正品小廚 元朗
最後更新:
正品小廚推介
完全比個炭爐呃左!平時行過, 見咁多人食, 食物又香, 尋日晚飯時間行過, 又唔洗等位, 就坐低食~一睇餐牌原來沒什麼小菜食, 串燒多數都係$8, 以為好平, 豬牛羊雞魚豆瓜各2串!食物來到已經唔對路, 有冇咁細串~ 個爐燒極都唔起, 已經有點唔耐煩!點知小菜又遲遲都唔到, 見廚房有野出, 伙計就對住碟餸問每檯有冇叫呢個餸, 完全冇系統!一行四人叫左4個餸, 1012件串燒:豬牛羊雞串燒 燒完如豆豉般細粒, 落左D辣粉, 只食到辣味完全食唔出邊串係豬牛羊雞!!秋刀魚燒 最抵 $10, 入得口矮瓜燒 NO COMMENT四季豆燒 賺死佢, $8 一串, 一條原長既四季豆都長過佢!!黃金豆腐 還可以炒規 味OK, 冇肉回鍋肉 得辣味茶葉雞 凍, 苦, 黑色大家一路食一路忍! D串燒燒完出來都唔見肉, 細粒到有如豆豉!望下張單, 只係串燒都已消費$116啦!最後果碟茶葉雞燒到黑色又凍又苦, 一人食左一舊忍唔住叫伙計自己埋來食!結果果碟野冇收我地錢! 埋買TOTAL $361! 貴到冇人有, 一人90蚊, 根本冇食過咩落肚!都係果句, 假期係元朗食野, 如果唔洗等位, 千萬唔好去食!! 原來真係有原因!!!本人平時好少寫食評, 真係忍冇可忍, 不得不分享!!
元朗正品小廚
| 餐廳分店 | 正品小廚 |
|---|---|
| 地區 | 元朗 |
| 電話訂位 | 沒有電話提供 |
| 餐單 Menu | 京川滬, 海鮮, 中菜館 |
| 人氣指數 | 809 |
| 價錢幾錢 | $101-200 |
正品小廚訂位位於元朗區，詳細地址是元朗馬田路30號安寧大廈地下2號舖，餐廳寬敞座位數目共有未知幾多個。正品小廚幾錢？價錢優惠後人均消費大約$101-200埋單，早餐午餐晚餐正品小廚餐單包括有京川滬, 海鮮, 中菜館等美食，付款方式有現金付款。
正品小廚優惠
正品小廚 評價 相片
完全比個炭爐呃左!平時行過, 見咁多人食, 食物又香, 尋日晚飯時間行過, 又唔洗等位, 就坐低食~一睇餐牌原來沒什麼小菜食, 串燒多數都係$8, 以為好平, 豬牛羊雞魚豆瓜各2串!食物來到已經唔對路, 有冇咁細串~ 個爐燒極都唔起, 已經有點唔耐煩!點知小菜又遲遲都唔到, 見廚房有野出, 伙計就對住碟餸問每檯有冇叫呢個餸, 完全冇系統!一行四人叫左4個餸, 1012件串燒:豬牛羊雞串燒 燒完如豆豉般細粒, 落左D辣粉, 只食到辣味完全食唔出邊串係豬牛羊雞!!秋刀魚燒 最抵 $10, 入得口矮瓜燒 NO COMMENT四季豆燒 賺死佢, $8 一串, 一條原長既四季豆都長過佢!!黃金豆腐 還可以炒規 味OK, 冇肉回鍋肉 得辣味茶葉雞 凍, 苦, 黑色大家一路食一路忍! D串燒燒完出來都唔見肉, 細粒到有如豆豉!望下張單, 只係串燒都已消費$116啦!最後果碟茶葉雞燒到黑色又凍又苦, 一人食左一舊忍唔住叫伙計自己埋來食!結果果碟野冇收我地錢! 埋買TOTAL $361! 貴到冇人有, 一人90蚊, 根本冇食過咩落肚!都係果句, 假期係元朗食野, 如果唔洗等位, 千萬唔好去食!! 原來真係有原因!!!本人平時好少寫食評, 真係忍冇可忍, 不得不分享!!
沒有睇過介紹, 只係泊完車咁0岩經過見到呢間野由於間野0係門口擺左幾張檯, 0的人坐晒出門口燒爐, 行過0個陣見到有自助炭爐燒, 陣陣香味.再睇下個價錢牌, 大部份肉類都只係 8 蚊串, 睇落唔貴, 於是就決定坐低試試間野除左有炭燒爐之外, 亦有有潮洲打冷, 我們 (2 人) 就叫左 12 串野 (豬牛羊雞樣樣有0的咁啦, 仲有一條秋刀魚).再加一碟菜. 爐是免費提供的, 不另收費. 見到實物, 有少少失望, 因為 SIZE 實在太細, 比平時放題0個0的仲細串, 並非我想像中 "掃街" 那種 SIZE. 如此計算, HK$8 並非一個便宜的價錢, 最抵反而係條秋刀魚 $10 only.0的串燒冇乜點醃, 較淡口. 雖然個爐真係用炭燒, 但燒出黎冇乜炭味, 唔知點解, 同沙田0個間廣東人小廚有點距離 . 反而碟通菜就炒得幾 OK , 兩個人埋單 $140 (無叫野飲), 如果係諗住食好野, 呢間會有點失望, 但若果係諗住搵地方坐下消磨下時間傾下偈, 還可以的.
一家四口來到呢間新開的小菜館。
人不多，店面乾淨，擺設簡單，好有住家飯的感覺。
其實都唔知呢間野系食o羊架。
打開MENU， 好SURPRISE， 因為，大江南北的菜式多有，但系就以上海菜，四川菜為主， 有D菜名聽都未聽過， 幾有私房菜的感覺。
為食的我 MENU 上的每道菜我都想食。
哈哈！ 價錢好抵－－花旗參雞湯都只系28蚊，牛尾鍋 70 蚊有找。
我地最後就決定先試一D 比較 考工夫的菜。
一共點了五道菜－－1。
巧手蒜泥黃瓜－－ 一上枱就看得出師傅的刀工。
平時d 拍黃瓜都系一大舊一大舊上枱ga ma。
但系呢度D 黃瓜就切成螺旋型－－ 咬下去口感特別好。
黃瓜新鮮清脆，調味調得剛剛好，既唔會蓋左瓜的鮮味，又唔會淡貿貿。
LIKE！2。
古法牛尾鍋－－ 好大碟！無想到＄68 會咁大鍋。
不過，唔好食的話，大鍋都無用啦。
但系呢，呢個牛尾鍋系超好味羅！我平時好怕食牛尾都忍唔住食完又食啊。
個汁真系好特別－－系我未食過的味，送飯一流！3。
至尊龍皇金沙－－聽個名真系估唔到系o羊來的。
但店員大力推薦，又話唔系度度有得食，就決定試一試。
原來，龍皇就系九肚魚， 金沙就是我最愛的鹹蛋黃。
呢個餸好惹味， 但一定要即刻食， 如果唔系，凍左就食唔到哥種外脆內軟的口感，鹹蛋黃亦會流失。
鹹蛋黃蝦 （黃金蝦） 我就食過啦，今次呢個配搭就真系無試過o勒。
4。
香酥黑醋排骨－－ 好CRAZY ！ 58蚊， 但系我地每人都分到最少兩舊來食。
我男朋友唔多鍾意食酸野架，但系今次都無投訴－－ 酸，甜度都適中。
我好唔鍾意炸排骨D 肉成日都好 “鞋”－－ 今次呢個就唔會有哥D食緊紙的感覺。
正！5。
尖椒皮蛋豆腐－－ 有無食過全隻透明的皮蛋？ 我無！ 我從來無諗過皮蛋同豆腐個味可以咁夾架。
真系好驚喜，好得意。
必試！食到肚都爆，埋單啦。
＄300 多D 搞掂。
天啊，咁的QUALITY, 咁的 價錢－－ 我好痛恨自己住得遠啊。
。
可唔可以來港島開分店啊？走哥陣，我阿哥講左句： “希望下次來唔駛等位啦。
” 。
。
我直覺話我知， 下次再來，呢間小廚會好多人，變成另一間長期要排隊的私房菜。
建議有興趣試呢間野的， 快D去試啦。
唔系第日唔知要等幾耐先有位啊。
HAPPY DINNER！！！！！ HIGHLY RECOMMENDED!!!!!!!!!!!!!!!!!!!
正品小廚餐單提供京川滬, 海鮮, 中菜館等推介美食位於元朗區，餐廳座位數未知人均消費約$101-200，結賬可以用現金。
您對於元朗餐廳「正品小廚」有何 comment？
正品小廚餐廳詳細資料：
- 正品小廚地址: 元朗馬田路30號安寧大廈地下2號舖 正品小廚, Shop2, G/ F, On Ning Building,30 Ma Tin Road, Yuen Long
- 正品小廚電話:
- 正品小廚價錢: $101-200
- 分類: 京川滬, 海鮮, 中菜館
- 座位: 未知
- 付款: 現金
- FB專頁: 正品小廚 Facebook
更多正品小廚相關資料:
香港餐廳2026推介8月