水圍車聚餐館 元朗

水圍車聚餐館 評價 相片

估唔到圍村臨然有日本餐廳，估唔到仲好有水準，簡直大件夾抵食！壽司🍣大大件，即叫即整用料夠新鮮，好好味😋芝士年糕上枱時候熱辣辣，咬開有滿滿嘅流心芝士😍個蠔好脆架雞軟骨份量都好多，炸粉好薄。

蟹膏帶子炒飯（入面有好多粒珍珠帶子，食落都有微微嘅蟹膏味）不過餐廳嘅座位比較少（有室內同室外），如果可以就最好訂枱啦。

話說呢間鋪開係大棠個頭。

元朗市既人好少會入黎所以呢間野一d都唔出名作為一間小店作既質素不過不失呢個係火灸set$59蚊。

之前有湯送，不過個人黎講唔太好湯所以次次都叫佢唔洗比/飲一兩淡就算所以宜家都好似無左湯送佢近期既餐個六件玉子卷改左做三件加洲卷個人覺得加洲卷仲好食佢唔係火灸既壽司set其實只係$49所以我食過一次火灸之後都覺得普通set抵d首先佢既烏冬係快熟煮個隻（因為我見過叫左一個餐之後佢拎左一包入廚房）壽司個飯就可以進步d因為飯同飯黏得有d實食左落口分唔到一粒粒飯應該係醋既比例多左少少同埋個溫度唔夠好不過坦白講$49蚊其實已經好平。

醫肚一流佢出面仲有幾個車位

我本身係住附近的~其實早係幾個月前,已離遠見到村口遠少少有間食店開張左~但因為唔係返屋企會經過嘅地方,所以一直都冇專登行過去望(雖然好近)。

呢日星期日放假, 想出村口食野~突然諗起佢, 決定行去望一望係食咩的其實佢係一間村屋地下嗰層。

原來佢係食日本野的!仲有SET LUNCH呢!就去試試佢!佢呢度下午時段有好幾個唔同SET LUNCH~價$一D都唔貴, 仲幾親民添!我地兩個人就叫左個火灸壽司拼盤同鰻魚火腿蝦飯。

兩個set都跟一個湯~好搞笑地係中湯來。

味道都ok。

火灸壽司拼盤 ($55)$55來講真係幾抵呀!有火灸三文魚, 鰻魚, 墨魚,蟹棒, 熟蝦, 八爪魚, 仲有3件加州卷!味道都唔錯呀!幾好食的!cp價高!仲未完嫁! 佢仲跟一個湯烏冬!一定夠晒飽!鰻魚火腿蝦飯 ($45)呢個又係抵食!而家出面仲有幾可鰻魚飯仲可以$40幾蚊埋到單丫!舊鰻魚都要都幾大舊!味道, 正常啦~但真係好抵食!仲要唔洗加一嫁埋單!以後我地兩條友放假,又唔想搭車出市中心食野,就來呢度食多d啦

家住附近，很早已留意到此餐廳，可是很多次都是星期六日午飯時間經過都不見她開門，今天見她們終於開午市了！餐廳內位置不算很多，但坐位舒適，冷氣亦非常足夠！午市套餐有A至F餐，價錢$38$55，包餐湯及熱玄米茶~餐廳沒有水吧，紙包及罐裝飲品跟餐加$2 ~我們點了壽司拼盆($45)及火炙壽司拼盆 ($55)，配烏冬。

壽司是即叫即做，很快送到，想不到烏冬份量挺多的。

湯底是豬骨湯，配上一些海帶作為配菜，烏冬挺彈牙，整體味道不錯。

壽司拼盆份量亦多，小卷還有四款可選 (玉子，蟹柳，青欣或黃瓜) ，款式及質量都不錯~以這價錢及質素，在村附迎算是非常不錯的選擇！一定會多多支持！

第一次試左鰻魚炒飯，芥末八爪魚軍艦，火㶤三文魚😋😋😋第二次試左吉烈蠔，火㶤芝士加州卷，三文魚刺身，青瓜卷等等（掛住食無影相）全部食物都好新鮮好好味。

呢間餐廳真係大棠居民解決晚飯既不錯選擇。

食完行返屋企好方便。

門口仲有地方可以泊車，開車亦都好方便！室內裝修都幾靚！

水圍車聚餐館餐單提供日本菜等推介美食位於元朗區，餐廳座位數未知人均消費約$101-200，結賬可以用現金，Booking訂位可以電話致電 34891090 查詢。

您對於元朗餐廳「水圍車聚餐館」有何 comment？

水圍車聚餐館餐廳詳細資料：

• 水圍車聚餐館地址:
  元朗大棠道水蕉老圍196號地舖
  水圍車聚餐館, G/ F,196 Shui Chiu Lo Wai, Tai Tong Road, Yuen Long
• 水圍車聚餐館電話: 34891090
• 水圍車聚餐館價錢: $101-200
• 分類: 日本菜
• 座位: 未知
• 付款: 現金
• FB專頁: 水圍車聚餐館 Facebook

更多水圍車聚餐館相關資料:

• 水圍車聚餐館分店
• Youtube
• Facebook
• Twitter
• Google