新寶粥麵茶餐廳 元朗

新寶粥麵茶餐廳 評價 相片

收工返到元朗已經好夜，犯賤地行左入呢間新寶茶餐廳，間野夜晚生意多到唔憂做，行入去係你求佢比飯你食，多過你惠顧佢，咁多年都從未聽過果度既員工會向客人講聲你好/多謝，不過呢d都係小事，香港好多茶記都係咁(又係"文化"呀麻)。

最勁既係d侍應好鍾意黑客人臉，一唔耐煩就比面色你睇。

叫野食一定要好似小學生朗頌咁，將食物名稱一字不漏大大聲讀出黎，例如「單吊曬筒肉餅煲仔飯」，客人唔可以只用手指住個餐牌果行齋講肉餅煲仔飯，一定要大聲朗讀埋「單吊曬筒」比侍應阿姐聽。

如果講遲兩秒，阿姐就會先黑面，然後搵個背脊得住你，真係好鬼有尊嚴，ego大過個煲蓋。

間餐廳做得咁成功，唔需要customer service都可以屹立社區咁多年，老闆令員工可以吐氣揚眉咁工作，呢個的確係佢地既實力，我呢d小食客都係死去第度，唔好阻人發達。

今日放工， 回到元朗，想想今晚食些什麼，不驚意又行到新寶茶餐廳門口，遠遠可見到門外已架起爐頭火光紅紅煲起煲仔飯，心想可不食煲仔飯，但見店內人才仔仔可見食到一個煲仔飯都唔易，可能要等上半小時，所以打消捻頭。

行到門前見到門外的餐牌。

羊腩煲已上市，又見今日都涼了些，好！今晚就食羊腩煲啦，選了個卡位坐下，就叫了個羊腩煲晚餐，有湯有飲品有個白飯。

羊腩煲可選枝竹或蘿白。

我選了枝竹 。

等了一陣就送上用一個金屬器皿盛著的枝竹羊腩煲，我比較喜歡用瓦煲盛著。

煲內有羊腩，枝竹，冬菇，竹筍，馬蹄。

用料都好足，分量都好夠。

羊腩煲得好淋，加上腐乳食起來味道一絕。

枝竹吸收煲內各材料精華，食起來好夠味，煲內另一美食竹筍和馬蹄那種爽翠同羊腩的口感成一個強烈的對比。

完全滿足了味道和口感要求。

最後美中不足就是碗白飯較為細碗一點。

不能盡興地送飯。

今日入元朗, 一午行街後揾地方醫肚, 同老婆大人入去試下, 因為唔鍾意怏餐店啲奶茶.我哋叫咗吉列豬扒沙律, 公司三文治, 奶茶及凍檸茶.豬扒好大件好入味,豬扒鬆脆,沙律亦可以,檸茶非常有水準, 而奶茶我非常喜愛, 高質高水準, 正正正!!!埋單唔貴, 每人約30元, 都合理.

以前很喜歡新寶，很久沒去，水準大退步。

奶茶依然好味，茶香殘留口中久久不散 叉燒蝦仁蛋飯好難食，只是將三種食材一起亂炒，勁難食 咖喱班塊咖喱不夠味唉，令人失望的一餐，真的太失望了!!

只可ok....呢間店貴加無服務可言食物尚可....檸茶不是太甜...檸的數量都ok...沙爹牛肉麪.沙爹少.牛肉大塊..滑的原因都係化學野個飽係餐飽都幾好啦....都熱的.......腸仔無煎但總結都ok

新寶粥麵茶餐廳餐單提供粵菜, 廣東, 粉麵, 米線, 粥品, 茶餐廳, 冰室等推介美食位於元朗區，餐廳座位數未知人均消費約$50以下，結賬可以用現金。

您對於元朗餐廳「新寶粥麵茶餐廳」有何 comment？

新寶粥麵茶餐廳餐廳詳細資料：

• 新寶粥麵茶餐廳地址:
  元朗教育路50號兆明樓地下
  Sun Po Congee & Noodle Restaurant, G/ F, Sui Ming Bldg,45 Kau Yuk Road,, Yuen Long
• 新寶粥麵茶餐廳電話:  
• 新寶粥麵茶餐廳價錢: $50以下
• 分類: 粵菜, 廣東, 粉麵, 米線, 粥品, 茶餐廳, 冰室
• 座位: 未知
• 付款: 現金
• FB專頁: 新寶粥麵茶餐廳 Facebook

更多新寶粥麵茶餐廳相關資料:

• 新寶粥麵茶餐廳分店
• Youtube
• Facebook
• Twitter
• Google