花斑茶社 (金龍樓) 元朗

花斑茶社 (金龍樓) 評價 相片

最近花斑茶社終於開到新界啦😊😊屯門同元朗都開左分店😍一直都覺得佢個鋪面同飲品包裝都好靚😌買黎打卡就最好不過啦😌😌😌諗左好耐都係試下佢地最基本既黑糖珍珠款式😋由叫到拎得都係等左5分鐘都冇，超快手😉🧋黑糖珍珠厚鮮奶$32都係同其他店一樣係固定冰同甜度🥺我決定飲埋呢杯今年都唔再飲呢啲黑糖珍珠，太肥了😁😁😁珍珠夠甜夠Q，有咬口👍🏼👍🏼👍🏼鮮奶好似有得叫脫脂！比怕肥既女生多一個選擇😺我都幾欣賞佢飲到最後鮮奶味都係好濃😺 一啲都冇因為啲冰融左所以變淡到！黑糖珍珠厚鮮奶黎講佢都算幾出色wo👐🏻值得一試同一影呀！

一直有聽人介紹花斑茶社既飲品好飲，咁啱行過，一於去買黎試下。

🔍黑糖珍珠烏龍奶茶今次叫左黑糖珍珠烏龍奶茶少甜走冰，雖然有叫少甜，但因為係黑糖珍珠既關係，其實都甜甜地，驚甜既朋友可以揀微糖或無糖。

黑糖珍珠係煙韌，有咬口既，但對我黎講，我就覺得硬左少少，如果冧少少就好啦。

整體來講，我覺得黑糖珍珠烏龍奶茶味道唔錯。

有機會行過一定會再買黎飲。

📚有機會都會想試下佢另一款好多人介紹既「白桃烏龍+寒天」，聽講都係好飲既。

💛花斑茶社💛黑糖珍珠厚鮮奶 $32元朗新開左呢間珍珠奶茶店呢杯真係超好飲有濃厚黑糖味仲要用明治4.3鮮奶沖飲落唔會太甜 又好夠味不過佢冰度甜度固定平時好中意飲黑糖珍珠鮮奶我比100分💯間鋪頭入面仲有位坐可以比你買完好攰既時間坐係到等野飲仲可以坐係到飲埋添呢杯比老虎堂果杯好飲好多而且仲要大杯d重點是黃店💛果杯就太甜 同埋係藍色所以我之後會繼續飲呢間😋同埋而家有九折 開心🥳

香港珍珠奶茶店實在太多選擇，我都搞唔清邊間打邊間。

復活節五日長假期，見疫情又有少少緩和跡象，一於到一年都無去一次既元朗走走搵好西食一落車已經見到沿路有幾間新店鋪開張，果日又鬼咁熱，即刻想買杯飲品涼一涼，行下行下就見到一間裝修比一般門面時尚既店舖，原來係台式珍珠奶茶店，叫花斑茶社，個名都幾特別，又上網搵下呢間連鎖店既評分係點先，原來都好高分，唔係好甜既我決定買杯試試。

兩個人叫左一杯名間四季春，少甜，另外又叫左杯招牌，黑糖珍珠烏龍奶茶，少甜。

杯名間四季春茶味好香好出，少甜亦調得啱我心水，下次加埋個芝士奶蓋試下先。

另外一杯黑糖珍珠烏龍奶茶都好飲，我本身對奶類好敏感，所以開頭只敢飲兩啖，但緊係飲飲下又飲多咗啦，但當日飲完竟然個肚仔無事喎不過唔知係因為太好飲，定本身杯野唔夠大杯，好似好快飲晒可能果日係第一日開張既關係，門口好多人，裡面有茶葉買，不過見太多人最後無買到，下次入元朗再買啦。

見新開左間茶飲店元朗真係好多茶飲店仲好似有好多分店咁今日經過開個頭就買番杯 但地點有d難搵 因為佢個鋪面係凹入去 忘了拍門口😅餐牌如下：想飲fresh d見佢標左鳳梨冰茶 咁就試下啦有紅茶同綠茶可以choose 叫左個鳳梨紅茶 店員主動問要唔要少甜少冰👍🏻 有時會唔記得左叫🙈無分大細杯 但分量係其他店的中杯size飲到有鳳梨起入面 但應該少於5粒 茶香唔太出性價比有啲低🤭下次經過可以試埋奶茶 但唔會特登去買😅

花斑茶社 (金龍樓)餐單提供台灣菜, 台式飲品, 少鹽少糖食店等推介美食位於元朗區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 63684534(Whatsapp) 查詢。

您對於元朗餐廳「花斑茶社 (金龍樓)」有何 comment？

花斑茶社 (金龍樓)餐廳詳細資料：

• 花斑茶社 (金龍樓)地址:
  元朗鳳琴街22號金龍樓地下20B號舖
  A Boutea (Kam Lung Mansion), Shop20 B, G/ F, Kam Lung Mansion,22 Fung Kam Street, Yuen Long
• 花斑茶社 (金龍樓)電話: 63684534(Whatsapp)
• 花斑茶社 (金龍樓)價錢: $50以下
• 分類: 台灣菜, 台式飲品, 少鹽少糖食店
• 座位: 未知
• 付款: AlipayHK,支付寶,現金
• FB專頁: 花斑茶社 (金龍樓) Facebook

更多花斑茶社 (金龍樓)相關資料:

• 花斑茶社 (金龍樓)分店
• Youtube
• Facebook
• Twitter
• Google