Mr. Bites 土瓜灣

Mr. Bites 評價 相片

呢區不錯既Cafe & Bar!!!❤️夜麻麻搵野食，誤打誤撞去咗土瓜灣呢間Cafe，有酒飲而且嘢食唔錯，員工好nice ，傾左成個鐘，會同朋友再encore，支持一下小店!! 下次想試M5和牛同飲下佢啲draft beer!!!!❤️

已經有差唔多一年無幫襯，睇住佢地開檔，初時仲成日黎食Burger Pizza……..生意越做越好，由無酒飲到有酒飲。

早幾個月見佢地推出任飲任食，都知佢地生意難做。

一年無見今次仲有手工啤酒添…今次同朋友坐低，叫左﹕Mr Bites﹕Burger無進步，但水準依舊。

佢地都係犯左漢堡包一個通病，就係個包大唔實在，得空氣，未食就已經扁左。

好彩佢舊肉大大舊又厚身，牛味香濃有肉汁，有粗鞋牛肉口感，正係呢個包既重點。

Parma Pizza，批底夠薄夠脆，但係好似仲差少少底火，唔夠香！每塊都有Parma Ham，但無咩醬汁，有D唔夠味，火箭菜少得制！BBQ Ribs呢個係我黎咁多次，食咁多款菜之中最失敗！無肉汁，外面燒得唔夠香，燒汁無咩味…上桌凍凍地！伴碟小米都係有色無味！點左兩款手工啤試，同串串地差好遠，無特色，當普通啤酒飲就可以…唔好有期望！土瓜灣上年開左好多西式Café，雖然各有賣點，但係食客多左選擇，佢呢個位置偏離北帝街譚公道一帶食店眾集地方，絕對影響生意。

Mr Bites要努力D保持水準同創新啦…

雖然過左聖誕節，但係都為左聖誕而約左朋友食番餐。

地點就揀左係土瓜灣 ，目標係西餐，選擇唔多既情況下就揀左Mr.Bites ，而呢個決定係值一百二十分既！Book左位駛等，不過人流都唔多，都怕會中伏。

一入到去，發現裝潢都幾骨致，幾有特色，連隻碟都靚D，食野都開心D 。

散叫左水牛城雞翼，可以再辣多少少，不過都好香口。

一定要食－唔會焗到乾哂，薯皮好脆，蟹肉又夠多，個汁都好夾。

到中蝦墨汁意大利雲吞，汁好香，蝦都好食，但係意大利雲吞就有進步既空間。

Pizza又係一大驚喜，估佢唔到咁好食，又香又脆，而塊煙三文魚一咬就分開，唔會一啖就得番塊Pizza。

亮點之一就係佢既啤酒種類都算幾多幾特別，我飲既係馨和 KAGUA Blanc，好香柚子味。

原本想去哥登堡食扒，但可惜停電食吾到， 所以想起早前食過的Mr bites， 覺得餐廳食物質素吾錯， 所有即轉移陣地，點知遇著店舖週年紀念，$88 任飲啤酒，任食水牛雞翼同粗薯條兩個鍾，講真淨飲啤酒都底 ，仲要佢d水牛城雞翼堅好食，少少辣連我吾食辣的男友都食到 , 仲要勁讚,  我地仲叫左和牛漢堡，漢堡肉可以簡幾成熟 , 我要左7成, 所以漢堡扒內仲好嫩口, 同勁多肉汁 , 一D都吾會過老 ;仲有可能始終係土瓜灣區 , 所以客人吾多 , 吾會有趕客的情況, 真係淨飲啤酒吹水都底

星期日既一個晚上，約左個舊同事gathering,諗起有一間裝修頗有特色既餐廳，加上之前都曾光顧過嗰間餐廳既午餐，味道不錯，所以今次介紹俾個舊同事。

嗰晚我試左幾樣野，首先黎既係，BBQ rips,肉質鬆軟，多汁，距住係pizzaburger,幾有特色，pizza皮脆，內裏既burger肉汁豐富，幾好既配搭，最後係西班牙乳豬，呢個係令我最回味既，因為先講賣相，真係唔錯，味道方面，我食得出係心思之作，因為鬆脆既乳豬皮入面，係一絲絲幼嫩既乳豬肉，外脆內軟。

呢一餐令我同個舊同事都幾滿意，同埋都諗住下次黎試其他野，唔錯!!!

Mr. Bites餐單提供西式, 薄餅, 漢堡包, 西餐廳等推介美食位於土瓜灣區，餐廳座位數24人均消費約$101-200，結賬可以用Visa,Master,現金,銀聯。

您對於土瓜灣餐廳「Mr. Bites」有何 comment？

Mr. Bites餐廳詳細資料：

• Mr. Bites地址:
  土瓜灣天光道44號地舖
  Mr. Bites, G/ F,44 Tin Kwong Road, To Kwa Wan
• Mr. Bites電話:  
• Mr. Bites價錢: $101-200
• 分類: 西式, 薄餅, 漢堡包, 西餐廳
• 座位: 24
• 付款: Visa,Master,現金,銀聯
• FB專頁: Mr. Bites Facebook

更多Mr. Bites相關資料:

• Mr. Bites分店
• Youtube
• Facebook
• Twitter
• Google