王牌冰室 (教育路) 元朗

王牌冰室 (教育路) 評價 相片

新開張 外賣堂食又點可以唔試吓試左佢ge王牌推介特龍牛乳炒滑蛋叉燒蝦仁雙拼飯整體夠大份 如果細食兩個人都夠食 不過叉燒偏瘦 如果鍾意半肥瘦就要特別要求 味道配搭適中 滑蛋香滑的 如果再多啲蝦仁會更好haha 另外試咗最經典嘅香濃蕃茄豬扒焗飯 蕃茄味 好濃郁 不過豬扒 鬆軟 但相對上較為太鬆軟 口感層次少咗 不過如果鍾意食好soft嘅豬扒咁就一定啱你最後試咗經典常餐 瑞士雞髀撈麵 個人是不太推介 可能因為外賣原因 撈麵的瑞士汁太小 而且味道不足 太過乾生不過雞髀是正常的 配送多士也可以轉蒜蓉多士同埋配送炒蛋整體還可 推介試飯 王牌推介是不錯的

喺屋企煮到悶悶地就出去買外賣返屋企食。

突然好想食茶餐廳嘅常餐，所以就試吓呢間新開嘅王牌冰室。

叫咗我最鍾意食嘅沙嗲牛肉公仔麵配牛乳炒蛋加牛油多士，仲飲埋好耐冇飲嘅杏仁霜。

餐牌上面講明係特濃，食落又真係有好香濃嘅花生味🥜一碗入面已經分咗湯，唔使咁多碗野，外賣拎走時就方便好多。

另外要咗一個下午茶餐，都幾抵食。

$44有一隻瑞士汁雞髀配火腿奄列加薯條同野飲。

薯條係有少少調味嘅所以好香口，而火腿奄列都好大塊，好足料😍王牌推介嘅脆炸肉絲炒麵都好有心思又足料‼️肉絲醬同炸麵係分開上，而炸麵唔係一大塊而係一舊舊，好可愛😂

金牌冰室啱啱喺元朗開咗新分店之前喺葵興已經試過味道唔錯裏面有獨特嘅茶餐廳風格有啲懷舊嘅燈牌睇落去幾有型啱啱踏入六點 既可以叫茶餐又可以食晚餐首先一坐低當然叫咗個芝士流心懷舊西多嚟嘅時候西多士同埋芝士完美融合食落去每啖都好有幸福嘅感覺仲有晚市套餐當然唔可以放過！我食咗麻婆豆腐同埋啫啫雞煲😛😛麻婆豆腐好香但係我嫌味道唔夠辣不過份量都算多 而且送埋盒飯仲有嘢飲啫啫雞煲熱辣辣 真係非常吸引 裏面有大量嘅孫子同埋洋蔥非常惹味香口仲有雞腎 醬汁令到整個煲都好濃味呀最後嘢飲方面叫咗杯凍檸水同埋熱杏霜杏霜好難喺出邊叫得到 飲晒成杯👍🏼👍🏼

見到係教育路新開王牌冰室，招牌非常搶眼！收咗工我都買返個外賣試吓先😊我叫咗特濃牛乳炒滑蛋叉燒蝦仁雙拼飯，炒蛋非常嫩滑，叉燒同蝦仁大大舊，正👍🏻.瑞士雞髀通粉，雞髀🍗非常入味，不過稍為硬咗少少，有待改善.反而最驚喜係咖喱雞球飯，超足料！😍😍😍平時出去其他茶記食得好少雞，比勁多薯仔不過王牌冰室，比全部都係雞，一小舊薯仔，真係勁正！非常抵食～咖喱味濃郁，唔會太稀～味道少少辣，送飯一流！推介👍🏻.而且佢哋嘅外賣碗係非常精美同特別，比平時外賣碗大少少，咁分量自然會多啲啦！

教育路呢邊又有新餐廳開張門面細細，但門面裝修都幾搶眼店內裝修算係懷舊+現代feel但一間餐廳最重要都係味道好食同朋友坐低，餐牌都幾多選擇最後order咗兩個小菜當晚餐廳內人流唔算多，我哋嘅兩個小菜都好快上咗首先見到西檸雞好驚喜，賣相非常之吸引雞肉鋪得好整齊，檸檬醬分量足夠，而且有好幾片檸檬擺面，影相打卡都非常適合之後上埋欖菜肉碎四季豆，熱辣辣而且欖菜味非常香欖菜同肉碎嘅份量都啱啱好，四季豆爽口入味最正嘅係小菜跟配一個白飯，我同朋友就啱好一人一個服務態度都好好，有機會會再試埋早餐午餐或者下午茶

王牌冰室 (教育路)餐單提供港式, 茶餐廳, 冰室等推介美食位於元朗區，餐廳座位數未知人均消費約$50以下，結賬可以用現金。

您對於元朗餐廳「王牌冰室 (教育路)」有何 comment？

王牌冰室 (教育路)餐廳詳細資料：

• 王牌冰室 (教育路)地址:
  元朗教育路52號德榮樓地舖
  Wong Pai Bing Sutt (Kau Yuk Road), G/ F, Tak Wing Building,52 Kau Yuk Road, Yuen Long
• 王牌冰室 (教育路)電話:  
• 王牌冰室 (教育路)價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 王牌冰室 (教育路) Facebook

更多王牌冰室 (教育路)相關資料:

• 王牌冰室 (教育路)分店
• Youtube
• Facebook
• Twitter
• Google