Lennon Cafe 北角

Lennon Cafe 評價 相片

喺ubereats 見到以為係新開嘅餐廳所以試下～ 食完覺得幾好食，上網搵返先知原來前身係龍門🤔叫左芝士焗雞扒飯，咖哩焗雞排飯、青醬焗雞扒意粉加多盒大啡菇同屋企人食(≧∇≦) 啲野都幾好味，有少少缺點就係意粉同個菇都太油( •᷄⌓•᷅ )另外我個人就比較重口味，所以意粉覺得偏淡少少～屋企人果兩個飯我有淺嚐少少、味道都幾好食～ 屋企人嘅feedback都唔錯👏🏻跟餐有湯同野飲：湯就冇得揀嘅，黎左兩款唔同嘅湯～南瓜同蕃茄湯🥄 我飲左蕃茄湯酸酸地都幾開胃😋咖啡都ok, 屋企人就覺得個奶茶唔係太啱佢口味🤷‍♀️份量就正常size,唔係以前龍門咁勁大份～ 我個意粉都未食晒就飽左～所以都唔算份量少🤗

放左一輪no pay, 有工返就好想去食龍門, 一到lunch time二話不說衝去龍門, 入到去迎面黎左個著pepe衫嘅後生女, 心諗龍門d呀姐去哂邊坐低比餐牌我, 點解唔同哂嘅? 枱面張墊枱餐紙寫"Lennon Cafe", google下先知呢間改左名轉左形 平時食龍門貪佢大件夾抵食, 午餐ABC次次都多到要打包!! 呢間行cafe路線, 餐牌上面嘅食物好唔吸引, 價錢都係一樣.....70蚊一個焗豬+餐茶呀!!!! 嗰刻好想走, 但係面皮薄+佢都係黃店嘅關係唯有繼續坐蕃茄焗豬係我最愛, 所以就揀呢個, 如果唔係冇其他岩食一上到黎, 細兜到我覺得自己唔會飽, 豬扒睇落好大好多但係係錯覺! 只係個兜細所以顯得佢好大份豬扒冇咩特別, 唔會好似某一哥咁乸到好淋。

d汁少得可憐, 除左豬扒之外, 得1/4塊紅蘿蔔仔喺面, 連蕃茄都冇舊.....焗又焗到過哂時間, 每一啖飯都係食緊飯焦 炒飯底變左飯焦底真係第一次食!!!!!  由於少汁, 所以我都食唔到蕃茄汁嘅味, 好彩嘅係我唔怕食冇汁飯食完我係覺得岩岩好, 男士一定唔夠飽, 女士就一定岩岩好 環境方面佢地沿用龍門裝修, 所以地板同cafe有點兒格格不入, 不過絕對係乾淨過之前嘅 就係因此佢冇轉裝修, 所以我都聽到有個中年男人都以為佢仲係龍門, 問下侍應先知係轉左名態度我比100分  可能係後生仔女, 所以個個都好好態度, 非常友善 走嗰陣落大雨, 比完錢就提我"出面落雨小心濕身呀" 

今日黎到炮台山搵野食，黎到呢間前身係龍門冰室依加一躍行高級路線嘅Lenon Cafe🥰🥰入面環境闊落，整體靚同整齊果以前當然講咩都假，食物質素最緊要🥳🥳叫左個自選芝士焗飯叫左卡邦尼汁配雞扒，整體好好食，卡邦尼汁好creamy，好夠味，芝士味重，唔會太膠，一個字正👍🏻👍🏻雞扒有兩大舊，肉汁鮮嫩，正🥰🥰另外值得一提個奶茶都好飲咗好多，奶同茶味比例啱啱好，茶味又香又燶，鍾意飲奶茶嘅朋友不容錯過😍😍

Lennon Cafe餐單提供多國菜等推介美食位於北角區，餐廳座位數未知人均消費約$51-100，結賬可以用現金。

您對於北角餐廳「Lennon Cafe」有何 comment？

Lennon Cafe餐廳詳細資料：

• Lennon Cafe地址:
  北角電氣道254-280號華凱大廈地下I號舖
  Lennon Cafe, Shop I, G/ F, Wah Hoi Mansion,254-280 Electric Road, North Point
• Lennon Cafe電話:  
• Lennon Cafe價錢: $51-100
• 分類: 多國菜
• 座位: 未知
• 付款: 現金
• FB專頁: Lennon Cafe Facebook

更多Lennon Cafe相關資料:

• Lennon Cafe分店
• Youtube
• Facebook
• Twitter
• Google