渝林庭重慶小麵館 元朗

渝林庭重慶小麵館 評價 相片

細細間。

位置又係體育館旁邊， 有幾間酒吧夾住， 身為半個重慶人去食， 對比香港絕大多數主打重慶口味既店，無令我失望。

味道唔錯夠曬重慶口味，又夠辣夠麻而且價錢實惠。

👍 極力推薦！ 會再去食！！🙏 重慶酸辣粉 5星 咬落去唔似食開連鎖店個啲， 咬極唔斷 唔知做乜。

所有菜式都以叫左中辣 皆因全家都食得辣 又係重慶人😂. 重慶小麵 5星 加埋醋簡直係bonus 👍 土豆絲同其他小食價錢便宜 份量又夠。

酸菜魚未試打算下次去試埋 總共5樣野 4個人埋單先4百幾蚊... 抵到爛

難得搵到間地道嘅重慶小食，食左個 "川北涼粉"，地道、好食。

但其實我想入去食個$28嘅川北涼粉，入去叫一份涼皮，送上黎個陣已經奇怪點解有雞絲，但係我愚蠢，以為係佢本身有嘅，無出聲，只係拎左隻碗挑走佢（本人唔食肉），點知到買單個刻先先佢係落左$42嘅雞絲涼拌面，問店員，佢話得E款涼皮。

但係當我行番出舖，明明就有$28川北涼粉。

。

今日去到朗景台附近，呢間之前夜晚經過都好多人喺入面食嘢， 餓餓哋， 於是入咗去，🤔 應該唔會中伏嘅😜入到去濃沃辛辣氣味已經迎面咁撲埋離，精神為之一振， 令我諗起之前係國內食麻辣菜嘅味道😚店鋪細細， 坐位唔算闊落， 但設計上幾有中國特色，特別是盛麵的碗同調味器皿😍👍由於得一個人， 所以唔叫咁多🤭由基本功開始，叫做重慶酸辣粉一碗咁多啦😬重慶酸辣粉🍲$34.00第一時間飲湯先，幾正宗喎，由於叫咗小辣， 唔係太刺激，酸辣程度比例啱啱好👍入面有豆角、牙菜、酸菜、肉碎……特別係有好香脆可口嘅豆豆，要趁早食，腍咗口感就差咗啲啦🤭👩‍⚖ 味道幾正宗，下次會約埋酷辣嘅朋友叫多幾樣小菜，特別係酸辣魚🐟， 盡興盡快咁食😋ps~ 如果少啲味精更加好

我真係好鍾意食辣野，今晚同朋友食飯又想食麻辣野，朋友推介呢間係元朗嘅麻辣小店，佢試過呢度嘅酸菜魚麵話幾好食。

門面細細，好有中國特色嘅木框趟門，不過招牌冇燈，夜晚就可能有d睇唔清楚個名。

環境簡簡單單，冇乜裝修，有大概五至六張木枱。

當時夜晚九點幾已經冇乜人，唔使等位。

✨口水雞紅薯粉+蓮藕片🌶小辣👍🏾口水雞個汁好好味，可以撈埋落個湯度食，不過湯底本身都唔錯，紅薯粉都幾爽口✨麻辣雞絲涼麵🌶小辣👍🏾個汁好好食，可能落咗啲醋？有啲酸辣嘅感覺，加埋係涼面食落好fresh呢度嘅麻辣菜好似幾正宗，都幾似喺大陸食到嘅麻辣，店員都係講普通話，應該都係內地人，服務都OK。

最後埋單$136 ，雖然味道幾好，但兩碗面加一支豆漿黎講好似貴左少少！不過應該都會再嚟食👍🏾

第一次寫食評，酸菜魚麵，生魚算滑，湯底睇落好清，食落就好濃味,水煮牛肉麵個湯底一般，唔惹味，口水雞都青瓜正常，整間野食物味道其實唔差，價錢合理，但真係好多味精，食完好口渴，飲左幾支水都搞唔掂，幾好食都無用，無下次

渝林庭重慶小麵館餐單提供川菜, 四川, 粉麵, 米線等推介美食位於元朗區，餐廳座位數未知人均消費約$50以下，結賬可以用現金，Booking訂位可以電話致電 92482300 查詢。

您對於元朗餐廳「渝林庭重慶小麵館」有何 comment？

渝林庭重慶小麵館餐廳詳細資料：

• 渝林庭重慶小麵館地址:
  元朗馬田路38號怡豐花園地下4號舖
  Yu Lam Ting Noodles Shop, Shop4, G/ F, Yee Fung Garden,38 Ma Tin Road, Yuen Long
• 渝林庭重慶小麵館電話: 92482300
• 渝林庭重慶小麵館價錢: $50以下
• 分類: 川菜, 四川, 粉麵, 米線
• 座位: 未知
• 付款: 現金
• FB專頁: 渝林庭重慶小麵館 Facebook

更多渝林庭重慶小麵館相關資料:

• 渝林庭重慶小麵館分店
• Youtube
• Facebook
• Twitter
• Google