老馮茶居 元朗
地址: 元朗大棠路66號地舖
最後更新:
老馮茶居推介
走香港懷舊風情路線，店內大至椅桌，小至碗筷，甚至裝飾都帶有老香港情懷，茶居食品甚有特色，絕非處處可嚐，如沙嗲大腸、鵪鶉蛋燒賣、黑椒牛仔骨等。
元朗老馮茶居
| 餐廳分店 | 老馮茶居 |
|---|---|
| 地區 | 元朗 |
| 電話訂位 | 26598826 |
| 餐單 Menu | 港式, 點心 |
| 人氣指數 | 973 |
| 價錢幾錢 | $51-100 |
老馮茶居訂位位於元朗區，詳細地址是元朗大棠路66號地舖，餐廳寬敞座位數目共有50個。老馮茶居幾錢？價錢優惠後人均消費大約$51-100埋單，早餐午餐晚餐老馮茶居餐單包括有港式, 點心等美食，付款方式有AlipayHK,支付寶,現金付款，Booking網上訂位可以電話致電 26598826 查詢訂座。
老馮茶居優惠
老馮茶居 評價 相片
山長水遠又嚟大西北🤣元朗真係好多好西🥰同友人一盅兩件😚「老馮茶居」參考六七十年代舊香港🇭🇰重現舊式七層大廈特色裝潢好多細緻位。
之思值得一讚！座位、地磚、餐具、吊燈、牆壁裝置極用心！就連洗手間設計都唔馬虎㗎！打卡度爆燈！茶芥每位$5 免加一食點心緊係要熱同新鮮最怕炸物凍哂、蒸點心過哂龍糊口呢度點心即叫即蒸😍大讚！因此點完單後食物會陸續分批上唔會一口氣上哂真正做到襯熱食☺️唔飲唐茶呢度都有西茶飲！奶茶、咖啡任君選擇小店點心種類當然不及連鎖式酒家但都不乏fusion自家特色點心咖喱蒸魷魚($23)👍🏻大塊厚身入味有咬口份量亦不少😋咖喱味香而不辣四寶滑雞札($25)👋🏻有讚有彈內餡有魚肚、豬肚、冬菇、雞讚嘅係用魚肚！🥳非一般酒樓偷工減料用豬皮、芋頭代替如果用返傳統火腿會更好可惜係調味唔夠😖內餡以至表層腐皮都好淡無乜味扣左唔少分八珍糯米雞($28)👏🏻好大份🤣好足料內餡有咸蛋黃、雞翼、臘腸、雞肉味道係啱😊糯米稍為水多過頭煮得爛左些少芡汁都唔太夠老馮咸水角($18)👌無乜存在感同記憶點正正常常熱辣辣XO醬蘿白糕($28)👌呢味菜相當有自己特色、獨創性！蘿白糕切粒上😛炸過嚟 每粒糕面頭都有XO醬碎如果直接用炒可能XO醬味會更出蝦醬蒸腩仔飯($38)👍🏻👍🏻❤️大推大推！傳統味🤩用砵仔蒸嘅飯米粒粒粒分明蝦醬入味 腩仔俾得大方半肥瘦啖啖肉+油脂🥳諗起都回味！🥰
家中老人家講左好多次，疫情下，無得飲茶心癮起，所以屋企人揾左一間小茶居，俾佢哋止下癮。
店鋪小，每枱限食一個鐘，無得加單。
我哋4個人，等左一個鐘，但有張卡位，自己坐晒，都幾好。
全部點心上枱都熱辣辣，好新鮮，難得平時「腌尖」嘅老人家都讚好，真係不得了。
4個人試左10樣嘢，每人每樣食少少，啱晒！老馮鮮蝦餃$28一籠4粒平厚薄適中，入面嘅蝦食落幾新鮮，彈牙。
八珍糯米雞$28淨係影左個外型，唔記得影入面。
佢好多料架，有獵腸，雞粒，好似有條火腿，仲有隻雞中翼；糯米飯係濕嗰隻，有咬口。
蜆介鯪魚球$28個人最怕食鯪魚球嘅味，但屋企人讚佢入味，而個蜆介係有酒香味㗎！流沙芋泥包$20我食嗰個有流心，個屋企人食嗰個就無，反而有粒芋頭喺入面。
麵包鬆軟，乾食，唔「痴」牙，餡夠香，但唔太甜，超吸睛。
鮮蝦腐皮卷$26薄薄嘅腐皮包住少少蝦喺入面。
腐皮炸得鬆化而唔油膩。
薑汁桂圓紅棗糕$20甜品一號：哩個係蒸糕，熱食。
一層層嘅糕，夠軟夠Q，薑味夠重，紅棗味香。
蟹子燒賣皇$28粒粒都好大粒，上面有鮮蝦，入面啲肉帶粉紅色，感覺好實在。
我哋都滿意。
香滑米皇腸$18一碟超有分量嘅原味腸粉，有成9小條。
佢嘅腸粉係走有彈性嘅路線，唔係滑嘟嘟嗰隻，有淡淡嘅米味。
沙爹豬大腸$23屋企人話好多人讚，所以點左。
佢嘅豬腸起晒啲肥膏，沙爹味濃，好彩差唔多尾先上，唔係就遮晒其他點心嘅味。
薑汁燉鮮奶$20哩個係繼澳牛嘅燉奶後，另一個香滑嘅例子。
燉奶係即叫即蒸，要等15分鐘先有得食。
比起只有蛋白嘅澳牛燉奶，哩個多左薑味，本人覺得好食，但當然滑度係澳牛高少少。
你都可以試下！
有樣嘢最好是先知清楚， 一來呢間嘢好爆， 上飲早茶嘅話最好早啲嚟， 二來呢一間唔係畀你慢慢坐， 限時一小時， 純粹畀你嘆下點心同埋飲杯茶， 唔好諗住可以喺度吹好耐水傾好耐偈， 第三你要響一開始嗰陣時嗌曬所有你想食嘅嘢， 包括如果你想外賣攞走嘅都最好講埋， 因為每枱佢照幫你落一次單， 冇得一到飲一到慢慢諗跟住又加單。
我一定要讚下佢個蝦餃， 好多年冇食個皮咁薄嘅蝦餃。
另外佢個蜆介鯪魚球又係好新鮮炸得， 一食落去就知真功夫。
牛肉球亦都係煮得好好， 其實食咗所有嘢我都覺得唔錯， 蝦腸有少少失望， 可能我本身比較鍾意有韭黃， 但我唔知係咪因為傳統嘅蒸蝦腸冇韭黃， 而佢又想複製返以前原裝嘅舊式蝦腸， 即使我話唔係最好食但係都ok。
𦍑越老越辣，茶居越舊越有風味。
元朗呢間茶居，裝潢五，六十年代，攞放的裝飾物也有一定時間，好懷舊。
地方有點窄，坐得不太舒服。
食飯物水準卻意外驚喜。
燒賣，蝦餃，蝦米腸，生竹牛肉球，鳳爪，糯米雞....全部即叫即蒸，熱辣辣，味道真的好好，用料也不敷衍。
香港少有的舊式茶居，值得回味一番。
每次尼，即使係閑日都要等一等位，而且而家有限時，唔可以慢慢嘆茶。
嘢食好味，服務一般，環境懷舊。
今次試埋牛仔骨，牛仔骨都唔錯。
成日都想食佢個千層糕，但係都係冇。
呢個真係要睇運氣。
最鍾意食佢蘿蔔糕，推薦推薦。
老馮茶居餐單提供港式, 點心等推介美食位於元朗區，餐廳座位數50人均消費約$51-100，結賬可以用AlipayHK,支付寶,現金，Booking訂位可以電話致電 26598826 查詢。
您對於元朗餐廳「老馮茶居」有何 comment？
老馮茶居餐廳詳細資料：
- 老馮茶居地址: 元朗大棠路66號地舖 Old Fung Tea House, G/ F.,66 Tai Tong Road, Yuen Long
- 老馮茶居電話: 26598826
- 老馮茶居價錢: $51-100
- 分類: 港式, 點心
- 座位: 50
- 付款: AlipayHK,支付寶,現金
- FB專頁: 老馮茶居 Facebook
更多老馮茶居相關資料:
香港餐廳2026推介8月