超羣麵包西餅 太子

超羣麵包西餅 評價 相片

長期都好多人買嘢餅店 最出名最受歡迎應該係椰撻 屋企人都成日買今次見芝士蛋糕做優惠 $35/2個買咗2隻味 一個係南瓜 一個係雙重芝士Size係迷你嘅 但係可以一切8件 同人分享 自己食半個又唔太膩或者甜🎃南瓜嗰個上面有南瓜籽既🧀芝士嗰個上面有芝士粉🍰蛋糕質感幾鬆軟 不過我雪咗 所以硬咗少少 味道上面就幾香芝士味嘅 同時又唔過份濃最特別係中間有舊好似好似硬芝士咁 個底有層餅所以中間位實啲雖然未至於好好食嘅芝士蛋糕 但係依個價錢黎講算唔錯可以滿足吓甜品癮😋

每次去花墟買花，最後總會行落去超群.兒時最多接觸嘅西餅店，就係超群，果種牛油味成為兒時回憶，所以知道太子有分店，繼續支持落去幫襯.由於雞蛋仔唔係我杯茶，又多人排隊買，再加上雞批出色，所以每次最少買兩個.雞批最出色在於佢嘅外層，食過不少雞批，外層總係入哂氣潮哂，唔夠乾身唔夠脆，食落好胡口，超群嘅外層，入口夠乾身，甚至有種食曲奇餅嘅感覺，所以即使價錢唔平，但都無阻繼續幫襯.雞批餡料足，無偷工減料，滿分.可惜蛋撻無提供我中意嘅酥皮，但老婆中意牛油皮，所以買多個俾佢，最驚訝係，老婆放工返屋企食，已經係三個鐘后嘅事，個蛋撻蛋醬部份完美無下陷仍然飽滿，唔似其他餅店嘅蛋撻，轉頭中間已經出現裂痕下陷，讚！總覺得超群D蛋撻比較大個D,可能係我錯覺吧！

店舖位於花園街，附近都係賣花嘅舖頭，每次經過都逼滿人，店舖環境較細。

入去兜咗圈😆，睇中呢款牛油曲奇。

因為我勁鐘意食好重牛油味既曲奇，所以揀咗招牌牛油口味，買咗半磅一試，拎到返屋企搵個磅量咗連包裝有238克重，比半磅仲重咗啲啲。

味道上令我好失望☹️，唔係我想要嘅味道，明明我係買牛油味曲奇，但竟然一啲牛油香都冇😩？相比牛油味，食落蛋味更濃，曲奇設計成貝殼形狀，size比起一般曲奇要大粒啲，一口咬落無論鬆化度、酥脆度都屬一般，所以整體而言真係好普通既曲奇，要稱得上招牌還差一點距離🙄。

我認識超羣麵包店係熱賣紫薯撻開始，自此之後我每逢假日喺旺角花墟買完花就會嚟呢度，剛好每次都撞正有新鮮出爐嘅芝士蛋糕，超吸引！佢有分大小size ，今次我買左迷你版 $30 2個，蛋糕帶微微濕潤，口感實在，唔係空氣感個種，同時散發出淡淡芝士味，我自己就算一次過食半個都唔會覺得膩，當小食放喺屋企真係唔錯😋

每次行花墟都會經過這間餅店，新鮮出爐的蛋糕香氣四散，確實很吸引，有時沒有買係唔想行街攞住個蛋糕咁麻煩。

今日唔使行街買完直接回家，於是就買左條朱古力雲石蛋糕。

店員問要唔要切開一件件，我話好，方便食用。

整條蛋糕沒有用膠盒盛載，原條放入膠袋拿走。

蛋糕很鬆軟，面層有朱古力粒粒，內層有不規則的朱古力條紋，像一片雲石塊，底層朱古力味更濃郁，味道不會太甜，蛋糕有很香的牛油味，吃上一口令人感覺愉快。

超羣麵包西餅餐單提供港式, 麵包店等推介美食位於太子區，餐廳座位數未知人均消費約$50以下，結賬可以用Visa,Master,現金,八達通，Booking訂位可以電話致電 23092608 查詢。

您對於太子餐廳「超羣麵包西餅」有何 comment？

超羣麵包西餅餐廳詳細資料：

• 超羣麵包西餅地址:
  太子太子道西182號金寶樓地下A舖
  Uncle Fong by Maria's, Shop A, G/ F, Cambo House,182 Prince Edward Road West, Prince Edward
• 超羣麵包西餅電話: 23092608
• 超羣麵包西餅價錢: $50以下
• 分類: 港式, 麵包店
• 座位: 未知
• 付款: Visa,Master,現金,八達通
• FB專頁: 超羣麵包西餅 Facebook

更多超羣麵包西餅相關資料:

• 超羣麵包西餅分店
• Youtube
• Facebook
• Twitter
• Google