玻璃屋 元朗

玻璃屋 評價 相片

好耐無寫食評了！今次不得不寫。

門面一點也不起眼，入到去似一般舊式茶餐廳格局。

店主小本經營，人手有限，入到去座底要等姐姐出嚟先落到單。

但意想不到姐姐都幾好人，街坊小店服務的確不同，有街坊入嚟叫外賣，叔叔叫人客坐係到等得啦！👍我一坐低，諗都唔諗，好快就落咗個招牌飯 “雜扒飯炒底”，凍檸茶。

等咗幾分鐘，一碟鍋氣十足嘅炒飯送上，分量大得嚇人，兩個女人食一碟飯都夠呀！炸過既豬扒雞扒好軟身，外脆內軟，不會太咸，仲配搭埋腸仔火腿，好邪惡，飯面灑滿蔥花及少許辣椒，一絕配😋 ，最正係個炒飯底，真係好似用隔夜飯去炒架！一粒粒架😍好好味。

叔叔仲好好人主動幫我refill 凍茶，而加無乜茶餐廳會仼fill 。

好欣賞小店呀姐呀叔服務，下次必定會再黎

距離上班時間 倘有一個多小時立即搜尋附近餐廳享受一個慢活早餐 再回公司扮工沒想到竟然找到這間 充滿人情味的茶餐廳餐廳舖位偏細 有幾張卡位早上時份 只有叔叔 獨力在樓面、廚房一腳踢一份$34的早餐C這個價錢竟然有碎上的豬扒而且份量大 到下午 也未開始餓跟餐熱奶茶 用了凍飲杯裝住 比平時的熱飲大杯 是茶濃的那種👍🏻老實說 食物質素 不是特別出色令我寫這篇食評的原因是來自叔叔的人情味剛剛提到 只有叔叔一人主理但他仍能留意及滿足到食客的需要 用餐途中 我被冷氣、風扇吹得有點冷自己穿上冷衫 繼續享受早餐而叔叔則叫風扇附近的食客 幫忙關風扇我們之間 沒有交流 叔叔卻默默的幫忙了試想一下 有幾多間茶餐廳有這般的人情味？當下真的買少見少 要好好珍惜呀 香港人💪🏻💪🏻餐牌如下：

店面簡漏,完全係冰室風格,銀底紅字既招牌十分搶眼,而且店面姐姐好好禮貌椒鹽什扒飯炒底火腿,腸仔,雞扒,豬扒右止充滿鑊氣既炒飯底,而且份量好多,正常可以分開2餐食,非常抵

我們一家四口，諗住叫兩碟椒鹽雜扒飯，跟兩杯飲品，沒想到他們還主動送給一杯凍檸檬及一杯凍利賓納，檸檬茶還有得添飲！服務冇得頂！真心他們炒的飯我們一家四口真的食不下兩碟，因為這碟飯真的太多餸，本人也覺得很浪費，此小店給我的感覺真的沒有其他餐廳一般，沒想到令我們感覺真的賓至如歸。

我想也沒想給了150元，他還追出來找錢給我。

希望大家繼續支持如此有良心的小店，雖然餐廳比較落伍但他們是很用心去照顧每一位客人。

今日約左個兼職同事食晏，佢介紹呢間玻璃屋，自問元朗嘅食肆都食唔少，但呢間玻璃屋我真係未食過，聽個名都估唔到，呢間係茶記12點半左右到，疫情關係，兩人一枱。

間野都唔多人，我叫左椒鹽豬扒飯炒底，朋友叫左椒鹽雞扒飯西炒飯底其實餐牌好多款揀，自由搭配得架喇朋友叫嘅椒鹽雞扒飯西炒飯底，份量就好誇張，朋友話大份係呢間野特色黎，佢以前中學已經喺度食我食左啖，炒飯唔濕，炒得好乾身，粒粒飯都有色水，好均勻茄汁味剛剛好我碟豬扒飯炒底，都係份量好大，其實一碟飯，兩個人食都夠飽啲蔥好多，好香，炒飯底一啲都唔馬虎大發現係呢度凍檸茶係任fill，係得凍檸茶嘅啫，最緊要係好飲，又唔會太甜，茶味又夠

玻璃屋餐單提供港式, 茶餐廳, 冰室等推介美食位於元朗區，餐廳座位數未知人均消費約$50以下，結賬可以用現金，Booking訂位可以電話致電 24793968 查詢。

您對於元朗餐廳「玻璃屋」有何 comment？

玻璃屋餐廳詳細資料：

• 玻璃屋地址:
  元朗教育路88號地下15號舖
  Bo Lai House, Shop15, G/ F,88 Kau Yuk Road, Yuen Long
• 玻璃屋電話: 24793968
• 玻璃屋價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 玻璃屋 Facebook

更多玻璃屋相關資料:

• 玻璃屋分店
• Youtube
• Facebook
• Twitter
• Google