和味濃 土瓜灣

和味濃 評價 相片

平時在工聯會做完yoga會來這裡吃飯。

dinner set一般啦, 不過不失, 勝在抵食, $33有2餸一飯野飲甜品。

另外，原來這裡的鹽焗烏頭很好吃, 每次吃也很有水準, 不會overdone, 魚也很juicy, 也只不過是$32。

不過如果想食就要訂定啦, 因製作需時約25分鐘。

尋晚我地去左和味濃食晚飯，去到已經九點幾喇，入面都仲有兩枱人食緊飯~我地坐低叫左個晚餐，係一個日式o既湯飯套餐，見佢$35有三個餸，有飯有飲品同甜品，諗住份量都唔會太多，於是再叫左條是日精選o既鹽燒烏頭($32)，串燒雞翼($13)，鹽燒雞皮($13)，薄燒牛脷($16)同埋香草羊扒($20)。

首先黎o既係薄燒牛脷同香草羊扒，牛脷有三塊切得薄薄地，有d黑椒味，好腍~好味~香草羊扒好有羊味~二十蚊黎講一d都唔細塊，都有手掌咁大~之後老闆拎左碟沙嗲汁俾我地，味道唔錯~再黎有日式湯飯，可以揀豬骨湯或麵豉湯底，我地揀左麵豉湯，有芝士腸、豬頸肉同肥牛，份量都好大，而且碗飯係分上架~老闆見我地兩個人仲問我地夠唔夠飯，免費俾多碗我地添~之後個鹽燒雞皮同串燒雞翼都到埋，真係燒得好有水準，雞皮好脆，而且味道o岩o岩好~最後連條鹽燒烏頭都到喇~我地以為咁o既價錢條魚一定好細啦~點知條魚都算大，老闆仲好細心地為我地拆開條魚，落埋檸檬汁~真係超好食呀~好新鮮而且啖啖肉~最後仲有飯後甜品，可以揀紅豆沙或啫喱，老闆仲送多個俾我地添~有一個題外話就係,呢間舖頭,個電視教得好清,每一位客人都睇得好舒服,除左野食,環境都好緊要,好過人地一間舖有兩個電視,但係兩個都係睇雪花。

另外雖然間舗好細，得幾張枱，但係d座位都好闊，坐得舒服~我地仲聽到隔離枱一對情侶好都話d野好食添~總括黎講呢間餐廳做得好有誠意~希望佢好生意啦~我地都會繼續幫襯架~

聽太座的同事朋友說有一間在土記的日式小店既便宜又美味，趁是日下午要到附近辦點事，下來吃個quick lunch也好...到了海悅廣場，找來找去也找不着，於是打了個電話給太太，說道在廣場內只有一間吃日式料理。

兜兜轉轉下，卒之在一個地下的轉角位置，找到了她...這店名作"和味濃"，內裏座位極小，看上去大概只得五至六檯左右吧。

選了個近窗口的位置，喝了口水，就看看餐牌有甚麼吃...午市套餐只有四款選擇，都是些很大路穩陣的如照燒雞扒及鰻魚飯，除外還有些很茶記feel的如洋葱豬扒可吃。

可說是集各方之大成....來得這裡，斷估也不會叫甚麼洋葱豬扒來吃啩 ? 就來了份照燒雞扒飯。

下了order，轉頭不到三分鐘就已端來，應是預先已弄好了。

米只是用普通的泰國米而非黏性很強的日本貨，在這等街坊小店，是不可以有太多要求的了；雞扒皮煎得皮不夠脆口，肉也是無甚味道的，味道全來自那甜甜的照燒汁。

可幸那汁不調得過份地甜，用來撈飯吃，還可以....三十多大洋一大碗飯，抵吃而不特別難吃，收貨了.....P.S. 事後跟太座再談起，原來她同事所說的那所日式料理原來是在同層二樓的，擺了個大烏龍添

放lunch見到有間新野就去個度試下個老闆娘好有禮貌,又好人星期5個日叫左個野菌汁豬排飯真係唔錯以為會好怪d味但點知係好match個豬排d豬排仲好林一個女仔食一個飯個份量差唔多但我覺得最好既係個environment好正, 唔係得好多張'木台', 但係入面傾住計食野真係好正會keep住幫襯

上星期.因朋友介紹啦.佢話有一間食串燒的店很好味.我聽到.已經搞到我好想即刻去啦.過左大約兩日.我終於都去左啦.間野.雖然真係幾細.但我無想過好好味喎.價錢唔貴.服務態度又好好喎.原來仲要係開張無幾耐.但已經有很多人試過.都話好好味.正呀.!!!仲要有一個好好名的.叫冰震蕃茄.真係好味到呀!又夠凍喎.真係唔錯啊這間店我發現左一樣很特別的事情原來隻隻碟都唔同的,好靚,好有特色,真係唔錯呀..真係抵讚啊!

和味濃餐單提供日本菜, 爐端燒等推介美食位於土瓜灣區，餐廳座位數16人均消費約$51-100，結賬可以用現金。

您對於土瓜灣餐廳「和味濃」有何 comment？

和味濃餐廳詳細資料：

• 和味濃地址:
  土瓜灣馬頭圍道209-211號地舖G04
  和味濃,  
• 和味濃電話:  
• 和味濃價錢: $51-100
• 分類: 日本菜, 爐端燒
• 座位: 16
• 付款: 現金
• FB專頁: 和味濃 Facebook

更多和味濃相關資料:

• 和味濃分店
• Youtube
• Facebook
• Twitter
• Google