文聚料理(分子) 北角

文聚料理(分子) 評價 相片

我家住炮台山，好耐之前同屋企人行過，當時見新開，即管下試，唔試由之可，一試就驚為天人，雞勁香雞味勁林，好正，蝦球我平時唔食，但家姐想食，叫咗，我一試都愛上了，又香口又彈口，好正，價錢又唔貴，可惜唔多就腳，而家只可間唔中得閒先去到，啱啱今晚早放工，心癢癢，專程行過去食，實在食過返尋味，娃娃菜個湯勁正，飲哂，好滿足。

兩年前已經有留意呢一間餐廳。

佢個名標榜「分子」同「料理」, 但係佢個門面同格局，係一間茶記。

反差大嘅地方，都唔只係呢一點。

我睇返食評，評價兩極，一係激讚一係就勁彈。

曾經有報道訪問過呢個老闆，原來佢係一個前五星級酒店嘅總廚，有名有姓。

照計慕名而來嘅人應該絡繹不絕，但係我每一次經過，入面都係冇人。

反差之大，令我按耐不住好奇心,今晚終於單槍匹馬去咗試一試。

心諗，就算中伏都係一次啫。

望一望個餐牌，選擇唔算多，但價錢都好實惠。

我一個人又食唔得太多，就精選咗兩款我覺得最值得試嚟試。

我揀咗牛筋腩陳村粉套餐（送翅湯娃娃菜同豆漿）同雞絲翅。

等咗冇耐就上菜。

食物賣相對版。

個翅真材實料，食到好香的金腿絲， 最難得嘅係全店食物無雞粉味精。

酒樓嗰啲上湯漿糊翅食得多，但係呢個冇雞粉冇味精但係又酒樓咁嘅水平嘅翅我就真係第一次食。

價錢好實惠，只是七十蚊一碗，食完唔口乾，證明佢真係冇落味精。

可以選擇魚翅撈飯，但係我唔想食咁多澱粉質，就咁要咗碗翅，如果想要埋飯就加多五蚊。

個牛腩陳村粉值得一讚！牛筋腩唔算驚為天人但係好食。

墊底的陳村粉好爽滑，吸曬啲牛腩汁，又熱辣辣非常好食。

亮點就係佢檯面有一罌豆瓣醬，一食就知道一定係自家製，酸酸香香，好正！一定要撈埋陳村粉一齊食。

佢一個陳村粉嘅餐有一個翅湯娃娃菜配一杯豆漿，都只不過45蚊，呢個係全日套餐嘅價錢。

請問仲有啲乜嘢可以挑剔呢？今日係閒日夜晚，同一條街嘅火鍋店同打冷都坐滿人，但係呢間舖頭仔就得我一台客。

呢度食物嘅價錢同質素絕對值得有更多捧場客。

唔好俾佢嘅空蕩蕩嚇退。

鼓起勇氣行入去，你會有意想不到的收獲。

睇飲食男女，話呢度主打慢煮分子料理，好奇和朋友來食晏晝。

十二点半，人不多，店內祇有十來張桌，環境尚算乾淨衛生。

呢處午市套餐有餸有飯，有菜有飲料，大約五十元，無加一，算抵食！分別点咗水晶雞及牛腩午餐。

牛筋腩，肉質頗腍滑入味。

水晶雞祇係白斬雞，無驚喜，味道一般，無宣傳所講皮肉之間有層水晶似的油脂。

整体食物味道一般，間店標榜分子料理，但食唔出有咩咁特別

雖然選擇唔多，但係每樣菜都有咁上下水準。

手打鮮蝦丸好彈牙，個日鍾意點小小醋食。

鹹菜胡椒豬肚煲入面d粉絲唔會話煮到爛曬。

翅湯娃娃菜：個湯就幾好飲，但係d菜就煮得熟左d，唔夠爽。

最後要讚一讚個豆漿，好滑！

睇了網上介紹去食，大失所望。

星期日和家人坐船到北角，特意去一試這間餐廳，由於是下午茶時間所以不用排隊，就可以坐下，店內有數張餐桌，環境還算衛生，水杯是用紙杯的，我們看了餐牌，決定點了一碗魚翅，一碟水晶雞，娃娃菜，牛腩湯蘿蔔，XO醬班片，上菜的速度正常，魚翅只有生抽加水的味。

XO醬班片也太差了！一股雪味。

只有水晶雞味道是好的，很滑。

牛腩湯蘿蔔的味道只是一般水準，懷著希望去試食，結果大失所望。

中伏了！

文聚料理(分子)餐單提供港式, 粉麵, 米線, 中菜館等推介美食位於北角區，餐廳座位數未知人均消費約$51-100，結賬可以用現金，Booking訂位可以電話致電 68579993 查詢。

您對於北角餐廳「文聚料理(分子)」有何 comment？

文聚料理(分子)餐廳詳細資料：

• 文聚料理(分子)地址:
  北角和富道84-94號銀輝大廈地下G2B舖
  文聚料理(分子), Shop G2 B, G/ F, Ngan Fai Building,84-94 Wharf Road, North Point
• 文聚料理(分子)電話: 68579993
• 文聚料理(分子)價錢: $51-100
• 分類: 港式, 粉麵, 米線, 中菜館
• 座位: 未知
• 付款: 現金
• FB專頁: 文聚料理(分子) Facebook

更多文聚料理(分子)相關資料:

• 文聚料理(分子)分店
• Youtube
• Facebook
• Twitter
• Google