鐵板燒和菊 元朗
最後更新:
鐵板燒和菊推介
假日去行街食飯如果想去遠D, 多數都會揀元朗, 可能因為係舊區吧, 食肆選擇多D, 亦都比較多唔同種類既店舖可以行逛下。今次揀左食鐵板燒, 我好少會揀去幫襯食鐵板燒, 如果想食熱氣野會prefer打邊爐, 再者, 有廚師席前料理的鐵板燒並不便宜, 就算午市都要起碼$500一個人, 但如果我想食好D就幾乎一定係揀食西餐, 坐得舒服D, 食物擺盤又靚D。今次因為上兩星期紀念日已經去左食銅鑼灣既Roganic(感覺麻麻), 所以今日決定轉下口味同搵左呢間定價比其他鐵板燒店相宜的鐵板燒和菊。餐廳面積都幾細, 無限時, 同一時間只SERVE兩組客人, 當天LUNCH就只有我地兩個同另外一組都係兩個總共四個客人。雖然後面有間房, 但我見放滿文件, 有客人WALKIN都話已經滿座。一個午餐時間只做4個客人既生意, 又無得好似其他餐廳咁做埋外賣, 維持收支平衡不容易吧。我地都點左和菊極尚午餐。 是日前菜 各式新鮮蔬果加沙律醬, 尤其愛吃香甜的青蘋果同粟米🌽。季節強肴 用菊花煙燻帶子, 廚師👨🍳話可以撕開一瓣瓣的菊花來配帶子食。煙燻過後的帶子, 入口帶有淡淡的菊花清香(跟香港人經常會飲既菊花茶味道有幾分類似)。覺得廚師可以落多少少鹽同埋個人覺得唔使燒得咁熟。最後仲有一杯菊花啫喱收尾, 味道同樣天然清新。鮑魚配海苔汁 鮑魚煮得爽脆彈牙, 喜歡廚師加入左味鮮濃郁的三文魚子以豐富口感。 法國鵝肝配意大利黑醋汁 鵝肝厚身肥美, 新鮮無臊味, 燒得外脆內軟, 不錯。但愛吃鵝肝既我就有點妒忌老公嗰塊明顯大塊過我(無影到老公嗰份鵝肝), 餐廳應該要留意呢點, 食材要平均分配同埋多士可以再煎脆少少。美國頂級牛肉薄燒伴溫室野菜 唔韌有肉味, 最加分既係餐廳使用日本鹽昆布作調味, 用煙韌的鹽昆布代替鹽, 食法新鮮又能帶出牛肉的鮮味, 不錯。蟹肉炒飯 廚師話薑米燒飯轉左做蟹肉炒飯, 唔食薑既我表示非常lucky。蟹肉炒飯表現正常。最後的味噌湯, 漬物同甜品質素不錯, 天然順口的味道, 尤其綠茶雪糕, 將大粒有咬口既紅豆加入茶味甘醇的綠茶雪糕裡面, 為入口即溶的雪糕帶來多一個層次口感, 好味。對鐵板燒和菊最大的感受是餐廳嚴謹把關每一種食材, 由頭盤到甜品, 保證每一道菜色, 客人都可以品嚐到最新鮮無添加的味道。 不過唔知大家有無發現, 呢篇食評，每一道菜，我基本上都只對佢哋嘅食材作出評論，因為，佢地既調味醬汁真係沒有為客人帶來什麼記憶點。建議餐廳調較一下醬汁的使用份量, 新鮮的食材也要有適當的調味作配合以將食物的優點發揮到最大。
元朗鐵板燒和菊
| 餐廳分店 | 鐵板燒和菊 |
|---|---|
| 地區 | 元朗 |
| 電話訂位 | 37098826 |
| 餐單 Menu | 日本菜, 鐵板燒 |
| 人氣指數 | 806 |
| 價錢幾錢 | $801以上 |
鐵板燒和菊訂位位於元朗區，詳細地址是元朗鳯攸北街5-7號順豐大廈地下36號舖，餐廳寬敞座位數目共有15個。鐵板燒和菊幾錢？價錢優惠後人均消費大約$801以上埋單，早餐午餐晚餐鐵板燒和菊餐單包括有日本菜, 鐵板燒等美食，付款方式有Visa,Master,現金,銀聯,JCB付款，Booking網上訂位可以電話致電 37098826 查詢訂座。
鐵板燒和菊優惠
鐵板燒和菊 評價 相片
假日去行街食飯如果想去遠D, 多數都會揀元朗, 可能因為係舊區吧, 食肆選擇多D, 亦都比較多唔同種類既店舖可以行逛下。
今次揀左食鐵板燒, 我好少會揀去幫襯食鐵板燒, 如果想食熱氣野會prefer打邊爐, 再者, 有廚師席前料理的鐵板燒並不便宜, 就算午市都要起碼$500一個人, 但如果我想食好D就幾乎一定係揀食西餐, 坐得舒服D, 食物擺盤又靚D。
今次因為上兩星期紀念日已經去左食銅鑼灣既Roganic(感覺麻麻), 所以今日決定轉下口味同搵左呢間定價比其他鐵板燒店相宜的鐵板燒和菊。
餐廳面積都幾細, 無限時, 同一時間只SERVE兩組客人, 當天LUNCH就只有我地兩個同另外一組都係兩個總共四個客人。
雖然後面有間房, 但我見放滿文件, 有客人WALKIN都話已經滿座。
一個午餐時間只做4個客人既生意, 又無得好似其他餐廳咁做埋外賣, 維持收支平衡不容易吧。
我地都點左和菊極尚午餐。
是日前菜 各式新鮮蔬果加沙律醬, 尤其愛吃香甜的青蘋果同粟米🌽。
季節強肴 用菊花煙燻帶子, 廚師👨🍳話可以撕開一瓣瓣的菊花來配帶子食。
煙燻過後的帶子, 入口帶有淡淡的菊花清香(跟香港人經常會飲既菊花茶味道有幾分類似)。
覺得廚師可以落多少少鹽同埋個人覺得唔使燒得咁熟。
最後仲有一杯菊花啫喱收尾, 味道同樣天然清新。
鮑魚配海苔汁 鮑魚煮得爽脆彈牙, 喜歡廚師加入左味鮮濃郁的三文魚子以豐富口感。
法國鵝肝配意大利黑醋汁 鵝肝厚身肥美, 新鮮無臊味, 燒得外脆內軟, 不錯。
但愛吃鵝肝既我就有點妒忌老公嗰塊明顯大塊過我(無影到老公嗰份鵝肝), 餐廳應該要留意呢點, 食材要平均分配同埋多士可以再煎脆少少。
美國頂級牛肉薄燒伴溫室野菜 唔韌有肉味, 最加分既係餐廳使用日本鹽昆布作調味, 用煙韌的鹽昆布代替鹽, 食法新鮮又能帶出牛肉的鮮味, 不錯。
蟹肉炒飯 廚師話薑米燒飯轉左做蟹肉炒飯, 唔食薑既我表示非常lucky。
蟹肉炒飯表現正常。
最後的味噌湯, 漬物同甜品質素不錯, 天然順口的味道, 尤其綠茶雪糕, 將大粒有咬口既紅豆加入茶味甘醇的綠茶雪糕裡面, 為入口即溶的雪糕帶來多一個層次口感, 好味。
對鐵板燒和菊最大的感受是餐廳嚴謹把關每一種食材, 由頭盤到甜品, 保證每一道菜色, 客人都可以品嚐到最新鮮無添加的味道。
不過唔知大家有無發現, 呢篇食評，每一道菜，我基本上都只對佢哋嘅食材作出評論，因為，佢地既調味醬汁真係沒有為客人帶來什麼記憶點。
建議餐廳調較一下醬汁的使用份量, 新鮮的食材也要有適當的調味作配合以將食物的優點發揮到最大。
光顧了午餐。
除了一些瑕疵，價錢與食物質量尚成正比，真心不難食，但又唔係好特出。
今天很多鐵板燒店都在提供差不多價位和內容的午餐，可惜和菊暫時未能在一眾同儕中脫穎而出。
佢嘅優勢係處於元朗住宅區後巷，班街坊若唔想長途跋涉出市區食鐵板燒嘅話，可以選擇呢度（但同區都仲有兩三間差唔多的鐵板燒小店)；相反如果你住喺市區就唔使專登入嚟食了。
先講食物，除了以下幾樣，其他野是不錯的：煙燻帶子❤️❤️❤️🤍🤍這兒的招牌菜。
帶子稍為煎香就放在左上角的煲仔度煙燻，可惜食唔到煙燻的味道，打開煲蓋嘅時間亦無一團煙來增加視覺上嘅效果，但煲仔入面嘅溫度已經令到件帶子變得又老又乾。
圖中是食用菊花，老實講整咗兩片菊花瓣同埋帶子一齊食唔覺得有乜特別，另外果杯係菊花味嘅啫喱，係咪同帶子一齊食定食完一樣到一樣，冇人同我哋講。
煎鵝乾❤️❤️🤍🤍🤍擺盤幾靚，用呢隻碟顏色都很漂亮。
同帶子剛好相反，上碟嘅時候鵝乾個心唔夠熱。
炒龍蝦球❤️❤️❤️🤍🤍海膽汁正，配魚子醬及三文魚籽亦出色，讃！但係龍蝦偏乾，唔夠juicy。
問題係每人有半隻龍蝦的，點樣要切開來炒？切開來炒容易乾，唔夠原汁原味，仲有當時師傅係炒緊六人份的龍蝦，撈堆嚟炒再上返六個人嘅碟，數量應該是一樣的，但難免一碟舊舊大，一碟舊舊細。
當然切開來炒比較入味，但新鮮龍蝦的鮮味如果被濃厚的醬汁掩蓋了就反而是喧賓奪主了。
美國牛薄切❤️❤️❤️🤍🤍冇乜問題的，間間都係咁做，但係就有啲地方煎到外面香口入面仲係嫩嫩地嘅，有啲店就係拿捏唔到。
但係佢嘅鹽漬昆布(右邊起第二堆)味道鹹鹹酸酸配上牛肉不錯，讚。
白飯魚仔炒飯 ❤️❤️🤍🤍🤍今時今日好似係人都知炒飯最緊要就係粒粒分明，和菊師傅梗知，佢仲要200%完成，即係點？咪乾到飛起囉！我見住佢炒本來好吸引的，但係當佢越炒越興起我就心諗賴嘢了，因為佢唔係剩係炒俾我地，所以又唔好意思叫佢停手唔好炒。
唉！我一食就正如我所料咁乾，放低成碗冇食心諗侍應又好廚師又好都會問下我有乜問題啩，事實證明我諗多咗，佢只係嗱嗱聲同我執枱😅😅。
講開服務，佢所有嘢都有deliver到的，但就係唔夠貼心，好似呢度嘅食物咁，就係爭少少。
又講下位師傅。
其實你去食sushi又好，teppanyaki又好，坐喺bar位你想遇到一位口水多過茶定係沉默寡言的師傅呢？我諗呢樣野十分見仁見智，但係有一點肯定嘅係，坐喺吧位的客人都不會與同行人大談私人野的，因為距離師傅和其他客人太近。
咁如果師傅又冇乜聲氣，人客又唔自己傾計，加上食成個幾兩個鐘，都咪話唔悶。
如果師傅能夠邊做邊講下啲食材、產地、烹飪技巧，甚至乎一些工作上的笑料，和客人打成一片，咁就最好了。
係啦，坐左成個幾鐘，食物呀服務呀差少少，加埋個粒嗲都冇嘅師傅都冇乜問題，最難頂係乜？大熱天時唔多夠冷氣呀！好自然望下天花板的兩部冷氣機，唔望由自可，一望差啲笑左出嚟：一舊舊塵痴住喺冷氣度，唔驚跌舊麈落嚟加餸咩 😂😂😂？心中暗叫好彩冇被安排坐在冷氣底，但亦擔心其他兩組客人😅😅😅。
真心建議大廚可以分少少炒飯的時間和心機在開店之前抹下冷氣機－搞搞最基本的衛生。
元朗愈來愈多日本料理，想食熟海鮮，始終要搵返鐵板燒，今次試下呢間，平時經過都睇唔到嘅板前料理。
店子小小，連包箱只有十多個座位，常滿座，walkin 一定無位，要預早訂座。
職員態度十分主動，會為客人設想，提出適當建議，令人感覺親切舒服。
今次我們一行三人，豪一點，要了兩個二人餐。
HK$1,280是和牛極尚二人午餐，有宮崎 A4 和牛或伊比利亞黑豚。
另一個好抵食的是HK$880龍蝦二人午餐，伊勢海老配秘製海膽忌廉汁，龍蝦頭也不浪費會用來煮味噌湯，特別鮮甜。
兩個餐都有北海道特大帆立貝、白飯魚苗薑米燒飯、沙律、紅豆綠茶雪糕等，多道菜色。
另外還影了隔離枱叫的HK$368鮑魚鵝肝極尚一人餐，還有HK$298車海老大蝦一人餐，非常豐富。
師傅手勢相當純熟，鐵板燒功架表演，邊吃邊看邊聞，全方位4D享受。
食物用料上乘，龍蝦與鮑魚都是活煮的，影片中可以看到還在動，非常新鮮。
見到自家浸製的梅酒，也試了一杯，味道清甜，容易入口，配午餐海鮮一流。
整體用餐經驗感覺良好，以 Omakase 一半的價錢，享受到板前海鮮料理即席表演，性價比十分高！
我去過好多地方，試過好多唔同日本鐵板燒，銅鑼灣、天后、中環、灣仔、尖沙咀同埋包括埋日本，咁其實每一間鐵板燒都有各自嘅特色嘅、有唔同嘅味道。
但係我偏偏喜好和菊。
大廚Kenny 同Gary調節味道更好選取食材、調味汁嘅調教，樣樣都恰到好處。
擺盤亦都非常精美，好少試過食一餐飯，每一個菜都各有特色，都值得稱讚。
甚至你可以同佢傾有乜嘢你唔想食，想轉其他亦都可以。
不過，一個晚餐，你起碼要預計兩個小時先會完成，所以建議大家6:30pm ，甚至6:00pm就要開始啦。
佢哋唔係成日開嘅，所以要預約，唔係咁容易約。
當然，午餐會比晚餐較為經濟，性價比亦都非常高。
咁琴晚我就試咗佢個晚餐，相比喺市區食，呢個價錢一定食唔到，我亦都幫襯咗佢差唔多五至六次啦，水準上亦都非常穩定，我先而家寫呢篇食評。
好多謝佢哋呢個團隊包括Kenny, Gary, Benco同洗碗姐姐。
繼續加油啊，感謝你哋。
若不是住在元朗的朋友大力推介 也不會注意到和菊鐵板燒 它的位置比較偏遠 門面是簡約日式木門不太起眼 果然是隱世鐵板燒😌😌去年媽媽妹妹生日訂了晚餐慶祝 我們仨一直對它的食物念念不忘 趁復活節假期邀請住將軍澳的表弟遠道而來一戰它的午餐！晚餐和一般鐵板燒店比不算太貴 但畢竟千元以上的鐵板燒晚餐也不太大眾化 午餐是晚餐價錢一半左右 超級划算😉😉要試齊和菊兩道招牌菜 和菊煙燻帆立貝和伊勢海老(龍蝦)只有一個二人set揀相比傳統鐵板燒 和菊的經營和大廚的擺盤可謂非常用心及別出心裁了 我不廢話了 有圖有真相😋😋是日前菜：忘記左透明一條條嘅名堂😅 雖然也是沙拉 但比一般餐廳的漂亮吸引多了 眼球過隱之餘也相當清新開胃季節強肴：本來以為是普通前茶 沒想到是相當驚喜的銀鱈魚 金黃色的魚肉配上香口薄脆嘅魚皮和芳香的紫蘇葉花 感覺店家要蝕本啦和菊煙燻北海道帆立貝：和菊必食嘅三重享受 大廚先煎香帆立貝再放去菊花小煲煙燻 食用時配上食用日本菊花和菊花啫喱 別樹一格 也是和菊店名的由來 連續兩道茶以花入饌可以看出大廚活潑創新的烹調風格和對食材的大膽用心 鮮花的點綴也令食物賣相顏色看起來更豐富伊勢海老配海膽忌廉汁：跟餐是配活澳洲龍蝦 原來還可以請大廚搵其他品種 今天巧遇鄰桌的斑馬龍蝦🦓 本地竹龍 我第一次見那麼帥氣的龍蝦🤣 這次的龍蝦有好多膏 喜出望外！再配上魚子醬和三文魚籽 看出大廚對食物的執着和仔細牛肉薄燒：這次選了不要太熟 裡面夾滿香葱和蒜 大廚的鬼斧神工居然令非常討厭葱蒜的媽媽乖乖吃完也沒有半點厭惡之情 半熟的燒牛肉配上喜瑪拉雅鹽和鹽漬昆布好味到停唔到 好彩每人有4嚿吃了大半已經有點飽了 沒想到驚喜還未完白飯魚苗炒飯：大廚說白飯魚苗是季節性的 上次我們就吃不到 這個時候吃剛剛好 白飯魚苗好像小時候爺爺喜歡的銀魚仔 大廚炒的非常香脆可口 吃不下炒飯也要把白飯魚苗吃光 說不定下次就遇不上了來到重頭戲之一的伊勢海老味噌湯：平常我不太愛喝味噌湯 以前在台灣嚐過大蜆/蝦頭味噌湯挺喜歡 沒想到拿龍蝦頭淆出來的味噌湯原來那麼鮮甜 再撐也要把它喝完！是目前喝過最好喝的味噌湯 活龍蝦的鮮味把它昇華了甜品是宇治金時雪糕 抺茶味很濃郁吃別的鐵板燒拍不出好看的照片 也覺得總有一兩頭菜是不想吃的 和菊的鐵板燒相當值得把每一道都吃光 性價比好高 值得一讚嘅係和菊中午或晚餐也只有一輪 可以慢慢吃足23小時 與大廚和經理聊聊天 聽聽經理的冷笑話 快活不知時日過 很棒的用餐體驗 大力推介🥰🥰
鐵板燒和菊餐單提供日本菜, 鐵板燒等推介美食位於元朗區，餐廳座位數15人均消費約$801以上，結賬可以用Visa,Master,現金,銀聯,JCB，Booking訂位可以電話致電 37098826 查詢。
您對於元朗餐廳「鐵板燒和菊」有何 comment？
鐵板燒和菊餐廳詳細資料：
- 鐵板燒和菊地址: 元朗鳯攸北街5-7號順豐大廈地下36號舖 Wagiku Teppanyaki, Shop36, G/ F, Shun Fung Building,5-7 Fung Yau Street North, Yuen Long
- 鐵板燒和菊電話: 37098826
- 鐵板燒和菊價錢: $801以上
- 分類: 日本菜, 鐵板燒
- 座位: 15
- 付款: Visa,Master,現金,銀聯,JCB
- FB專頁: 鐵板燒和菊 Facebook
更多鐵板燒和菊相關資料:
香港餐廳2026推介7月