68記 土瓜灣

68記 評價 相片

首先, 佢係一間有台灣大路野(如:肉燥飯)食嘅茶仔. 某日行過.. 細細間.. 新裝修好. 成條上鄉道又新正, 最後生就係佢. 不過門口較細, 前前後後又有一大堆招牌. 行過都唔覺~~就係見佢新新地, 揾日wkend去左食過breakfast. 廿蚊有個早餐, 又有d 小食叫下. 既然同附近價錢相若, 就叫多幾樣野試下... 腸仔旦方包 + 青咖哩豬頸肉撈丁 + 熱奶茶 餐旦方包 + 意式雞柳fettucine+ 紅棗桂圓茶 奶油豬仔包 肉醬熱狗煎隻旦, 做唔到圍邊燶燶地, 又大大隻雞蛋黃圓圓咁浮上面. 不過, 可取嘅係.. 腸旦都係即叫即煎. 好多茶記煎好一堆等你要... 擺到明, "咁平, 係咁架喇~~" 所以條普通一條腸都特別香, 特別好食. 青咖哩豬頸肉撈丁. 燒過嘅豬頸肉淋上咖哩汁. 可惜個汁一d 咖哩味都冇. 成個撈丁變得麻麻地. 意式雞柳 fettucine 其實佢個汁真係較得幾好. 醬汁唔係求其撈d 茄汁就算. 配上雞柳而唔係雞絲, 更加好味. 呢碟野, 去附近茶記一定做唔出黎嘅. 可惜,放左落湯. 不過老細話, 熟客會叫佢走湯. 我下次一定記住講. 不過, 點解唔直情唔好放湯, 咪仲好!?香噴噴嘅熱奶茶.. 茶餐廳一定唔可以差... 呢間都合格.. 紅棗桂圓茶好大杯, 係就係加多幾蚊, 不過好抵飲, 又有得 refill 個壺 (當然會淡d 啦). 奶油豬仔包其實難度不大. 味道差唔得遠. 起碼用上翠華果種豬仔包, 又平一大截, 幾抵食. 不過, 花少少心思, 會再好味d. 例如, 將個包烘到一半, 塗上奶油再焗埋果半. 好味過就咁烘完塗上面好多. 不過人地收得我幾蚊, 費事太多意見啦. 遲下有機會熟d 先啦. 肉醬熱狗只係普通貨色. 肉醬冇特別, 同食肉醬意粉果d 肉醬冇乜分別.條腸比早餐腸大d 長d, 不過又唔係d 乜野特別腸. 可能係之前去過同區叫不得了茶座嘅肉醬熱狗(不過摺左喇), 期望過高添...p.s.一般茶仔價錢, 有非一般茶仔嘅選擇, 更食得出小店嘅用心. 加把勁啦! 下次黎, 我會試下你d 台灣野.

68記餐單提供台灣菜, 粉麵, 米線, 快餐店等推介美食位於土瓜灣區，餐廳座位數未知人均消費約$50以下，結賬可以用現金。

您對於土瓜灣餐廳「68記」有何 comment？

68記餐廳詳細資料：

• 68記地址:
  土瓜灣上鄉道68號
  68記, 68 Sheung Heung Road, To Kwa Wan
• 68記電話:  
• 68記價錢: $50以下
• 分類: 台灣菜, 粉麵, 米線, 快餐店
• 座位: 未知
• 付款: 現金
• FB專頁: 68記 Facebook

更多68記相關資料:

• 68記分店
• Youtube
• Facebook
• Twitter
• Google