米師傅石磨腸粉 元朗

米師傅石磨腸粉 評價 相片

事源見新開，一直想試，今日下午一點幾去到冇乜人，唔使等好耐，叫左個羅漢齋紅米腸，23蚊，份量足，料又多，個人喜愛唔咸，豉油分開，腸粉有口感，呢個羅漢齋腸有木耳絲，蘿蔔絲，什菇，食完都幾飽。

門面小姐又好nice,大家傾傾下計之下比錢，之後睇返自己仲銀包，自已大頭蝦冇睇原來找小10蚊，打返去鋪，小姐大半個鐘左右好快check完就即刻打比我係找小左，之後仲即刻payme返，仲say sorry,其實係傾計大家都分左心，今次可見鋪頭果然誠實又有效率，之後都會多多支持！

🔎米師傅石磨腸粉 (元朗)💛又一新黃店加入元朗國啦 仲要係我好鍾意嘅石咸腸粉 元朗國極缺乏呀～～正式開業就一早去買份嚟試下🔹石磨雞蛋腸 $19單點 / $33 SET套餐跟燒賣6粒 豆漿/蘋果雪梨配料可選：芫荽 炸蒜 芝麻 麻油 辣椒醬料有醬油/麻辣醬 可選落埋或者獨立裝如果有芫荽係包埋落去仲要係大量嘅話我應該會成日食 講返正題 腸粉幾滑 燒賣正常操作 最最最有驚喜竟然個麻辣醬 好味又麻又辣 愛辣之人必試！餐飲㨂咗蘋果雪梨 係用返自家樽仲要唔係好甜 正！仲有好多款腸粉 有排試🤣🤤仲有得轉紅米/黑米腸粉 都幾特別 遲啲都會試吓📍 元朗裕榮徑11號好旺洋樓地下18號舖🍴搵返相關地區👉🏻 #90sfoodieshare_元朗#食在元朗#良心餐廳#黃色經濟圈#黃色小店#黃懲罰#黃店地圖#黃店地圖系列#黄店系列

店舖喺正旮旯隔離，經過見到就試吓買來食，終於有一間良心腸粉小店喺大坑渠附近😭（去買個陣應該仲係試業梗，未有招牌住）。

第一次食石磨腸粉，見到Menu嘅牛肉腸係鮮牛肉而唔係牛肉滑冇牛咩嘅個種，就決定叫哩一款。

今日喺差唔多晏就兩點買，本身想試吓黑米或者紅米腸，但去到已經賣哂，所以就要早原始嘅白米腸。

石磨牛肉腸（跟餐有6粒燒賣加當日嘅涼茶或者豆漿）先講左主角石磨腸粉，超滑捋捋唔使咬咁濟。

而牛肉幾淋，但絕對唔係落左鬆肉粉嘅果種淋，而係蒸嘅時候蒸得岩岩好嘅淋,係有一兩舊有少少筋。

腸粉有好多配料，有芫荽，炸蒜，芝麻，麻油，辣椒粉，唔食邊一樣配料都可以唔要。

今次叫嘅牛肉腸所有配料都全要。

炸蒜好香脆，芝麻都幾香。

到醬料方面，麻辣醬同豉油係分開另外搵盒裝，可以自己斟酌分量或食法。

店舖嘅所有醬汁都似係自家調製，豉油個人覺得有少少柚子味咁，甜甜地但唔會好鹹，而麻辣醬似係花生嘅麻醬上面再有層麻辣油咁。

本身都幾食得辣，佢嘅麻辣醬辣嘅程度大概係譚仔三哥嘅三至五小辣。

食得辣嘅一定要要埋麻辣醬，佢嘅麻辣醬唔係就咁死麻或者死辣，係有有花生香嘅同時帶麻辣香，落埋落去成盒腸粉同配料度，所有配料同個醬混合起來唔會有違和感。

而跟餐嘅燒賣就正常水準。

到飲品方面，本身對飲品冇特別有期待。

但被佢羅漢果茶驚艷到，超濃郁，勁香羅漢果味，入口小甜味回甘。

整體來講係可以再encore嘅腸粉店，正式營業後可以多一個早餐選擇。

喺元朗試業幾日，就已經見到好多手足去懲罰佢。

所以今日放工即落去幫襯下。

由於正在試業中(收19：00)門口未有大大招牌，所以一不小心就好容易走過頭！不過鋪頭都好易揾，鋪頭係『隱』及『The Basic』隔離。

石磨蔥花蝦米腸，粟米黑米腸我都係第一次食石磨腸粉，所以未識分好唔好食?!我就覺得同平時飲茶嘅腸粉最大分別，就係呢啲會煙銀啲。

不過我嗰粟米黑米腸真係好大份，可能因為係重整嘅關係。

點解會重整？原來佢地每份腸份整完都會加辣椒粉。

而我掛住同佢哋吹水，冇叫走辣。

佢哋知道我唔食辣，所以即刻又重整一份。

每份石磨腸粉都配有麻辣醬及豉油，食得辣嘅朋友可以試下呢個新配搭。

唔中意食黑米腸粉？唔要緊，呢到仲有紅米腸粉。

加少少錢食個套餐，就有埋燒賣，同大大支米師傅自家製涼茶。

米師傅石磨腸粉餐單提供港式, 小食店等推介美食位於元朗區，餐廳座位數未知人均消費約$50以下，結賬可以用現金，Booking訂位可以電話致電 69979949 查詢。

您對於元朗餐廳「米師傅石磨腸粉」有何 comment？

米師傅石磨腸粉餐廳詳細資料：

• 米師傅石磨腸粉地址:
  元朗裕榮徑11號好旺洋樓地下18號舖
  米師傅石磨腸粉, Shop18, G/ F, Ho Wan Building,11 Yu Wing Path, Yuen Long
• 米師傅石磨腸粉電話: 69979949
• 米師傅石磨腸粉價錢: $50以下
• 分類: 港式, 小食店
• 座位: 未知
• 付款: 現金
• FB專頁: 米師傅石磨腸粉 Facebook

更多米師傅石磨腸粉相關資料:

• 米師傅石磨腸粉分店
• Youtube
• Facebook
• Twitter
• Google