金莎冰室 元朗
最後更新:
金莎冰室推介
最近喺 facebook 見到有人讚呢間小店, 話好過啲大型連鎖茶餐廳, 老實講住咗呢區十年都無去過, 可能係因為佢好早關門, 平時夜晚都去唔到食, 今日星期日咁啱行過見到有開門就走入去試吓, 正如啲網友所講, 呢間小店既服務員都好 nice, 一入到去就介紹有乜嘢食, 我同老公諗咗一輪先至叫, 佢哋都無黑面因為夜晚會入長洲食海鮮, 仲想喺長洲掃街食小食, 所以中午唔想食咁飽, 無叫午餐, 2個人都叫咗個全日餐, 個餐 $33, 都好豐富吓。 我叫咗沙嗲牛肉米粉配炸鷄翼2隻、牛油多士、火腿奄列、齋啡; 我老公叫咗鮑片麵配炸鷄翼2隻、牛油多士、火腿奄列、凍檸水。 佢哋同一般既茶餐廳既味道差不多, 咁既價錢都算係好豐富, 個湯粉麵入面仲有條菜架, 呢啲小店值得再黎支持吓。
元朗金莎冰室
| 餐廳分店 | 金莎冰室 |
|---|---|
| 地區 | 元朗 |
| 電話訂位 | 沒有電話提供 |
| 餐單 Menu | 港式, 茶餐廳, 冰室 |
| 人氣指數 | 820 |
| 價錢幾錢 | $50以下 |
金莎冰室訂位位於元朗區，詳細地址是元朗鳳攸南街3號好順景大廈地下7號舖，餐廳寬敞座位數目共有未知幾多個。金莎冰室幾錢？價錢優惠後人均消費大約$50以下埋單，早餐午餐晚餐金莎冰室餐單包括有港式, 茶餐廳, 冰室等美食，付款方式有現金付款。
金莎冰室優惠
金莎冰室 評價 相片
最近喺 facebook 見到有人讚呢間小店, 話好過啲大型連鎖茶餐廳, 老實講住咗呢區十年都無去過, 可能係因為佢好早關門, 平時夜晚都去唔到食, 今日星期日咁啱行過見到有開門就走入去試吓, 正如啲網友所講, 呢間小店既服務員都好 nice, 一入到去就介紹有乜嘢食, 我同老公諗咗一輪先至叫, 佢哋都無黑面因為夜晚會入長洲食海鮮, 仲想喺長洲掃街食小食, 所以中午唔想食咁飽, 無叫午餐, 2個人都叫咗個全日餐, 個餐 $33, 都好豐富吓。
我叫咗沙嗲牛肉米粉配炸鷄翼2隻、牛油多士、火腿奄列、齋啡; 我老公叫咗鮑片麵配炸鷄翼2隻、牛油多士、火腿奄列、凍檸水。
佢哋同一般既茶餐廳既味道差不多, 咁既價錢都算係好豐富, 個湯粉麵入面仲有條菜架, 呢啲小店值得再黎支持吓。
本人從來未有打過食評，亦未曾遇過一間可以有咁難食的早餐。
本來想去附近的醉心餐廳食早餐，可惜太遲去到，已經有好多人係出面食野，由於天氣開始寒冷，所以我同先生去食呢間仍然有位座既食肆食早餐。
結果是惡夢的開始，我們叫了兩sets早餐，我好穩陣咁叫左個雪菜肉絲火腿米同咖啡，先生要左個沙嗲牛肉麵+蛋治+奶茶。
先上的是我們的飲品，天氣如此凍，我當然先飲熱飲取暖，結果…我飲左一杯我飲過最難飲既咖啡！第一口我還以為是我唔習慣，或者感覺錯誤，所以再分別地飲多兩口，嘩！難飲到呢~ 咖啡酸是可以的，不過酸得黎有點奇怪既味道唔係我平時飲過一D帶酸味既咖啡，所以我覺得係D奶有問題，之後成大杯咖啡係無咩野飲過。
其後我同先生出左餐廳再講番，原來我先生杯奶茶都係咁，咁好明顯係奶既問題。
不久，我們的早餐也來到，我既雪菜火腿米是可以的，不過先生碗沙嗲牛就好鹹，而且令到我地眼都突堆既係碟蛋治係完全既濕同爛，未拎上手就已經見到蛋治既蛋令到那片薄得可鄰既方包爛左。
先生將蛋治拎上手個包未拎到一半就爛到掉回碟上。
結果，我同先生快快食完就走，一出餐廳門外仲異口同聲地話好難食囉！以後都唔會再黎食。
而且我們因為沒有飲那兩杯極難飲既餐飲而要去OK買野飲，呢一餐可真貴！
係澳門食過不滿意的豬扒包，回到香港就周圍食下唔同茶記既豬扒包睇吓有無出色之作LA~呢間金莎早餐就食過好幾次，但飯餐及豬扒包就第一次喇!由於太肚餓，本身好想食干炒牛河，不過呢間係冰室只有簡單雜扒飯等，叫了雞翼豬扒飯配黑椒汁，中湯已售罄，現只有粟米湯，配熱飲，只售($32)。
粟米湯好似糊仔咁好杰，有好多生粉獻，唔好飲! 雞翼豬扒飯雞翼有2隻，是即炸的，而且好大隻好多肉，很好味，至於豬扒就比較細件，味道正常，可惜黑椒汁無乜辣味，食得唔夠過癮!熱檸水只有兩片，小家左D喎!豬扒包配熱飲只售$20，未見過咁平既豬包，呢個包外型大得誇張，好似1.5隻雞尾包咁長，不過佢唔係一般用開既硬豬，只係軟餐包，而內裡所謂豬扒只係一小片的豬肉，本身諗住$20都無乜期望，不過估不到豬扒包變到不倫不類，寧願店方價錢定高D，做番個似樣的豬扒包出來LA~
呢條食街啲鋪頭個個星期都唔同，要留得住客真係唔容易，平時食開個間無位，黎左係附近嘅呢間金莎冰室。
門口幾簡潔，價位三十幾一個午餐，ok啦，決定入去一試。
午餐餐湯～粟米豬骨湯，無味精，真材實料。
叉燒煎蛋飯，雙蛋又多飯，飽！另外叫左常餐，咖喱牛肉米粉，牛肉嫩，咖喱汁幾香，不過太少了，唔夠味。
配火腿奄列，牛油多士同炸鷄亦。
奄列剛剛好，無煎過老，仲有蛋汁，好味。
牛油多烤底，正。
炸鷄亦太過燶了，唔掂。
成個餐連餐飲都係二十七蚊，幾平。
仲有叫左五香肉一丁米，份量同味道ok，其實五香肉丁都係罐頭野，應該唔會好難食。
侍應好禮貌，不過成日跌野，可能同間鋪太迫有關。
唔好坐立，勝在冷氣夠凍，啱哂夏天黎。
要吃到好味的炸雞脾不容易。
往往見到人家下午茶餐有雞脾薯條我都會忍唔住試下。
不過每次落ORDER前我都會忍唔住問：你地啲雞脾係咪生炸架？金莎的下午茶餐，其中一個系列由四樣野組成：1. 雞脾/雞翼（我唔記得仲有咩)2. 薯條/沙律3. 咖哩角/春卷/咩咩唔記得4. 飲品（凍飲加一元）雞脾同薯條我都好鍾意食，所以我就叫左雞脾+薯條+咖哩角+凍奶茶，盛惠27元。
雞脾係生炸的，醃得幾好味，皮亦夠脆，肉唔鞋口。
薯條份量唔算多，但咖哩角居然有三隻，好滿足！
金莎冰室餐單提供港式, 茶餐廳, 冰室等推介美食位於元朗區，餐廳座位數未知人均消費約$50以下，結賬可以用現金。
您對於元朗餐廳「金莎冰室」有何 comment？
金莎冰室餐廳詳細資料：
- 金莎冰室地址: 元朗鳳攸南街3號好順景大廈地下7號舖 Gold Sand, Shop7, G/ F, Block1, Ho Shun King Building,3 Fung Yau Street South, Yuen Long
- 金莎冰室電話:
- 金莎冰室價錢: $50以下
- 分類: 港式, 茶餐廳, 冰室
- 座位: 未知
- 付款: 現金
- FB專頁: 金莎冰室 Facebook
更多金莎冰室相關資料:
香港餐廳2026推介8月