泰廳 元朗

泰廳 評價 相片

呢日諗住食泰廳，一黎到仲以為執左，原來搬左新舖～新裝修後舖面空間大左，裝飾擺設都好有泰國風味。

午餐好抵食，$50有找包野飲，唔夠食仲可以優惠價試食各款泰式小食估唔到呢個價錢有咁大份豬手，底下墊左芥蘭同鹹酸菜，有肉有菜之餘仲好開胃。

豬手肥瘦分明，豬皮部分滑嫩肥美，口感似啫喱，肉質偏瘦帶嚼勁，加埋八角味突出、鹹香十足既醬汁，好好送飯炒金邊粉同樣大份，唔同既係以雞肉代替平時既鮮蝦，唔食海鮮既人都食得，而且有啲肉食下無咁寡金邊粉唔會太油，加左大量韮芽同豆腐絲，香口得黎有口感。

小食都幾出色，蝦餅肉質紮實彈牙，春卷薄脆香口，雞串燒略嫌肥膏太多。

大菜糕口感爽滑，椰奶味重，清甜不膩，作為一餐既終結恰到好處

香茅豬扒飯嘅豬扒肉質夠腍、有啲乾身、不過啖啖瘦肉、啲汁又幾惹味同埋有微辣，應該有用胡椒之類嘅嘢醃過肉，但係完全無豬肉味(我就超中意佢無嘅)，整體來講都係OK啲，送飯超讚!椰汁涼粉冰啲椰汁好香，但係啲涼粉啲涼粉草味唔夠，又唔夠煙韌，質感似啫喱，好唔好就見仁見智啦。

不過，呢杯嘢原本20幾蚊，配餐只需加6蚊，都算唔錯架啦。

香葉肉碎煎蛋燴飯(中辣)嘅豬肉味唔算好強、唔係太辣、陣香味超強同埋完全唔覺得淡，真係送幾碗飯都得；賣相都幾吸引嘅，有好多種顏色。

千層糕好煙韌，唔算甜，但覺得有啲鹹味，件糕食完飯食都得。

整體來講，成餐飯都好ok架啦。

位置：3 / 5餐廳位於元朗大馬路近元朗廣場西站元朗站是但坐部輕鐵都到輕鐵係豐年路站落環境：4.5 / 5今次中午去到 坐爆一半場空間好闊 牆身有好多泰國相有部份重要去過 搞到有d掛住泰國味道：4 / 5食次叫左青咖哩雞飯 , 炒金邊粉 , 春卷青咖哩陣味好香 好似泰國既杯麵 撈落飯食 一流 掂啊炒金邊粉我就覺得有d乾 不過酸酸地 好開胃 炒到好有獲氣春卷炸到脆卜卜 太熱啦 熱親條利幾香既 推薦食重有杯龍眼水 好清甜 好純 比我想像中無咁甜 不過我鐘意價錢：4.5 / 5價錢黎講 我覺得幾平 幾平民價學生重有得平 提提大家 呢到只收cash

因為好久未食過泰國野，所以今日下午茶來泥間泰廳試下。

三點幾時間去到，不用等位。

其實距本身有下午茶餐，有湯粉同野飲，但我地想食其他，所以係主餐牌點。

點左生蝦，串燒，炒通菜，冬陰功湯同飲品。

生蝦上台係用杯每件裝住，有d賣相，但其實沒冰擺係底，食落口覺麻麻。

冬陰功湯唔夠酸。

其他食物就不過不失啦。

最後買單都要三百幾，下次都係叫返下午茶好過喇

預早一星期訂座，訂了六點半，突然餐廳因父親節要改六點時段，因此被除消訂座。

唯有再訂，改左六點。

當日下午兩點左右，餐廳有位女士致電double confirm 訂座情況，我話六位大人，一個bb車。

店員話bb車會唔會摺埋。

我話bb太細，唔可以收車。

當晚到了餐廳，座位太窄了，跟本無預留足夠空間讓bb車進入。

不過好彩，因為私人原因，我用揹帶揹住bb，無帶bb車出嚟。

都可以坐入去照食。

之後我詢問收銀員是否有青口送。

她告訴我：「你訂7位，但係bb唔計，所以無得送」當時只係奇怪點解下午你致電時無講bb唔計呢。

當時覺得算數啦，無再理，無番查open rice的coupon 。

完餐後，我問收銀員, 收唔收卡。

佢竟然對住我個妹話唔收卡。

細聲得只有我妹一個人聽到，唯有妹妹轉告我唔收卡。

這是何來的禮貌！我明明對住佢講野,你卻不屑回答我嗎？今朝打開open rice ，竟然又被除消訂枱。

明明消費左$712，貴店當我無出現過嗎？之後再發現原來消費滿$400就送青口。

那麼表示店員昨晚是說謊還是善忘呢？我不以評論！收銀員服務態度：請各位自行評價！

泰廳餐單提供泰國菜等推介美食位於元朗區，餐廳座位數未知人均消費約$51-100，結賬可以用現金，Booking訂位可以電話致電 24770988 查詢。

您對於元朗餐廳「泰廳」有何 comment？

泰廳餐廳詳細資料：

• 泰廳地址:
  元朗青山公路元朗段234-242號福德樓地下5號舖
  Thai Ten, Shop5, G/ F, Fook Tak Building,234-242 Castle Peak Road, Yuen Long
• 泰廳電話: 24770988
• 泰廳價錢: $51-100
• 分類: 泰國菜
• 座位: 未知
• 付款: 現金
• FB專頁: 泰廳 Facebook

更多泰廳相關資料:

• 泰廳分店
• Youtube
• Facebook
• Twitter
• Google