光輝漁港酒家 土瓜灣

光輝漁港酒家 評價 相片

星期日飲茶經常黎呢度,貪佢\近屋企價錢平食物質素亦不俗。

十一點前入單,大中小點全部同價,十一點後價錢亦比一般茶樓平,基本上兩個人黎一定唔過一百蚊。

最愛係佢\的馬拉糕,十分金黃軟熟。

不過針冇兩頭利,呢度無論環境同服務態度,都係十分差劣。

基本上如果少人的話,多數要同人搭枱,同埋d waiter態度真係好差,有時真係幾受氣!不過見佢\咁平,忍下就算啦~

同屋企人來呢度食飯，主要係因為佢晚市有出名平的小菜套餐，但去到估唔到因為中秋的關係，所有以往的小菜套餐都停左，只有幾個中秋套餐選擇。

我地無可奈何地叫左個五至六人餐。

未上菜前有兩碟前菜，其中一碟所謂的酸菜又唔酸又唔辣，只食到麻油味。

佢上菜幾乎係一次過上的，但我地張枱就細得可憐，佢要將其中一碟菜放係隔離張吉枱度，真係服左佢呀，個場又唔係多人，好心佢俾張大d的枱我地都唔會死啦！最離譜係d餸，完全沒有水準可言，只係個帶子西芹可以，其他我呀媽煑都好食過佢多多聲。

佢那個所謂翅，二人餐同六人餐都係同様份量，點分呀！不過分到都唔知自己係度食緊翅。

條海斑仲離譜，未試過可以食到咁多“咋”，幾乎食剩半條。

同個waiter講，佢話可能煑得過熟，食食下會ok喎，咁都得呀？佢地所謂精彩甜品真係精彩，糖水係凍架，仲要加左好多生粉黎煑，仲有d好似痰的物體係裡面，唔通係師傅舊痰，定係經理舊痰？生果只得西瓜但係仲要係爛架！又貴又唔好食，百幾蚊位真係唔值呀，每位五十蚊都嫌多呀！今餐之後都咪駛叫我再黎幫襯啦！真係食到一肚氣！

比佢門口個$158套餐吸引左入去.....菜膽雞煲翅燒雞清蒸海上鮮再加自選兩個小菜，要左碧綠花姿片同紅燒北菰紅燒豆腐雞煲翅:的確有翅，份量亦唔少，但o的湯完全冇味，菜膽又用白菜代替，o的雞非常鞋口，最神奇係完全唔腍，照計煲完湯o的雞唔會咁o架.....所以覺得佢o的雞係後加，又或者已經雪到硬晒~燒雞:細隻，燒到乾晒，冇肉味，鞋口，集所有缺點於一身清蒸黃立倉:最似樣係呢條魚，蒸得剛剛好，幾滑，豉油咸甜適中！西芹花姿片:西芹同花姿都冇問題，最失敗係火候控制，個芡o岩o岩落就熄火，食落一pat pat咁.....北菰紅燒豆腐:竟然o係隔離o既任食檯到夾比我地，吹脹！不過有翻兜過o既~味道就不過不失啦....連埋五個白飯、一渣特價檸蜜、茶芥加一等共二百六十幾~順帶一提、呢度有任食火鍋，不過我巡過o下張食物檯，選擇少不特只仲唔多新鮮，要任食火鍋比多少少錢行多兩步去幸福樓啦......

星期六同屋企人食飯,一定唔去君悅軒,見呢度唔駛等位就’中’入去,竟然比我食到個超平套餐,老實講,論門面同裝修唔好有咁多要求,佢有兩個比較平既套餐都係$158五個菜,除左三個set定之外,仲有兩個任選:a)豉油雞一隻,砂鍋魚翅一煲,同蒸海魚一條,我再加西芹花枝片,西蘭花帶子b)燒鴨半隻,砂鍋魚翅一煲,蝦一斤(應該唔夠)我再加魚香茄子同炒雜菌三個白飯,三枝汽水,埋單五百有找,不過水準一般,toilet就唔好提,可以唔去就千祈唔好去,後果自負!

連續兩日和同事來吃午餐, 經濟抵食可能係這間茶樓唯一可取的地方, 第一天點了一個套餐, 72元正包括一碟白切雞, 菠菜和窩米線, 味道不過不失; 第二天點了一個蝦醬蛋白菜粒炒飯, 價錢約二十元正, 水準亦可接受; 其他點心表現偏於水準以下, 其中比較欣賞奶王千層糕; 服務一般, 人手不足和反應冷淡.

光輝漁港酒家餐單提供粵菜, 廣東, 火鍋, 海鮮, 點心, 酒樓等推介美食位於土瓜灣區，餐廳座位數未知人均消費約$101-200，結賬可以用現金。

您對於土瓜灣餐廳「光輝漁港酒家」有何 comment？

光輝漁港酒家餐廳詳細資料：

• 光輝漁港酒家地址:
  土瓜灣偉恆昌新村美景街96-100地下
  光輝漁港酒家, G/ F,96-100 Mei King Street, Wyler Garden, To Kwa Wan
• 光輝漁港酒家電話:  
• 光輝漁港酒家價錢: $101-200
• 分類: 粵菜, 廣東, 火鍋, 海鮮, 點心, 酒樓
• 座位: 未知
• 付款: 現金
• FB專頁: 光輝漁港酒家 Facebook

更多光輝漁港酒家相關資料:

• 光輝漁港酒家分店
• Youtube
• Facebook
• Twitter
• Google