香辣屋 元朗

香辣屋 評價 相片

琴晚一家五口諗住去食下泰菜......咁上網就check到已前係洪水橋間香辣屋搬咗去千色附近咁就即刻去試下啦(因為以前d薄餅真係超正)入去見到地方唔係好大枱與枱之間好逼叫咗生蝦剌身👎大併盤(有蝦餅，魚餅，春卷，雞)👎半隻燒雞👎燒西冷👍（侍應自己落咗燒羊架，要我地要👎👎）串燒(3雞，3豬）👍馬拉盞炒椰菜苗👍咖喱牛尾👎（無咖喱味）薄餅👎（同自己係超市買番屋企前的一樣）菠蘿炒飯👍冬陰公👍侍應落單問你食唔食海鮮，如果唔食即黑面😡😡服務勁差......錯單又留單！

上星期突然想吃泰菜，元朗區朋友一起跑來這裡試試，當天是平日，只有三，四枱食客。

泰式拼盤：蝦餅不錯柚子沙律：太酸沙嗲串燒：醬汁好味海鮮冬蔭公：只有辣咖哩蟹：香，但咖哩味不夠，椰汁太多吧！？薄餅：失敗中失敗，一堆死了的油餅燒牛肉：正！菠蘿炒飯：不過不失！老細走出來打招呼，問意見，整體招呼不錯！

今天和男朋友的家人慶祝他的生日，之前都有去過洪水橋那邊食過，好好味，搬遷到元朗就第一次來，唸住都會好好味，點知…………好失望！！！我地7大3小，叫咗9個餸，2客薄餅和1客蒜蓉飽，全張單大約$1200，雖然價錢唔貴，但食物已經無以前咁好味！可能係個廚師轉咗！菠蘿炒飯…………雖然夠份量，但無味！炒通菜…………夠味但唔辣！拼盤…………魚餅唔得！咖哩牛腩…………都可以啦！生菜包…………一般！辣椒膏炒大頭蝦…………全晚只有這個好味！蝦頭仲有蝦膏(這個要$250，係時日價錢)燒豬頸肉…………一般，有點肥，以前好好味！泰式沙律…………都ok啦！串燒(因為沒有牛，所以叫了雞和豬)…………一個字`乾ˊ！太失望！唔會再去第二次！

友人提議來這裏吃下午茶，返正未試過，一於試一試佢。

四點幾黎到，只有一枱客，侍應話可以自己揀位坐。

揀左張卡坐，很濶落，沙發跟枱高度剛好。

下午茶炒粉麵飯三十幾蚊起，而小食只是十八蚊起，凍飲不用加錢，尚算便宜。

飯餐送的例湯，豆腐豬肉？很細碗，凍的，再加上無味，好似飲水咁，飲左兩啖就放棄了。

菠蘿炒飯，賣相幾好。

雖然係新炒起，但係都唔係好熱。

配料有菠蘿提子等，甜甜酸酸幾好味。

感覺上油唔多，至少食到底無油。

小食炸蝦餅，呢樣上枱時超熱，爽口彈牙，但蝦味欠奉。

另一小食要了豬肉串燒，又係唔夠熱，但調味不錯，大愛佢個沙嗲醬，好味。

餐飲要了凍奶茶，茶味不夠，勝在夠大杯，ok啦。

客少所以坐左好耐都無人趕客，基本上除左落單同上菜好少見到侍應，可能係忙緊預備晚市掛。

如果想坐低傾計食下野，都不失為一個好選擇。

放咗工就JOIN 埋媽打同呀妹去元朗食DINNER ~~好耐都冇食泰國菜啦, 所以就CHOOSE 咗上年食過GE 香辣軒啦! GOGOGOGO我地3個人叫叫4樣菜泰式柚子沙津 ~~呢個食落唔錯, 酸酸甜甜, D蝦都OK 新鮮! 柚子新鮮得黎係香甜的, 係一個好好GE 前菜 !!PS: 如果唔食花生的人可以叫去走花生, 我覺得花生D油味偏重, 我就唔係好接受到~之後到必食生菜包~~開始食我都覺得好味, 可能太耐冇食啦!! 之後發現又係果個問題 油味偏重 但叫咗唔通唔食咩~佢個生菜真係半個完整上GA ! 所以食到尾D生菜就好細塊, 而且重有"苦"味OH MY GOD !! 我放棄了~~好彩之後黎咗個咖哩汁雞肉, 係一個面包上, 包皮又食得, 可以沾D汁黎食 一流最後忍唔住叫咗碗白飯 ~~ 最後一道就係"鐵板蠔仔蛋"賣相OK , 味道都係好重油味~~~~呢餐飯唔係好差, 只係好似飲油咁, 下次去就唔叫咁多有油GE 菜~~相比上年食味道係唔同咗, 水準冇以前咁高啦!! 問返D朋友都咁認為,好希望佢可以回到過去的水準啦 ~~ 好彩佢D服務都唔係好差~

香辣屋餐單提供越南菜, 泰國菜, 無肉餐單等推介美食位於元朗區，餐廳座位數90人均消費約$51-100，結賬可以用Visa,Master,現金,銀聯。

您對於元朗餐廳「香辣屋」有何 comment？

香辣屋餐廳詳細資料：

• 香辣屋地址:
  元朗西菁街23號富達廣場52-55號地舖
  Chili's House, Shop52-55, G/ F, Manhattan Plaza,23 Sai Ching Street, Yuen Long
• 香辣屋電話:  
• 香辣屋價錢: $51-100
• 分類: 越南菜, 泰國菜, 無肉餐單
• 座位: 90
• 付款: Visa,Master,現金,銀聯
• FB專頁: 香辣屋 Facebook

更多香辣屋相關資料:

• 香辣屋分店
• Youtube
• Facebook
• Twitter
• Google