯堂喇XD

這餐館開業一個月左右，地方雖然不大，勝在清潔。

當天下午兩點去到，可能太新，不用等位。

試了一個特色農夫包 +咖哩牛肉。

農夫包皮脆，咖哩牛肉香味令人流口水！例湯更是沒有味精，令人驚喜！價錢更是物超所值！

喜樂車仔餐室餐單提供港式, 茶餐廳, 冰室等推介美食位於土瓜灣區，餐廳座位數未知人均消費約$50以下，結賬可以用現金。

您對於土瓜灣餐廳「喜樂車仔餐室」有何 comment？

喜樂車仔餐室餐廳詳細資料：

• 喜樂車仔餐室地址:
  土瓜灣土瓜灣道263號地下
  Holy Cafe, G/ F,263 To Kwa Wan Road, To Kwa Wan
• 喜樂車仔餐室電話:  
• 喜樂車仔餐室價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 喜樂車仔餐室 Facebook

更多喜樂車仔餐室相關資料:

• 喜樂車仔餐室分店
• Youtube
• Facebook
• Twitter
• Google