御廚 南灣

御廚 評價 相片

在英皇官網訂了聖𧩙住宿套票是包自助早餐的，所以今早就去試吓。

餐廳幾大，但枱與枱太近，有點迫，食物選擇不少，但因為晏d要去氹仔食自助午餐，所以只有淺嘗。

點心試左排骨細細粒冇乜肉，牛角包同葡撻可以用焗爐焗返，焗完熱食十分可口鬆化，即灼了碗牛腩雲吞肉丸湯麵，師傅給了很大份量，肉丸彈牙，牛腩有啲乾同奀，反而雲吞就幾好。

蘋果汁、巴樂汁應該加了水的，淡淡的，反而咖啡就好香濃。

如果下次再嚟，想試吓佢嘅自助午餐。

另外，整間酒店的員工，都相當親切有禮。

Buffet來講唔算多嘢食，不過百五蚊嘅buffet都算幾抵～雖然個位都有啲窄，不過環境都好舒服！平日都滿座～嘢食有中西湯，唔同嘅壽司等等，好presentable! 緊要係高質冬菇蒸雞飯～仲有黑豆紅棗紅蘿蔔豬展湯！真材實料！ 生滾粥，麵，冬陰公湯麵都可以即整，有好多海鮮揀～ 另外雖然無影到，海南雞飯都值得一讚。

啲雞好亂同埋好新鮮！味道都唔楚本身就包餐茶不過可以加少少錢飲鮮榨果汁～啲員工都好親切服務態度好好～好滿足～

應該都有2, 3年無黎食英皇食自助餐，見佢而家送龍蝦就再食。

自助餐原價＄288加一（工商卡8折），我地買定食飛每位 $250連加一。

自助餐不分時段，我地7點坐到10點。

食物方面，選擇唔多，以下菜式己經無左，好可惜： 薑葱炒蟹，中式蒸魚同中式點心，而普通自助餐都有既長腳蟹同煙三文魚都無，失望！甜品種類多，可惜死甜唔好味。

飲品方面，汽水任飲，另包一杯餐飲。

全餐最正係任食HAAGEN－DAZS，100ML裝，有雲呢拿，咖啡，士多啤梨同朱古力味。

見兩年半都無人寫過食評, 當係update下... 呢間餐廳還健在的, 平日每位$268+10%, 英皇卡有9折, 記得響地下開番張先上黎呀! 汽水飲任, 茶啡只包一杯.... 價錢黎計算最平既自助餐架喇! 星期一晚上20:30才到, 客人只坐滿半間餐廳, 出面拿食物的瞭瞭可數, 與自助山的人頭湧湧簡直天淵之別, 頗為舒服又唔駛爭食... 熱盤都頗多, 自助山有70米時, 呢度都有40米...最基本的就係有壽司, 不過我唔食...而最終目的當然係蟹腳, 不過呢度無蠔食, 我唔食蠔絕對fit晒我, 自助山則有蠔無蟹腳... 蟹腳質感一般, 味道有d腳咸有d腳淡, 咸也不是太咸, 我鍾意... 最離奇走果陣先發現d較剪係收埋晒, 要問職員取先有... 我係練到唔駛用剪食的最好味的竟然係鐵板燒, 淨係炒菜我都追加左一碟, 秘製醬汁喎! 反而肉就無乜選擇...乳豬都係呢度主角之一, 葡式果隻薄皮啦! 唔係鬆化皮, 冇乜肥膏...  都好食, 只係冇海鮮醬...食自助餐我都無乜幾可會食飯, 飽肚唔抵嘛! 但呢次抵唔住誘惑, 的式鳳爪排骨飯!!! 仲細過湯盅, 直徑只得三吋, 味道都係和平日酒樓食差不多, 都幾好食, 不一定要試, 只係個人喜歡食吧...甜品最敗北, 陰公... d cake仔還可以, 沒有滑溜溜的感覺, 但d大cake就弊家伙, cheess cake無cheess 味, 面頭d 乜berry醬好酸! d黑森林同雜果蛋糕有點乾鞋....不過如果計性價比, 呢度都算不錯既, 真係$268埋單... 服務真係弱左少少, 無人理, 少主動...

餐廳採用英倫式設計風格，古典華麗，感覺置身英式宮廷。

有駐場樂隊live show，有駐場廚師現點現做。

匯聚各國美食，照顧各層次食客的需要。

刺身很鮮美，琳琅滿目的甜品是一大賣點，哈根達斯無限量享用。

全日供應

御廚餐單提供西式, 自助餐, 酒店餐廳等推介美食位於南灣區，餐廳座位數未知人均消費約$101-200，結賬可以用Visa,Master,現金,AE，Booking訂位可以電話致電 +85328389988 查詢。

您對於南灣餐廳「御廚」有何 comment？

御廚餐廳詳細資料：

• 御廚地址:
  南灣澳門商業大馬路288號英皇娛樂酒店9樓
  Royal Kitchen, 9/ F, Grand Emperor Hotel,288 Av. Commercialde Macau, Praia Grande
• 御廚電話: +85328389988
• 御廚價錢: $101-200
• 分類: 西式, 自助餐, 酒店餐廳
• 座位: 未知
• 付款: Visa,Master,現金,AE
• FB專頁: 御廚 Facebook

更多御廚相關資料:

• 御廚分店
• Youtube
• Facebook
• Twitter
• Google