泰有米 泰越小廚 元朗

泰有米 泰越小廚 評價 相片

我天約咗朋友踩單車！由元朗踩入天水圍濕地公園然後屯門方向，去到洪水橋朋友話附近有一間食泰國粉麵出名所以就一齊去試！位置於柏雨花園附近！到達時大約2:00都要排隊第三張枱！生牛河＄36湯味夠濃牛肉嫩滑👍🏻😋😋春卷扎肉撈檬$38餐飲十＄5

果日揸車去探個朋友，之後個朋友帶左我地去食野！今次我地去左食泰國菜，原來尼度既廚師係正宗泰國人，所以啲餸菜會有番一定水準！開始第一道菜，先黎食個必食既生蝦刺身😍平時我好少食蝦，但見佢咁特別係泰菜，所以一於試下，好食唔再講，但食落就知係新鮮蝦，並唔係雪藏蝦，鮮味十足！第二道....馬拉盞通菜，其實好多地方麵有得食，但係由泰國廚師煮出黎，係唔同啲既，味道好好！第三道.....生菜包，一睇就知好足料，除左豬肉碎之外，仲有蝦肉、洋蔥，兩種質感食落口好正，而且味道唔會太咸，淨係食尼個都飽飽地😂最後食左一個....原隻菠蘿炒飯😍一睇就知滿到瀉啦！宜家外面好少會食到原隻菠蘿嫁啦，尼度竟然食到，而且仲好好味添！食完要飲下野既，一於點左個椰青，清清地，好滿足👍利申：原來一般泰國人煮既泰國菜係比較濃味既，尼度為左配合香港人既口味，特別將味道調淡，好有人情味！大家下次黎既時間，可以按個人喜好，要求味道調濃啲調淡啲！而且尼度老闆好好人，都會盡量配合大家既要求，但當然大家唔好太過份啦😊

天氣轉涼就會諗起火鍋，今日同男友2人就去試個泰國風嘅火鍋。

店內有3款湯底選擇，椰汁雞、喇沙同冬蔭功，我地就要左不常見的椰汁雞湯底同老闆介紹嘅泰式炒大頭蝦。

上菜快，唔洗15分鐘，大頭蝦出場，唔知仲以為係龍蝦，因為大細真係比酒店自助餐嘅龍蝦細少少，膏雖然唔算多，但係肉質爽甜，師傅煮得剛好，汁用黎點酥餅食到一半火鍋都黎啦，湯底眼見已經非常足料。

我地叫左A拼盤（肥牛，雞肉，丸，芝士腸，魚皮餃，生菜，金菇），下次可以試下海鮮拼盤。

湯底香甜，如果食得落一定要叫響鈴，烏冬吸湯，超正！！最後有甜品送，椰青大菜糕P.S.龍眼冰同芒果冰沙都幾好飲，因為最怕D XX冰好似半杯都係糖水咁~

元朗而家真係愈泥愈多野食，去完大棠玩之後，出返泥都已經好晏，所以就去左洪水橋果邊搵野食。

行下行下誤打誤撞就泥左呢間店啦！行左一日真係好口渴，所以點左個椰青飲，真係好正呀! 個椰青都好大，入面D椰子肉都好正，之前試過泰菜館飲椰汁，點知佢係用水沖出泥，真心好失望。

估唔到泥到元朗竟然可以有咁正宗椰青。

另外點了生菜包，肉碎有少少微辣，唔會太乾咁。

而且加左少少辣炒埋肉碎，真係好正。

不過略嫌有少少乾。

呢間店都幾特別，雖然好細，但係可以好彈性，下次打算叫多幾個朋友一齊泥食，因為仲有好多正野未試到呀

今日去完元朗行山之後，決定一於係元朗搵食啦！朋友住係元朗嘅，所以就帶我去左一間好有人情味嘅小店到啦！點了波羅炒飯，平時食開嘅波羅炒飯都會偷工減料嘅，大家都知係原隻波羅，但入面其實係無乜波羅，同埋無乜其他嘅料。

但呢度竟然調返轉，超深超足料，泰國人本身食開好咸嘅，但餐廳為左就返香港人嘅口味，專登係偏淡少少嘅，真係好貼心。

而平時食開嘅蝦都會好細隻同無乜蝦味，呢度嘅煮法仍然係保留到蝦味呀！另外，點了泰式生蝦做小食。

泰式生蝦應該都算係泰國餐廳必有嘅食物啦！而呢度嘅生蝦又大又新鮮，點樣知道新鮮? 就係食落去唔係冰鮮味啦小店應該係家庭式主理，因為非常貼心有愛，我地提出嘅要求都盡量幫我地做到。

真係好值得再去呀！

泰有米 泰越小廚餐單提供越南菜, 泰國菜等推介美食位於元朗區，餐廳座位數未知人均消費約$51-100，結賬可以用現金。

您對於元朗餐廳「泰有米 泰越小廚」有何 comment？

泰有米 泰越小廚餐廳詳細資料：

• 泰有米 泰越小廚地址:
  元朗洪水橋大街1號德祥樓地下22號地舖
  泰有米 泰越小廚, Shop22, G/ F, Tak Cheung Building,1 Hung Shui Kiu Main Street, Yuen Long
• 泰有米 泰越小廚電話:  
• 泰有米 泰越小廚價錢: $51-100
• 分類: 越南菜, 泰國菜
• 座位: 未知
• 付款: 現金
• FB專頁: 泰有米 泰越小廚 Facebook

更多泰有米 泰越小廚相關資料:

• 泰有米 泰越小廚分店
• Youtube
• Facebook
• Twitter
• Google