王子餐廳 元朗

王子餐廳 評價 相片

王子餐廳真係成日食，一嚟住得近，重點係價錢好親民，講緊鐵板餐下晝70蚊 ，夜晚都係100蚊鬆啲，今次我係中午去食，揀咗雞扒飯配漢堡扒，雞扒好香脆，漢堡扒都好好食😀🙂，其實平時我係食肉醬意粉多，但係最近兩次去食肉醬意粉都差咗唔少，其實因為本身佢已經唔係特別好食，但係勝在芝士夠多，真係carry到三重芝士肉醬意粉呢個名，但係最近唔係了，好少芝士，搞到食落好咸，而家最穩陣係食佢啲扒飯，同埋白汁露荀三文魚意粉🍝

第一次黎食午餐 呢個時世元朗仲咁多人排隊就知佢抵食又好味等左15分鐘左右，每個員工服務態度非常好！今時今日餐廳又多人又忙，佢地仲咁親切真係少之又之 非常難得！佢地有個$72鐵板餐 塊牛扒勁厚 仲比普通餐多一個餐包同甜品$48 有雞扒有配菜加超多汁比你仲要多飯 有湯有野飲 味道唔錯 ！不得不提 杯檸檬茶茶底我覺得比我想像中好飲 凍飲有冰有少許淡 但熱飲我覺得個茶味係唔會太濃 濃度岩岩好！一句講晒就係非常經濟實惠嘅午餐 性價比高

今日又入到黎元朗醫肚，去左呢間叫王子餐廳既食lunch，黎到都要等3至4個，入到去叫左兩個餐：第一個係焗豬扒飯，面層有一塊芝士，而芝士味都好濃，豬扒肉質厚得黎唔好太韌，蕃茄汁嘅酸甜到都適中，最重要係佢嘅飯有炒底，個焗飯唔錯 good good。

第二個就係蒜蓉汁豬扒配薯菜，豬扒都係一樣厚得來唔會太韌，而肉質都好juicy，蒜汁我覺得可以再濃啲，而最特別係佢面層有隻蛋同埋一塊燒咗嘅茄子🍆，加埋一齊食，都幾好味。

最後仲有雪糕🍦送添，下次會繼續幫襯。

我嘅食肉獸朋友話想食西餐, 於是揀咗在教育路後街王子餐廳鋸扒🥩 ,因為睇到食在元朗話啲扒好大塊好抵食， 咁就去報到啦😙 餐廳內部裝橫ok， 座位好坐👍 二人套餐，有餐包、餐湯雪糕同飲品😌 西蘭厚切肉眼扒🥩~ 唔講得笑，超大塊，成吋厚👍 紐西蘭牛柳~ 仲誇張，👀測都有吋幾2吋厚，兩個都係叫咗7成熟，鐵板上， 熟到算控制得幾好，肉質正常可口👍 整體來說， 大件夾抵食，二人套餐加埋一，每人才不過140蚊，超值~正😋

平時行過見都有人等位 就試下第一次叫左2人餐 肉眼扒+西冷牛扒 黑椒汁 忌廉湯忌廉湯味道一般西冷同肉眼扒都好大塊配薯菜 但質感有點韌西冷會比較好食食完還會送上雪糕總結食物味道一般2人餐價錢 $248唯一可讚 員工服務態度非常好笑容滿面

王子餐廳餐單提供西式等推介美食位於元朗區，餐廳座位數未知人均消費約$101-200，結賬可以用現金，Booking訂位可以電話致電 26902929 查詢。

您對於元朗餐廳「王子餐廳」有何 comment？

王子餐廳餐廳詳細資料：

• 王子餐廳地址:
  元朗安興街59-67號安泰樓地下5號舖
  王子餐廳, Shop5, G/ F, On Tai Building,59-67 On Hing Street, Yuen Long
• 王子餐廳電話: 26902929
• 王子餐廳價錢: $101-200
• 分類: 西式
• 座位: 未知
• 付款: 現金
• FB專頁: 王子餐廳 Facebook

更多王子餐廳相關資料:

• 王子餐廳分店
• Youtube
• Facebook
• Twitter
• Google