東喜茶 元朗

東喜茶 評價 相片

今日路過又新街發現元朗間東喜茶已經結業~~~上星期二我收工路過見到東喜茶半價，所以幫襯，當試新野~~~店內有可愛的圖畫教點飲芝士奶蓋飲品~~~第一次我買芝士桂花烏龍奶蓋，芝士奶蓋味道幾好飲，但下面個茶就感覺幾淡口，可能係叫凍飲啦~~~去到上星期四我再去多次光顧~~~呢次我叫咗熱的芝士烏龍紅了~~~分開飲會飲到奶蓋的芝士味和烏龍茶原有的味，但下面的烏龍茶比較熱，所以我就用飲管攪拌來飲，味道幾好飲~~~在元朗呢類的飲品店差不多有一間在左近，競爭越來越大，但我們又唔可以日日飲這些甜的飲品，所以只能靜靜觀看最後有那些可以經營超過一年~~~

呢日下午食完好辣嘅野, 條脷好似畀火燒咁, 拿拿林去買杯野淋熄D火先我去左 東喜茶!東喜茶喺又新街都開左一排了..我都未試過~因為又新街太多飲品店了..分薄左 所以未算係好多人, 唔洗等好耐~飲品大都分為茶, 奶茶, 水果茶同芝士水果飲品。

而我, 熱愛芝士奶蓋,最後揀左芝士桑莓~ 落完單就等叫no拎飲品, 店內仲有2張長椅, 客人可以坐低等叫no呀~芝士桑莓 ($48)上層係芝士奶蓋,下面係生果smoothie來的~係桑莓同士多啤梨smoothie~飲得出係新鮮生果整, 唔係藥水味來的~味道唔錯~ 酸酸甜甜的!芝士奶蓋身為一個芝士奶蓋怪, 我覺得佢個芝士奶蓋嘅份量少左d..薄左d.然後, 奶蓋係ok嘅,只係ok囉~ 唔係話好出色, 但亦一d都唔差~我覺得芝士味唔夠濃..(相比起我之前飲過其他店的)總括, 味道ok, 但唔係話好出色~加上要$48, 其實都幾貴..間唔時口痕飲下都ok的~

😋元朗東喜茶買一送一(限時優惠)人人都飲生果茶，就等我試下飲珍珠奶茶啦！珍珠奶茶☕️味道原來都唔錯牛奶和紅茶的比例適中。

重點係又唔甜(冇特別叫少甜)至於珍珠都好有咬口同彈牙。

珍珠並不是普通的珍珠，而是自製不甜的珍珠！大家不妨一試😋

今日又去左增肥！一杯甘香甘滑嘅布蕾奶茶我相信一定落左勁多cream!都係個句元朗開左好多好多間飲品店，但我真係唔太鍾意淨係得珍珠奶茶，所以有一d好似好出名個d,我反而冇咩衝動去幫襯。

呢間東喜茶門面係靚嘅，鍾意影相打卡嘅佢都set左好多唔同嘅位置俾大家，本身想試芝士系列，但極愛甜食嘅我發現到有布蕾奶茶！就決心一試。

成品冇廣告相甘靚，不過都預左嘅，有圖未必有真相。

雖然個成品睇落唔算出眾，但入口又出奇地ok wo!布蕾其實即係蛋糕味，再簡單d即係奶油忌廉，知道真相後就算好好飲又會有幾多人去飲呢？🙈

［係芝士奶蓋呀💓💓］Yahoo做緊團購，$28買到$35現金券，比平時單買抵食！！.#桃子小姐 $39 張相好pink好吸引～實物接近玉色🍑桃子小姐用左好多蜜桃，配上綠茶，感覺幾清香！💦 #芝士火火 $42 🌸火火其實係火龍果黎，顏色好鮮豔，火龍果味香甜，沙冰手打得奶細，奶蓋都幾重咸香!!______________________________📸#東喜茶地址：元朗又新街725號元新大廈地下3及10號舖.

東喜茶餐單提供台灣菜, 台式飲品等推介美食位於元朗區，餐廳座位數未知人均消費約$50以下，結賬可以用現金，Booking訂位可以電話致電 52711142 查詢。

您對於元朗餐廳「東喜茶」有何 comment？

東喜茶餐廳詳細資料：

• 東喜茶地址:
  元朗又新街7-25號元新大廈地下3及10號舖
  HEERETEA, Shop3&10, G/ F, Yuen San Building,7-25 Yau San Street, Yuen Long
• 東喜茶電話: 52711142
• 東喜茶價錢: $50以下
• 分類: 台灣菜, 台式飲品
• 座位: 未知
• 付款: 現金
• FB專頁: 東喜茶 Facebook

更多東喜茶相關資料:

• 東喜茶分店
• Youtube
• Facebook
• Twitter
• Google