春風撞奶舖 元朗

春風撞奶舖 評價 相片

第一次嚟呢到 係yoho mall同元朗交通廣場中間 位置方便易揾 我夜晚去都唔洗排隊 員工手腳好快 等咗2至3分鐘就有得飲啦 叫咗金蛋烤布蕾黑糖撞奶 好似張相咁 個容器係蛋型 都幾有趣 揸住行仲好多人望住同問我係咩嚟 員工會問嚟需唔需要蓋 飲唔晒就可以扭實個蓋放落袋 夠方便 重點係飲完 可以循環再用 裝小物 整甜品都得講返杯嘢飲 賣相吸引之餘 一飲落去 口感相當厚實 唔同坊間黑糖撞奶咁好水 所以呢杯金蛋烤布蕾黑糖撞奶相對係飽肚 tea time飲就正啦 可以止口痕 而且可以比你調整冰量 可以少冰 但為咗保持飲品既質感 係唔可以走冰既 呢點要留意啦 飲落去 除咗厚實 珍珠大小適中 唔係細珍珠嚟 而係稔既中size 黑糖味好重 我個人鐘意甜嘢 就好鐘意佢呢種黑糖味下次經過必飲，再試下其他口味！

係元朗美食FB group，出哂名好伏，但個個都爭住去中下伏先甘心嘅，就係之前好多人排隊嘅春風撞奶舖！依家閒日夜晚，無人排隊，叫左杯黑糖青蛙撞奶～Um...好似飲梗淡奶水撈黑糖珍珠，無失望因爲本身就抱著中伏心態哈哈！

一直都好想試春風奶的飲品，無奈成日都好多人又排哂隊，心想下次又下次一定要買嚟飲，打下咭！今日使出無比嘅耐心，终於買左杯最近好hit 既金蛋烤布蕾黑糖撞奶$42賣相簡直係 Very good, 個人鐘意飲黑糖茶，又鐘意飲芝士奶蓋，呢杯飲品直頭係 perfect match首先面頭有炙過嘅黑糖，類似葡撻咁面頭有片焦糖，脆脆地。

飲第一啖有好濃沃嘅奶+芝士味，好creamy ,我覺得咁嘅甜味道好啱我。

再食下D黑糖珍珠，煙煙韌韌，好有咬口，攪下成杯飲品，就會飲到好香嘅奶味、芝士味及黑糖味，有哂3種享受！個金蛋杯洗乾淨仲可以要嚟裝D小物件，一舉4得

繼之前飲左佢地間姊妹鋪春風三月之後，好有衝動想飲埋呢間，究竟係有咩動力可以令到佢地開咁多間鋪，究竟係佢地出品好飲，定係普羅大眾嘅要求唔高呢，即刻試試去 😛 #黑糖青蛙撞奶 $29，其實好似就係黑糖珍珠鮮奶，而我亦唔係好清楚啲奶係點撞法可以撞到咁嘅味出黎，直頭唔係奶黎，係奶味嘅水，俗稱奶水，淡到呢，都唔知溝左咩落去，冇黑糖味亦都係理所當然，啲珍珠仲硬過用 Gatsby gel 完嘅頭，真係整杯咁難飲嘅嘢出黎都唔容易，五體投地 🙇🏿‍♂️🙏🏿春風撞奶舖元朗鳳琴街 15 號鴻運中心地下 74A 號舖旺角旺角弼街 60 號地下 B 舖

不嬲都無飲黑糖珍奶,今次見呢間野既黑糖珍奶既盛器好特別,又剛過復活節不久,好有飲復活蛋既衝動。

呢杯焦糖布蕾好有層次,有黑糖,有焦糖奶蓋,有CHEWY既珍珠。

本身以為黑糖好甜,但同D奶MIX埋之後岩岩好,重點係D黑糖係熱的,未MIX前飲到底,啜到熱既黑糖珍珠,真係好正,同普通珍珠好唔同。

我見佢仲有MATCHA布蕾,我好想飲的,但今日賣晒,睇黎下次要早D黎先得啦!不過我家離呢度好遠,如果多D分店就好啦!

春風撞奶舖餐單提供台灣菜, 台式飲品等推介美食位於元朗區，餐廳座位數未知人均消費約$50以下，結賬可以用現金，Booking訂位可以電話致電 60634607 查詢。

您對於元朗餐廳「春風撞奶舖」有何 comment？

春風撞奶舖餐廳詳細資料：

• 春風撞奶舖地址:
  元朗鳳琴街15號鴻運中心地下74A號舖
  Chun Feng Milk House, Shop74 A, G/ F, Fortune Centre,15 Fung Kam Road, Yuen Long
• 春風撞奶舖電話: 60634607
• 春風撞奶舖價錢: $50以下
• 分類: 台灣菜, 台式飲品
• 座位: 未知
• 付款: 現金
• FB專頁: 春風撞奶舖 Facebook

更多春風撞奶舖相關資料:

• 春風撞奶舖分店
• Youtube
• Facebook
• Twitter
• Google