輝記美食 元朗

輝記美食 評價 相片

本來入元朗想試啲新店，不過唔係排長龍就賣晒必食菜式，唯有諗下食其他嘢。

醒起之前見過元朗有一個千層多士，即刻搵搵地址，馬上行去試試。

小食店位置離市中心有段距離，不過都算易搵，入到去唔算多人，有兩檯客食緊嘢。

坐低點左肉醬多士同埋黑椒牛柳炒公仔麵，姐姐好貼心問食唔食辣，推介埋食邊款多士好。

先上公仔麵，麵好咸，應該係落埋公仔麵包味粉落去炒，麵雖然乾身，太咸食左幾啖就放棄左。

之後等左一陣千層多士就到，即叫即做，姐姐仲教埋你點樣令相機食先捕捉最佳拍攝角度，跟手仲幫你包好埋個多士，唔怕食到污污漕漕。

一啖咬落去充滿肉醬，夾雜芝士同生菜，足料好味，肉醬味道唔會好濃，兩個人share一份真心夠晒飽。

整體黎講，多士真係唔錯，服務亦貼心，可惜是結業在即，未有機會再試其他味道既多士。

千層多士（$50）👅一知道呢間餐廳就黎結業，即刻撲去食😭😭😭一上枱即刻心心眼😍😍好高好巨型既多士total有四份😳啲肉醬多到湧出黎😆😆仲夾住芝士、蕃茄、生菜🧀🍅個包又烘到金黃色勁香脆😋😋😋每一啖都好滿足，愈食愈開胃🙈🙈🙈呢個價錢食到咁足料咁高質，無得輸！老闆娘會等你影完相再用紙巾幫你包住食，就唔怕食到咁倫盡😌😌兩個人share食岩岩好👯大家快啲9衝去食啦！好似做到呢個月22號😢😢😢

好耐之前網上有介紹過呢度嘅千層肉醬多士，本身係多士迷，前排同朋友行開公園，順便過泥嘆下午茶。

「食唔食得辣架你地？」order果時老闆娘問，我地問辣同唔辣有咩分別，佢話辣味會多左辣肉腸，同多十蚊。

最後都叫左辣味～留意辣味係叫火辣辣小花，同千層多士係唔同架～～～個名🙊等呀等呀等呀等呀，好似都等左半個鐘，老闆娘話廚房得一個人煮，叫我地體諒下。

見到多士真身喇，份量都幾大，每層都塞滿晒肉醬同芝士～多士好脆，辣肉腸微辣帶咸香，芝士唔係拉絲果隻，不過都溶溶地，同肉醬味道幾夾，食落真係有陣pizza味。

豬肉碎炒得幾香口，食下食下，又唔知點解覺得啲肉碎多左啲魚香茄子味～多士整體唔算太有特色，味道唔差，不過就真係要俾啲時間同耐性。

元朗千層流心多士輝記美食😄，由輝哥親自烹調，即叫即製，新鮮、熱辣辣既千層多士（$50），每層都有芝士、炒香既豬肉碎（似pizza味🍕）、生菜，最厲害既系每層多士都系脆卜卜🍞，份量足以兩至三人食，足料、抵食，而且輝哥十分好客，與食客分享烹調心得，又會詢問客人意見，了解客人口味。

有態既小店👍🏻值得支持😚留意營業時間11🕚22:00🕙早少少去 保證可以食到好野😝整體環境：😋😋🌗🌚🌚（2.5分）雖平民小店，但整潔整體味道：😋😋😋🌚🌚（3分）整體份量：😋😋😋🌚🌚（3分）整體服務：😋😋😋😋🌚（4分）性價比：😋😋😋🌚🌚（3分）翻吃：👍🏻👍🏻👍🏻✊🏻✊🏻（3分）

點了"辣辣小花"後等了45 分鐘才有. 麵包是燶的. 除了大份, 沒有任何特別. NOT recommended, unless you have a lot of time to spare and wish to spend $60 for a mediocre sandwich.

輝記美食餐單提供港式, 粉麵, 米線, 茶餐廳, 冰室等推介美食位於元朗區，餐廳座位數36人均消費約$50以下，結賬可以用現金。

您對於元朗餐廳「輝記美食」有何 comment？

輝記美食餐廳詳細資料：

• 輝記美食地址:
  元朗馬田路怡豐花園A座地舖
  Fai Kee Food, G/ F., Yee Fung Garden Block A, Ma Tin Road, Yuen Long
• 輝記美食電話:  
• 輝記美食價錢: $50以下
• 分類: 港式, 粉麵, 米線, 茶餐廳, 冰室
• 座位: 36
• 付款: 現金
• FB專頁: 輝記美食 Facebook

更多輝記美食相關資料:

• 輝記美食分店
• Youtube
• Facebook
• Twitter
• Google