Harbour Grand Café 北角

Harbour Grand Café 評價 相片

以美食減壓，我會去食自助餐，海鮮迷如我，這晚來到港島海逸君綽酒店 Harbour Grand Café 咖啡廳享用自助晚餐，以國際環球美食為主題，食物種類多元化，中、西、日、印度等美食，吃到捧腹而回﹗  必食之選，當然有新鮮即叫即開生蠔、美國波士頓龍蝦、雪腳蟹、扇貝、青口、黃金螺等矜貴海鮮7 寸長阿根廷蝦、日本剌身及壽司。

  每位奉送鮮奶蛋白燉花膠  扒肉眼牛排外，另有烤羊腿，還可配上香口油潤的香煎鴨肝呢﹗ 沒太多自助餐廳提供片皮鴨，這裡卻給我遇到，鴨皮酥香鬆化，至少要吃2件呢﹗ 比較特別的，當然還有潮州打冷啦﹗墨魚、紅腸、牛肚等好入味呀﹗ 來碗中式燉湯濕潤一下，特別鮮甜美味。

 中式熱盤，有玫瑰雞、蝦滑釀節瓜、冬菇花膠、薑蔥炒蟹等等 日式的串燒、天婦羅、吉列蠔等等 其他的有西班牙海鮮炒飯、蛋餅、印度薄餅、印度咖喱等等 食物相當豐富，飲品也不缺，咖啡奶茶、果汁等，任君選擇；回一回氣，又可以開始食凍肉拼盤及各款芝士、特色預拌沙律真的飽到八成飽，但仍敵不過甜品區的誘惑，12款口味Mövenpick雪糕及特設即製甜品專區 ，糖水、豆腐花、窩夫、葡撻。

  蛋糕甜品也好有水準，多到不能盡錄﹗Tiramisu、芒果拿破崙、馬卡龍等等，我特別推介抹茶蛋白蛋糕、柑香朱古力蛋糕、斑蘭布甸，甜而不膩，口感幼滑。

為了慶祝外甥生日，他喜歡吃自助餐，還要有帶子刺身的，我爸喜歡吃生蠔，找了幾間，結果選了這間，在網上看過食評大多正面，但卻令我失望非常。

我月初時在官網買票後致電這餐廳訂座，三大一小，沒有長者優惠，折扣後每人平均都要五百幾，如果沒有折扣原價計算就非常不值，現在也不值。

我們比預定的開始時間早到大概十分鐘，獲安排入座一張四人枱，其實地方挺大的，但感覺有點擠逼，座椅也不舒服。

見到很多執枱專員都是年輕的暑期工，有些會主動問是否需要幫忙，有些只是行行企企。

食物種類真的很多，今期主題是日韓食品，但與一般自助餐分別不大，日式食品就是刺身壽司之類，韓式的應該指那燉湯（人參鷄湯）和冷盤中的韓式粉絲沙律。

冷盤有沙律菜、煙三文魚、凍肉拼盤、芝士等，我試了煙三文魚，貨色屬中下品，乾爭爭的，我爸試了凍肉、什麼火腿之類，難食得要吐出來。

湯品有中式燉湯和西式磨菇湯，算正常入口無問題。

冷盤海鮮有開邊龍蝦、翡翠螺、蟹腳、青口、生蠔等，我試了龍蝦（無鮮味、過熟、靭過柴皮）和生蠔（最令我失望，我完全沒有沾任何醬汁打算吃原味，但竟然是臭的，令我立即吐出來）。

日式刺身有三文魚、吞拿魚、八爪魚、希靈魚、帶子，我試了八爪魚（沒有鮮味）、希靈魚（有點味道）和帶子（巨型但沒有鮮味）。

還有各款壽司包括海膽、甜蝦、北寄貝、鰻魚和青瓜醃菜的卷物，非常一般，吃了一口後不會令你回頭再要。

熱葷有很多款，較有特式的是鵝肝（這個不錯）、燒牛肉（差、靭、不能入口）、燒味、點心、花膠鴨掌、一些小炒和炒飯。

另外較特別的是印度食品，菠菜芝士（要改善，菠菜蓉做得不好）、咖喱魚（夠味但是太乾身的）、咖喱鷄、印度薄脆（不錯）。

我還試了生滾粥，正常可入口。

甜品方面較為好少少，蛋糕有不同款式，中式甜品有糖水和豆腐花（不冷不熱的），較好的有幾款不同的Movenpick雪糕和雪芭。

有現場即製法式可麗餅，但那個員工應該不懂怎樣製，出來效果奇差，賣相完全不是法式可麗餅，只是一塊如手掌大的餅皮，我要求再製一塊像樣的，應該與熱板一樣大小的，但最後只一塊三尖八角（不是圓）的餅皮，我再自行配上水果（很多都已經乾淨淨）、果醬和雪芭。

總體質素低劣，不會推介和回頭。

早一個月食完自助山，屋企人稍後又話想食自助餐， 由於星期六嘅酒店都比較難訂位，結果搵到呢度可以坐到十幾人， 雖然見到家人同各方評價都一般， 最終冇位都唯有試下。

我覺得最唔好嘅同食物都無太大關係( 考慮埋價錢， 不和六百元以上自助餐作對比）， 第一唔好係要排隊，例如鵝肝、壽司等，到攞甜品嘅時間又係要排隊攞雪糕 第二唔好，撞啱星期六6pm至745pm，有點趕，趕到蛋糕都食唔曬。

壽司比較吸引有海膽、大蝦，都有鮮味。

鵝肝都唔差， 扒類一般， 甜品我覺得脆蛋白忌廉蛋糕畀拿破崙更好食。

網上預先購買六百蚊一位，七月print out網頁又有八折優惠，所以部分人買coupon到場再以信用卡付款其實差唔多。

疫情穩定後，加上打埋針，終於夠膽出街玩已經流行咗成年幾兩年嘅staycation!之前喺YouTube睇咗好多條片介紹好多酒店提供優惠嘅套票，我哋個package包埋住酒店同埋buffet下午茶、晚餐，早餐！早餐下午茶都冇咩食，只計住酒店同dinner buffet都抵！6:30 入去一陣已經差唔多坐滿晒，排隊夾咗2件龍蝦，前面已經攞晒，要再開第二筒擺落去，目測比較乾身，長腳蟹、螺、蝦正常，排到最後先發覺原來生蠔要排另一條隊，又排過攞生蠔，一人可以攞三隻，即開，係比較瘦啲，食咗碟生蠔先，質素普通啦。

之後先拆第二盤，龍蝦比較乾身，長腳蟹跟網上影片方法剪長腳蟹，果然一剪一掹，就成條甩咗出嚟，今次食得好輕鬆！食咗一轉就去洗手收工，之後都冇再食第二盤。

屋企人攞多咗碟生蠔俾我，佢哋全部唔食，食埋有半打，呢碟就媽媽地。

之後食咗碗粉，加啲菇，其他就落豉油加豆瓣醬，然後再自己夾餸：西蘭花、冬菇同埋花膠，都好味。

韓國人蔘燉雞，好清喎，可能我本身鍾意飲湯，我飲咗兩盅！今晚唔見老公食刺身？問他，話啲刺身好似唔新鮮，見到都唔想食。

不過我都過去排隊，成晚都唔見人排隊，攞刺身，佢其實都有多款：三文魚、𩶘魚，八爪魚，希靈魚、帶子，同埋北寄貝？揀咗帶子同希靈魚、冷麵，又不至於太差嘅，係佢啲燈光問題令人睇上嚟唔新鮮啫！甜品普遍都係唔掂，我都唔敢食，始終有quota，食咗少少屋企人攞多咗食唔晒嘅輕芝士餅，佢哋話完全唔係芝士，我覺得OK。

雪糕係movenpick 有多種口味，食呢個一定穩穩陣陣，我食咗朱古力、士多啤梨、檸檬青檸雪芭，藍莓芝士。

屋企人講過檸檬青檸雪芭好正，我覺得麻麻。

食到飽飽滯滯，攞咗菠蘿，食咗5、6舊，其實可以食到9:30 ，但都冇乜嘢食，食完便返房休息。

訓醒又夠鐘食早餐啦🥣，呢個package食足4餐真係無停過口⋯供應時段由朝早7點至10點半，同樣去返3樓咖啡廳食🥪，部分自助吧close咗無放食物，食物又放得疏，所以選擇唔多，滿足到基本需要🥐。

食物都有用蓋/毛巾蓋好，感覺衛生。

同樣係高樓底又坐得闊落，兩個人坐四人位有啲私人空間↔️，社交距離呀嘛~不過天花嘅紫色裝飾燈係朝早仲明顯咗，連蛋白都變咗超級死亡Barbie紫😵，唔覺得令餐廳有格調咗，反而令食物睇落無咗吸引⋯————————————————👅自助早餐🔸麵包類：👉🏻麵點類有方包同酥皮包點等🍞，用毛巾蓋住加保溫燈，主要靠隔離嘅烘包機加熱，質素普通🔸前菜類：👉🏻有煙三文魚、煙燻肉、芝士、盒裝乳酪同穀物片，仲有幾款蔬菜同水果🥗，提供選擇唔多，想簡單清淡啲食個沙律都有嘅🔸熱食類：👉🏻中式同西式各有幾款基本早餐餐點，通常係omelette station變咗太陽蛋🌞，仲有炒蛋，反正係蛋我就鍾意🔸飲品類：👉🏻提供自助咖啡機同茶水檔可以自製茶啡等☕️，比晚餐好似多咗兩三款果汁————————————————🚩總結：基本款自助早餐———————————————— 🌟注意：自助餐完結前15分鐘，會有侍應提醒你出面自助區會收起————————————————📍 Harbour Grand Café地址：北角油街23號港島海逸君綽酒店3樓.🗺地區：#bem北角📥分類：#bem自助餐💰人均消費：#bem_201至400蚊

Harbour Grand Café餐單提供多國菜, 自助餐, 清真認證食品, 酒店餐廳等推介美食位於北角區，餐廳座位數256人均消費約$401-800，結賬可以用Visa,Master,現金,AE，Booking訂位可以電話致電 21212689 查詢。

您對於北角餐廳「Harbour Grand Café」有何 comment？

Harbour Grand Café餐廳詳細資料：

• Harbour Grand Café地址:
  北角油街23號港島海逸君綽酒店3樓
  Harbour Grand Café, 3/ F, Harbour Grand Hong Kong,23 Oil Street, North Point
• Harbour Grand Café電話: 21212689
• Harbour Grand Café價錢: $401-800
• 分類: 多國菜, 自助餐, 清真認證食品, 酒店餐廳
• 座位: 256
• 付款: Visa,Master,現金,AE
• FB專頁: Harbour Grand Café Facebook

更多Harbour Grand Café相關資料:

• Harbour Grand Café分店
• Youtube
• Facebook
• Twitter
• Google