醉辣鮮 元朗

醉辣鮮 評價 相片

此餐廳主打海鮮蒸氣鍋, 而且海鮮都是直接從魚缸撈起來, 100%確保新鮮無誤, 讚!!!... 除了即撈海鮮外, 還有少量新鮮蔬菜免費供應,,, e.g. 金菇, 蘑菇, 脆肉瓜, 茄子... 醉辣鮮海鲜餐$198@位: 有元貝, 鮑魚, 本地生蠔, 蟶子, 海中蝦, 沙白, 花甲, 蜆... 餐廳待應很貼心的告訴我們每樣食物, 應該蒸多久吃下口才是口感最佳, 真的很貼心, 常常會主動過來幫忙!!!... 除了海中蝦不是活蹦亂跳外, 其他海鮮100%鮮!!!甜!!!讚!!!... 此套餐還包括了老火湯, 喝得出的真材實料, 愛心老火湯!!!... 當我們吃飽飽海鮮後, 鍋底就已變成一鍋滿滿海鮮味道的粥了, 此粥絕對是整個蒸氣海鮮鍋的精華所在!!!... 綿綿粥!!!鲜!!!甜!!!無!!!比!!!無!!!誤!!!... 最後兩粒雪米糍畫上句號...

在假日，想找一個寧靜的環境晚餐，又要泊到車，我會推薦來這個新田購物城🚗剛好我和男朋友也住在新界，實在非常方便。

最重要是，有超多位泊車，又不收費！🤩這裏食店也不少，我地今次揀左食海鮮蒸氣鍋，見openrice評價也不錯。

店舖相當易找，門口已有推薦的海鮮蒸套餐介紹。

有些套餐有龍蝦，有些有蟹，我地今次揀左$198的套餐。

另外加了店員推薦的蟲草雞！！另附上每款海鮮應該蒸幾耐。

店裡也設有幾個魚缸，放著生猛的龍蝦，鮑魚，蝦，花甲，每當有人下單，員工會即場撈起，真的非常新鮮😍二人海鮮餐，有蠔，有花甲，蜆，蟶子，鮑魚，元貝，蝦😚😚仲有蟲草雞件，這個超級推薦！雞件相當入味，蒸後汁流到下面的粥裡，令到粥都有蟲草的味道👍另外蔬菜是任夾的，我超鍾意食瓜同金菇，蒸蔬菜相對上健康，我都食左好多轉！😻個人最欣賞元貝，夠大粒！最後的南瓜芋頭粥，粥的份量也不少，當中有很多配料，食埋超飽了😂

上次帶屋企人嚟食覺得幾抵食，今次就帶朋友嚟食過啦。

我哋今次嗌返上次嗰個有龍蝦肉蟹嘅餐，但係今次啲海鮮好似比之前細好多，可能因為疫情嘅關係，連啲海鮮都冇啖好食掛。

不過好好彩所有海鮮仍然都係好新鮮。

因為個扇貝比較細粒所以佢都送多一隻俾我哋，佢個膏嘅位都好鮮甜。

你啲鮑魚仔都幾好食，蒸到啱啱好，唔會韌。

而龍蝦個size都冇變過，而佢個膏都好甜。

如果肉蟹雖然個身唔係好大，但係個鉗都幾好肉。

令人有啲失望嘅就係生蠔，因為真係細咗少少，但係其實佢本身呢隻好多好鮮味。

因為冇蟶子而變左象拔蚌，蒸到啱啱熟，超鮮甜。

一部靚嘅粥就一定要有靚嘅蜆，佢今晚啲蜆冇沙，夠晒鮮甜，絕對係粥底嘅精華。

雖然今晚啲海鮮嘅size實在令人太「驚喜」，但係好彩最後煲粥加埋之前海鮮嘅精華，真係好鮮味好好食，我哋兩個女仔都食晒成煲粥。

另外個餐仲會跟咗一隻溫泉蛋，加埋佢哋個秘製醬汁其實隻溫泉蛋都幾好食。

然後我覺得最正嘅係佢個海底椰五指毛桃湯，你真係足料而且好濃味。

有朋友介紹我去呢間食蒸氣海鮮火鍋位置有啲偏遠，好近落馬洲有諗過安唔安全，但呢邊無開關口而家反而無咩大陸人，入到去新田購物城基本上得返廣東話呢間海鮮蒸鍋最平有198，食龍蝦餐最平就268，放題就338原來放題有得自己去撈海鮮即刻食，不過想食平啲就無食到放題基本海鮮餐有老火燉湯、溫泉蛋、元貝、肉蟹、蟶子、鮑魚、本地生蠔、海中蝦、沙白、花甲、蜆、精選時蔬、海皇粥底同精美甜品268仲有龍蝦半隻同紅棗杞子蟲草花蒸雞當日嘅燉湯係椰子煲雞，湯底好濃郁有鮮甜味，椰子味更突出，好暖胃每人有隻流心狀溫泉蛋，有蛋香味濃，蛋汁順滑紅棗杞子蟲草花蒸雞好入味，蟲草花味好香濃仲有蔬菜同醬料無限量自取龍蝦係波士頓龍蝦，肥美多肉又爆膏新鮮唔韌，入口爽口鮮甜而肉蟹亦肥美爆膏，鮑魚煙韌，海蝦爽口，生蠔新鮮元貝鮮甜，蟶子有咬口，加蒸蓉更香沙白、花甲等蜆肉有部份有沙，要小心食大隻飽滿但重鹹味，細隻鮮甜同較滑嫩擺下面嘅粥底有白米+南瓜粒+芋頭粒等海鮮精華會浸入粥底，令粥底吸收海鮮精華充滿鹹香味，仲有鮮甜香味煮2hrs後粥底好軟綿，蕃薯粒同芋頭粒溶喺粥內些微蕃薯香同芋香，海鮮浸透粥底好重海鮮鹹香味同鮮甜味

今日到S元朗的新居踩場，S知道我鍾意食海鮮，佢話帶我去一處又平又抵食的地方食海鮮，好期待呀！如果唔係S帶我來，我真的不知道原來新田購物城隔離有一處別有洞天的美食廣場，整個Area都由不同類型的食肆組成，每間食肆外都有放有大量枱椅，客人可以揀選在户外進食，今晚我們就是揀左坐outdoor的位置， 感覺舒服自在，空氣特別流通。

餐廳亦設有Live Band,氣氛非常熱鬧，餐廳內攞放着三個大魚缸，生猛海鲜直撈直食，增添風味。

今晚我們揀左了醉辣鮮海鮮餐，每位$198, 非常抵食，包: 精選老火湯温泉蛋元貝鮑魚本地生蠔蟶子海中蝦沙白花甲蜆精選時蔬海皇粥底温泉蛋~時間啱啱好，蛋味濃郁而流心，好味道。

五指毛桃海底椰煲豬骨湯~清甜潤喉，正呀！未蒸海鮮前先放米，南瓜和芋頭粒落蒸鍋下層，蒸完海鮮就有靚粥食la!輪到海鮮拼盤出場la, 好吸引呀！好想快D食呀！首先蒸左D貝類先，有沙白，花甲和蜆，沙白和花甲不算大隻，但很鲜甜，其中尤以蜆的質素最高，又大隻又肥美，仲有海水的咸鲜味，好正呀！蠔的口感滑嫩，蠔味濃郁，不加任何調味料也很鮮味。

海中蝦爽滑彈牙，蝦頭仲好多膏，好味！加了蒜蓉和葱花落元貝一整蒸令元貝的鲜味更提昇，元貝肉質細緻嫩滑，正呀！嘩！隻飽魚新鮮仲郁緊，真係又大隻又肥美，肉質腍柔而富彈性，好好味呀！蟶子白雪雪， 滑捋捋，肉質爽脆，正！粟米，翠肉瓜、冬菇、紹菜、金菇和蕃薯都可以無限添食，全部都是新鮮菜蔬，清甜可口。

最後食埋熱騰騰的靚粥真係非常飽足！粥底充滿海鮮的精華，份外鮮甜美味，食唔哂仲可以拎走當明天早餐，好開心呀！提提大家如果假日來食一定要book位呀，因為呢度好爆場，眼見好多無book位的客人都無得坐低，所以切記book位呀！

醉辣鮮餐單提供粵菜, 廣東, 港式, 海鮮, 蒸氣火鍋等推介美食位於元朗區，餐廳座位數70人均消費約$201-400，結賬可以用AlipayHK,支付寶,現金，Booking訂位可以電話致電 61333882 查詢。

您對於元朗餐廳「醉辣鮮」有何 comment？

醉辣鮮餐廳詳細資料：

• 醉辣鮮地址:
  元朗新田村路300號新田購物城地下F7號舖
  Spicy Drucken, Shop F7, G/ F, The Boxes,300 San Tin Tsuen Road, Yuen Long
• 醉辣鮮電話: 61333882
• 醉辣鮮價錢: $201-400
• 分類: 粵菜, 廣東, 港式, 海鮮, 蒸氣火鍋
• 座位: 70
• 付款: AlipayHK,支付寶,現金
• FB專頁: 醉辣鮮 Facebook

更多醉辣鮮相關資料:

• 醉辣鮮分店
• Youtube
• Facebook
• Twitter
• Google