燒蝦哈 元朗
地址: 元朗錦田錦莆路地下
最後更新:
燒蝦哈推介
位於錦田的燒烤場，提供兩小時任飲任食。場內提供的食物選擇十分豐富，除了活鮮蝦外，亦有不同的扒類、台灣腸、新鮮蔬菜等。每個座位旁均有流水蝦水缸，食客可以隨時夾蝦即燒。場地更設有各類娛樂設施，如麻雀及波波池等。
元朗燒蝦哈
| 餐廳分店 | 燒蝦哈 |
|---|---|
| 地區 | 元朗 |
| 電話訂位 | 52638876 |
| 餐單 Menu | 港式, 燒烤, 串燒, 燒烤場 |
| 人氣指數 | 881 |
| 價錢幾錢 | $201-400 |
燒蝦哈訂位位於元朗區，詳細地址是元朗錦田錦莆路地下，餐廳寬敞座位數目共有未知幾多個。燒蝦哈幾錢？價錢優惠後人均消費大約$201-400埋單，早餐午餐晚餐燒蝦哈餐單包括有港式, 燒烤, 串燒, 燒烤場等美食，付款方式有現金付款，Booking網上訂位可以電話致電 52638876 查詢訂座。
燒蝦哈優惠
燒蝦哈 評價 相片
之前去曼谷已經好想試下非常出名嘅流水蝦，奈何去到現場發現衛生環境非常惡劣，攜老扶幼嘅我當然立即掉頭走，一直成為心中嘅遺憾。
最近發現錦田有個BBQ場，經營模式同曼谷嘅好相似，食嘅亦係泰國大頭蝦，當然要去會一會佢。
位置喺錦上路地鐵站附近，大概行五至六分鐘就到，旁邊係汽車維修場，招牌唔太顯眼，好容易行過龍，要小心留意。
食物選擇多元化，各式各樣嘅肉類、丸類、腸類同蔬菜菇菌應有盡有。
飲品方面有各款茶類、沙士汽水同清涼爽，如果有埋可樂雪碧之類就更好。
重頭戲當然係大頭蝦，隻隻生猛任夾，密度相當高，基本上瞌埋眼都夾到，店員仲非常好，教我哋睇邊啲有膏。
大頭蝦相當大隻，仲有大大對「拳頭」，望落好有攻擊性，每張枱都會有一桶冰水，帶住冰水出去揀蝦，一夾到即刻放入冰水入面凍暈佢，燒起上嚟都安心啲，而且感覺冇咁殘忍。
大頭蝦燒之前先剪去觸鬚，以免蝦未熟觸鬚就先燒燶。
蝦夠哂大隻，而且好多都有膏，味道香濃，唔知係咪同浸過冰水有關，肉質零舍結實彈牙。
雖然大頭蝦係主角，但其他食物質素亦唔錯，尤其是係醃肉，每一款都有自己嘅風味，唔會好似某啲燒烤場咁，隻隻肉食落去都同一種味。
咁多款之中我最欣賞嘅係羊架，加入香草調味，一放上烤網冇耐已經香氣撲鼻，羊架肥瘦適中，羊味香濃但唔羶，唔錯。
另外豬頸肉同雞翼亦醃得好入味，與此同時不得不大讚佢哋嘅環保炭熱力適中，冇明火亦冇炭屎，唔容易燒焦，燒出嚟嘅食物恰到好處，而且燒足成晚都唔使換炭，非常方便。
呢個BBQ場雖然地方唔算大，但勝在有游水生猛大頭蝦任食，食物質素唔錯，地點亦冇想像中偏僻，下次可以帶埋一家大細嚟擦餐勁！
係錦上路站行十分鐘左右就到，個場好大，有個停車場，方便d人揸車入嚟。
嗰日嚟嘅時候有少少雨，不過好彩佢係有瓦遮頭，所以落雨都可以照嚟食。
防疫期間，員工有帶口罩、有為客人量體溫。
都算食得可以放心。
首先，店員會將一桶大頭蝦到落去水缸（仲識游水好生猛！）畀我哋自己夾， 然後放喺冰桶整暈佢，之後再燒啲蝦就唔會好生猛咁跳黎跳去燒唔到。
大頭蝦隻隻都高質，都係有膏，鮮甜彈牙！聽聞係每日新鮮運送，難怪咁好食！ 隔離仲有個放鹽嘅盤可以蕪一蕪，然後再放上去燒變咗鹽燒大頭蝦。
除咗大頭蝦之外，仲有丸類如墨魚丸、牛丸。
仲有好多扒類，牛扒、豬扒、雞扒、雞翼、豬頸肉（好食！拎左幾次）。
如果想食菜都有茄子、白菜，但係啲菜真係好難燒，好易燒焦，如果有錫紙包住加牛油嗰啲就好。
另外一提係芝士腸好好食，但要小心d芝士爆出黎辣親個口。
甜薯都好食好甜，可惜今日見唔到多春魚，可能太早黎，未融雪。
飲品係任拎，有台式款類如仙草凍，不錯。
宜家去Facebook Like and Share就有8或9折🤣我當然都即刻share拎返個折，睇佢facebook好似仲有無蝦既自助燒每位$168，另加開爐費$50🤔我覺得要加埋環境同玩先抵，因為聖誕節黎既話氣氛好似會幾好，有棵聖誕樹同埋仲有好多其他野玩如桌球，但呢排疫情好似無開。
今日入咗元朗探朋友，朋友推介我們去燒蝦哈燒嘢食，於是同老公揸車過去食嘢😆地點近錦上路西鐵站，揸車仲有免費泊車，非常方便😻👍🏻大頭蝦即夾即燒，還附上海鹽可以炮製鹽燒大頭蝦🦐蝦肉飽滿彈牙，蝦頭仲爆膏，啖啖鮮味，亦推介點泰式酸辣汁，味道更惹味😋每枱仲送鮑魚，鮑魚超級大隻又新鮮，入口彈牙又鮮味，仲有送大大隻蚌，亦都非常好味😋不單只有任食的泰國大頭蝦，現場自助區還有超過20款燒烤食品任食，當中必食推介有自家醃製雞翼、秘製羊架、串燒牛柳粒、雞扒、燒菠蘿等🤤雞翼、羊架和牛柳粒醃得非常入味，燒完出嚟香噴噴，仲超級Juice😋飲品款式都超過10幾款，全部都係任飲😻店內設有多條流水蝦水道，放入了多隻泰國大頭蝦🦐隻隻都生猛新鮮😻仲超級大隻👍🏻燒烤地方係1樓，可以一路燒嘢食，一路欣賞大自然嘅景色😻餐廳使用環保炭，方便又環保，職員還時常還嚟反一反啲炭，相當細心😍出面還有幾款醬料可以攞，我非常推介泰式辣汁和羊架醬，職員話啲醬汁都係佢哋自己整，非常好味😻👍🏻呢到仲有桌球和波波池提供，一家大細嚟玩都唔怕悶🥰呢到環境好大，星期日嚟燒嘢食爆曬場，如果大家嚟燒嘢食記得Book位😘呢到啲大頭蝦真係超大隻仲好生猛，仲要任飲任食，性價比都好高😋
今日黎到錦田既燒蝦哈，聽個名都知道主角係蝦，有蝦缸比你任夾任燒泰國新鮮活蝦，另外亦都有吾同既燒烤配料、飲品同醬料任均選擇，兩小時任食呢度係自助形式，店員會為你準備一個燒熱左既炭爐，仲有盤同夾，就可以自助去攞配料黎燒啦😊講下主角大頭蝦，將活蝦夾起之後要放入冰桶雪暈，如果吾係佢地跳跳紮道好容易整親架啦，店員推薦我地加鹽燒味道更突出，將蝦頭啲蘇剪左之後就可以放係炭爐上燒，加左鹽既大頭蝦味道好鮮，肉質結實彈牙，蝦頭仲有好香既膏👍🏾有得頑又有得食燒烤配料方面有蔬菜、丸類同肉類，個人覺得煙鴨胸同雞翼都值得推介，雞翼有辣同唔辣兩種，味道都醃得適中吾會過咸，豬頸肉都爽口蔬菜方面三色椒同菠蘿都值得推介，係炭爐上面燒吾會容易燒焦又保留到內層既汁，食得多肉用黎解膩一流鍾意食蝦既朋友可以一試，而呢度揸車都方便，餐廳外面有空地泊車，無揸車既話係錦上路站行十分鐘都到，不過溫馨提示記得惹蚊既朋友仔記得噴定蚊怕水啦
一班單車友入了元朗踩單車，去完南生圍再入錦田既燒烤場BBQ，朋友話有任食大頭蝦同任飲，比較少見，所以大家都去試試。
一去到入返罐凍飲，好彩所有飲品都係任飲，大熱天時真係飲少啖水都唔掂。
場地唔似西鐵燒烤場咁大，但地點比較舒服，有山景望同埋好開揚及通風。
一開始緊係試下佢既大頭蝦，可能我們比較早，望住佢將一桶桶跳跳紮既蝦倒入魚缸，即夾即燒，特別有風味，而且大頭蝦每隻都充滿蝦膏，蝦肉結實，燒蝦都燒左幾轉。
厚切羊架都一定要試，燒熟後外焦內嫩，十分juicy。
其他豬扒、牛柳粒、雞翼、腸仔、雜丸及蔬菜都有，足夠食有餘。
值得一讚就個用炭燒焗熟食物，所以唔會燒到太燶。
燒蝦哈餐單提供港式, 燒烤, 串燒, 燒烤場等推介美食位於元朗區，餐廳座位數未知人均消費約$201-400，結賬可以用現金，Booking訂位可以電話致電 52638876 查詢。
您對於元朗餐廳「燒蝦哈」有何 comment？
燒蝦哈餐廳詳細資料：
- 燒蝦哈地址: 元朗錦田錦莆路地下 siu haa haa, G/ F, Kam Po Road, Kam Tin, Yuen Long
- 燒蝦哈電話: 52638876
- 燒蝦哈價錢: $201-400
- 分類: 港式, 燒烤, 串燒, 燒烤場
- 座位: 未知
- 付款: 現金
- FB專頁: 燒蝦哈 Facebook
更多燒蝦哈相關資料:
香港餐廳2026推介8月