滾得囍宮廷火鍋小炒 北角
最後更新:
滾得囍宮廷火鍋小炒推介
走華麗宮廷風的火鍋店。推介四川麻辣湯底火鍋及手打丸拼盤。
北角滾得囍宮廷火鍋小炒
| 餐廳分店 | 滾得囍宮廷火鍋小炒 |
|---|---|
| 地區 | 北角 |
| 電話訂位 | 23313838 |
| 餐單 Menu | 粵菜, 廣東, 港式, 火鍋 |
| 人氣指數 | 1714 |
| 價錢幾錢 | $201-400 |
滾得囍宮廷火鍋小炒訂位位於北角區，詳細地址是北角馬寶道33號馬寶學林1樓116-125號舖，餐廳寬敞座位數目共有100個。滾得囍宮廷火鍋小炒幾錢？價錢優惠後人均消費大約$201-400埋單，早餐午餐晚餐滾得囍宮廷火鍋小炒餐單包括有粵菜, 廣東, 港式, 火鍋等美食，付款方式有Visa,Master,AlipayHK,支付寶,現金付款，Booking網上訂位可以電話致電 23313838 查詢訂座。
滾得囍宮廷火鍋小炒優惠
滾得囍宮廷火鍋小炒 評價 相片
一入門口已經睇到裝修用咗作宮庭式設計好特別 ，一卷聖旨皇上要點菜首先揀咗湯底芫荽皮蛋湯底，湯底裏面有豆腐，皮蛋同埋勁多芫荽一啖落去清甜可口.❥ ❥ ❥滾得囍宮廷拼盤 $128拼盤係有5種唔同味道嘅手打丸✨芝心牛肉丸 ✨超爽口彈牙裏面包有流心芝士，芝士味不會掩蓋牛肉味，值得一試✨鯪魚肉丸 ✨超彈牙好重魚肉味道✨菠菜豬肉丸✨菠菜味重過豬肉味口感偏腍✨黑松露鮮蝦丸✨香濃黑松露配蝦餃丸夠晒彈牙.❥ ❥ ❥本地手切牛肩肉 $248牛肩肉放落湯底垥10秒到牛肉好快熟透，脂肪分布好平均肉質鮮嫩，食到香濃牛肉味.❥ ❥ ❥鹿兒島日本黑豚肉 $148每塊黑豚肉掛住一排賣相非常吸引，豚肉脂肪比較多，肉質嚟講比較爽口，有少少油脂滲透，豚肉味道比較偏淡.❥ ❥ ❥黑松露墨魚滑 $98香濃黑松露慢慢散發出嚟，仲有粒粒墨魚肉係裏面，食落爽彈有嚼勁 .❥ ❥ ❥鳳尾鮮蝦餃 $88 原隻鮮蝦釀入餃子裏面皮薄肉質好腍，鮮蝦非常新鮮彈牙.❥ ❥ ❥油麥菜 $38 食完咁多肉類點少得要食蔬菜，新鮮油麥菜爽口鮮甜中和番油膩感
朋友生日話想食打邊爐，我當然要花啲心思揀下食邊間啦！記得北角嘅滾得囍無論裝修，枱櫈，餐具等等都以宮廷風為主，食物精緻，啱哂我地邊食邊影相邊打卡！滾得囍嘅地點仲要係超方便！勁近北角站，出站後行兩三分鐘就到👍🏻坐低先調醬料，葱/蒜/芫荽/辣椒，齊！仲有碟花生🥜食住先！✨順治特色卜卜蜆鍋 $198個鍋賣相好靚好特別，好有宮廷色彩！卜卜蜆大大隻，而且飽滿冇沙，味道鮮甜，數量仲好多，真係成個鍋滿哂！湯底夠味之餘又唔會太濃，令人可以細味蜆肉既鮮甜。
✨滾得囍宮廷拼盤•十粒 $128我地打邊爐平時最鐘意食丸，呢到有手打丸就緊係要叫喇！款款都想食唔知點？叫個拼盤有齊5隻味，每款兩粒就唔洗頭痕。
拼盤包括：手打黑松露野菌鮮蝦丸/手打珍珠帶子墨魚丸/手打菠菜豬肉丸/手打芝心牛肉丸/手打鯪魚丸當中我最鐘意就係手打黑松露野菌鮮蝦丸，黑松露香氣迫人，蝦丸十分彈牙，鮮味十足！手打墨魚丸入面有原粒珍珠帶子，口感幾有趣。
食手打芝心牛肉丸既時候要特別小心，內裡有香濃既流心芝士，唔好辣親。
✨鬼馬油炸鬼 $58手打墨魚滑包住油炸鬼，真係夠哂鬼馬，外面爽彈內裡脆卜卜，口感同味道都十分出色。
✨豬頸肉 $68豬頸肉又幾滑溜，肉質細嫩，仲好有彈性！✨黃金雙拼 $88雙拼分別就係黃金炸魚皮+黃金響鈴：黃金炸魚皮，咸蛋黃味非常香濃！好邪惡！但好香口，好脆，好惹味呀！黃金響鈴，新鮮滾熱辣，入口鬆化，食到停唔到口呀！✨新鮮菜苗帶子餃 半份•4粒 $62餃子好飽滿，好大隻，絕對係皮薄餡靚！✨炸支竹 $48炸支竹口感爽彈，吸收埋湯底既精華，好好味！
今日要介紹既係一間近期食過最好食既花膠雞火鍋店😍 餐廳以宮廷式裝修 座位寬倘 坐得好舒服👍🏻 每枱都有獨立調味料 唔會急急腳比店員收走😆火鍋湯底選擇都有好多 諗左好耐都係叫番我最鍾意食既花膠雞湯鍋👅 佢地上菜既速度都好快 落單無耐就上菜 湯底同花膠雞係分開上既 店員會幫你將大大大大塊花膠剪到大大塊咁放湯😍😍 店員會提你湯底滾左先飲啖湯 因為真係太好飲啦🤩 唔會好咸 好多花膠 雞湯飲落口嘴唇都好粘 骨膠原相當多 好滋潤 真材實料🤤 之後就可以食幾多落幾多雞件 確保唔會過老😋火鍋配料我地就叫左手打黑松露野菌鮮蝦丸 滾得囍餃子拼盤同黃金雙拼😎 呢到丸類同餃類都可以揀半份 岩哂少人食👍🏻 手打黑松露野菌鮮蝦丸好有驚喜 比想像中更好食 首先黑松露味好濃 蝦丸非常彈牙爽口 超好食🤤 餃子拼盤就有5款餃 分別係和牛芝士一口餃 新鮮菜苗帶子餃 韭菜豬肉餃 黑松露野菌餃同黃金沙葛餃🥟 每一粒都好大粒 漲卜卜 超多饀 最特別係黃金沙葛餃 出面比較少機會食到 沙葛爽甜 好岩做餃子饀料😋 黃金雙拼又係誠意十足既小食 分別有炸魚皮同響鈴 黃金魚皮份量唔多 但係好香脆惹味 響鈴新鮮炸起 就算放得耐凍左都仲好鬆脆 加上鹹蛋黃醬 真係好邪惡丫🌟
又來到打邊爐嘅時間啦，今次揀咗呢間有特色裝修嘅餐廳，玩味濃，一入門口已經有張龍椅，成間餐廳嘅裝修到好古色古香。
而家全部位都係卡位，而且非常闊落，完完全全係啱晒一大班人嚟呢度傾住計聚下舊。
而佢得意嘅係佢個餐牌，而且連每一個湯底都有啲好特別嘅名。
我哋今次就嗌咗個道光四川麻辣鍋，平時食開台式麻辣鍋嘅我，覺得呢個四川我都好似幾辣，但係佢個湯底真係好足料，有超級多舊大大嚿嘅鴨血，同埋好多索晒湯嘅豆泡。
打邊爐點可以冇牛肉呢，所以我哋嗌左個本地手切牛肩肉，佢呢隻肉比較瘦啲，所以唔可以淥太耐，另外牛味唔會十分濃，但幾好食。
跟住仲有一個手打丸拼盤，咁多款入邊我覺得個黑松露鮮蝦丸最好食，因為佢夠彈牙。
而另外仲有呢款芝士牛丸，佢個牛丸好彈牙而且牛味濃，中間包嘅芝士都好香㗎。
另外仲嗌左半份韭菜豬肉餃，一上嚟已經覺得佢係超級大粒，似乎十分足料。
當一咬開嘅時候又真係脹卜卜，佢係菜多肉少嘅健康類型，不過如果啲韭菜可以在香啲就好啦。
另外我哋仲叫咗個白鱔片，呢個魚都幾新鮮，食落都仲有鮮甜味，而且切得幾好，冇骨，值得推介。
雖然好似唔係叫咗好多嘢食，但係因為佢全部都大大件咁，所以其實真係好飽肚。
📍 滾得囍 🎗📍 北角 • 馬寶道33號馬寶學林1樓116125號舖好像是每年都要來一次的《滾得囍》！！太太太掛念他們的花膠雞湯還有火鍋配料了，所以來訪第三次！嗯... 可是這次的服務跟衛生程度都是最不好的🙈第一次來的時候，店員耐心跟我們介紹湯底、點了的湯底該怎麼煮、哪個配料該何時放／何時吃... 這次應該實在是太多客人了，店員有點招呼不暇～地下也有點濕答答🙈不過！食物實在是太好吃，完全抹掉了我的不愉快💛還有！當客人慢慢離開，店員的服務就回復貼心了，原來是因為太忙了啦～聖旨到！！看菜單咯！康熙花膠雞湯鍋 ($298)「御膳房」準備的菜餚當然用料高貴又好吃，看看這「康熙花膠雞湯鍋」！份量很大：有半隻雞，還有厚厚的花膠。
湯底都已經夠果腹啦～雞湯味道鮮甜又濃郁，吃火鍋前一定要先嚐嚐湯底！雞肉嫩滑；雪白色的花膠帶點膠質，非常滋補養顏🥰手切頂級安格斯牛肉 ($268) (細)出場時氣勢迫人，仙氣十足🌬牛肉油花均勻，色澤鮮紅，牛味很濃，很有咬口👍鹿兒島日本黑豚肉 ($148)賣相很漂亮，黑豚肉一片片的掛起來，還有兩片折成花型🌸油脂分佈平均，豬的味道濃郁，而且不會羶。
黃金雙拼 ($88)黃金炸魚皮 | 黃金響鈴這個必點啊！！✨魚皮和響鈴，以鹹蛋黃包裹，即點即炸。
看起來金黃的顏色十分吸引；吃上來熱呼呼又酥脆，每口都有鹹蛋黃的鹹香，非常好吃！滾得囍蔬菜拼盤 ($78)蔬菜拼盤份量一樣足夠，有多種蔬菜，每一種都很合我胃口🥬正宗日本稻庭烏冬 ($32)湯不夠時店員會主動過來幫你添～宮廷醬芥 ($28/位)這個價錢應該有更多醬料選擇啦～足料竹蔗茅根 ($68)Menu:
滾得囍宮廷火鍋小炒餐單提供粵菜, 廣東, 港式, 火鍋等推介美食位於北角區，餐廳座位數100人均消費約$201-400，結賬可以用Visa,Master,AlipayHK,支付寶,現金，Booking訂位可以電話致電 23313838 查詢。
您對於北角餐廳「滾得囍宮廷火鍋小炒」有何 comment？
滾得囍宮廷火鍋小炒餐廳詳細資料：
- 滾得囍宮廷火鍋小炒地址: 北角馬寶道33號馬寶學林1樓116-125號舖 Big Boils Club, Shop116-125,1/ F, Marble33,33 Marble Road, North Point
- 滾得囍宮廷火鍋小炒電話: 23313838
- 滾得囍宮廷火鍋小炒價錢: $201-400
- 分類: 粵菜, 廣東, 港式, 火鍋
- 座位: 100
- 付款: Visa,Master,AlipayHK,支付寶,現金
- FB專頁: 滾得囍宮廷火鍋小炒 Facebook
更多滾得囍宮廷火鍋小炒相關資料:
香港餐廳2026推介8月