泰好味 元朗

泰好味 評價 相片

平時我都唔會寫食評，今次真係忍唔住要打一生人第一次劣評！大家入到黎元朗真係唔好食呢間黑！ 店！今晚我就同10幾個朋友諗住平平常常食餐飯啦，點知......首先，餐牌從來無寫過有加一服務費，但無啦啦去到埋單果陣話要收。

同埋，服務又唔係好，都無乜點serve過我地10幾人，我地張枱咁多人，要我地每個人自己傳菜落自己位，如果係收服務費，咁就唔該serve得好啲啦！好，咁我地俾！咁都算！！仲有，我地話埋單果陣，佢俾張寫泰文嘅我地睇，我從來未食過一間餐廳係咁，一句到尾擺明想昆水啦之後，仲未完，去到埋單果陣，先話臨時加價，又話menu個價錢唔啱。

想點呀，究竟你地有幾多個餐牌？如果係嘅，餐牌就唔好寫價錢呀笨🙄🙄🙄無良餐廳！不可一！不可再！！

基本上無咩評語，一樣家常便飯。

味精多了點。

馬拉盞炒西蘭花🥦一般，冬陰公炒公仔麵味精重了點，冬陰公魚ok，細的泰式拼盤算最出色幾好。

整體服務滿意，坐位舒服。

其實元朗有好多選擇的⋯⋯

睇完牙諗住食返餐好，行左一陣見到呢間有泰式奶茶就入左去，加上都唔小人係入面食緊都覺得應該ok啦⋯兩個人食飯真係叫唔到好多，叫左泰式馬拉盞炒豆角同九層塔炒麵，當然唔小得泰奶茶～先黎個豆角，其實無咩特別，係油同咸左啲，豆角質感都適中既。

再黎個炒麵，嗯？餐牌明明話係flat noodle，flat左去邊？是咪又係我理解錯誤，flat其實唔係寬咁解？加上佢炒得唔係特別好，可能叫返pad thai會好啲杯奶茶同佢送果個甜品無味既，相都費事影，今次用iPhone 影喳，啲質素咁真係相機都懶得拎出黎。

最重點係咩？係我見到個待應呀姐一手叉落碗白飯到拎走粒污糟野然後碗飯直接比個客，而呢位呀姐幾秒前先執完枱黎⋯但願果位客人沒有肚痛

同朋友係元朗行左好耐都唔知食咩好，就有個朋友推介泰好味，抵食又正宗。

去到唔洗等位，有2層，都幾寬敞。

啲店員全部都係泰國姐姐朋友不斷話個生蝦刺身好正，一定要食。

一碟都有12件，蝦肉好爽口同有啲甜味，好新鮮，點埋個汁，酸酸辣辣叫左個小食拼盤，蝦餅好脆口，真係叫到有粒粒蝦肉，雞翼個皮太硬，好難咬冬蔭公湯好正！酸辣岩岩好，仲好足料，好多隻大蝦，幾個人都飲唔曬，熱住上，有時中間個火仲會燒到上黎菠蘿炒飯比較失望，無咩味又唔夠香，可能火喉唔夠，加上又凍凍地，同普通炒飯無咩分別。

雞同豬肉串燒12蚊一串，但係都幾大串下，仲有唔同既汁比我地點，雞肉幾嫩，但豬肉就有啲熟過頭最後個燒烏頭，個咸度岩岩好，肉質都好嫩！重點係好少骨，啖啖肉！椰青都夠甜，有食埋啲椰子肉好貼心既係仲有大菜糕甜品送！令到成個晚餐都好滿足

夜晚去食 見到唔使排隊 八點鐘都仲有好多位於是就入去食下 一去到見到周圍嘅環境其他食客人食緊嘅菜式 就知道瀨嘢我第一重叫咗六個餸 第一個就係山下次生第二個冬陰功湯 蒜蓉包 菠蘿炒飯 嗌咗個生菜包 同埋叫咗個豪仔蛋想睇嘅時候一啲都唔似食泰國餐嗰啲餸好似喺屋企煮出嚟咁樣無論嗰啲擺設同埋佢嗰個衛生程度都非常之差 個冬陰功湯除咗得個辣字之外我下個妹嘅裸湯就過份酸非常之難飲 蒜蓉包可以接受但係都係用料太少冇乜香味 菠蘿炒飯即係全部都係炒飯有啲雜豆菠蘿同埋有啲蝦仔 生菜包ok嘅 蠔仔煎蛋個號係send嘢好難食 最後有兩杯青檸梳打除咗我哋飲到嗰個檸檬嘅味之外係冇味道嘅 總括食完今次之後下次係唔會再嚟😔😔😔

泰好味餐單提供泰國菜, 咖喱等推介美食位於元朗區，餐廳座位數未知人均消費約$101-200，結賬可以用現金。

您對於元朗餐廳「泰好味」有何 comment？

泰好味餐廳詳細資料：

• 泰好味地址:
  元朗大陂頭徑2-12號華盛樓地下E號舖
  Chalida Thai Food, Shop E, G/ F., Wah Shing Mansion,2-12 Tai Pei Tau Path, Yuen Long
• 泰好味電話:  
• 泰好味價錢: $101-200
• 分類: 泰國菜, 咖喱
• 座位: 未知
• 付款: 現金
• FB專頁: 泰好味 Facebook

更多泰好味相關資料:

• 泰好味分店
• Youtube
• Facebook
• Twitter
• Google