御炭燒 元朗

御炭燒 評價 相片

係Facebook聽到元朗人介紹過, 一直都好想去御炭燒, 終於係呢個長假期去左, 總括黎講非常滿意我地搭大棠紅van入, 以為好遠, 點知坐左無幾耐已經到左, 早知係市中心慢慢行過黎啦兩口子叫左個二人set, 加兩隻即開生蠔: 肉類份量非常足夠, 幾百蚊埋單其實好抵食, 當中既特色牛其實成本價都唔平, 炭燒完特別有咬口, 剩係呢到已經值回票價兩隻生蠔真係非常新鮮, 燒完當中的蠔香撲鼻, 我地急不及待食左, 都唔記得相機食先另外店員非常細心, 因為我地唔係好熟D程序, 係適當時候佢地都絛特別照顧我地, 避免因我地技術有限的問題而影響食物質素, 專業有兩樣食物要特別介紹, 就係:魚蛋: 有咬口到不得了, 食完之後我地忍唔住加多個order因友人太愛食魚, 叫左呢個鱔, 佢話未食過咁好食既鱔, 因為肉質燒到岩岩好, 色香味俱全, 估唔到原來用炭燒鱔係咁完美既配合就咁坐左玩左兩個幾鐘, 快樂不知時日過, 走個陣慢慢行番出市中心都係8分鐘左右, 順便可以消化下

話說之前去大棠行山搭K66 經過大棠路時見到有新BBQ開咗，今日郊遊後就同friend 子一齊去試新野。

位置好方便搭K66係門口有得落，同friend 子一齊搭的士出番元朗市中心都使跳錶。

御炭燒真係「炭」燒 !出面食就算係貴日本燒烤都係用真炭,雖然夏炎炎成三十幾度但入到去坐有大風機吹住，頭頂有部抽油煙機，食BBQ都唔怕熱;舒舒服服咁坐定定食炭爐燒烤，一啲都唔覺得熱。

正！啱晒我呢啲又怕熱又怕曬嘅懶人。

望下個餐牌先，價錢都算幾OK 喎！有SET有散叫我地幾條友4 人SET 再追加肉類，seafood 。

當啲食物黎到上台嘅時間，我哋個個都嘩嘩聲，個擺盤真係好靚，而且份量都好多，超級大對頭，重點係嘢食下面係層冰嫁，炎炎夏日都唔怕啲嘢食會變壞。

staff 好nice 同 friendly, 介紹我地每種嘢食點燒先最好食我個人係超級鍾意食蠔，佢真係好真係好大，仲大過我隻手掌，一路一路聽到chi chi 聲 燒完都仲係好脹卜卜好飽滿，勁juicy ，好鮮食得「蠔」，緊係要食埋鮑魚啦，去過鮑魚燒完都仲係好嫩，超級彈牙，上面仲要有蒜蓉添，直落去都唔算太濃味，咁食到鮑魚嘅鮮味添其實我仲係一個食羊怪，超級鍾意食羊，我哋order左兩隻羊，我個人覺得原味比較好食，咬落去真係成口都係羊味，嗰啲脂肪係個口裏面嗰陣味，真係不得了，諗起都流晒口水。

超級推薦鍾意食樣嘅朋友一定要要呢個羊鞍。

仲有呢個老闆推薦嘅梅花肉醃得好入味，肉質都仲係好好，正！仲有牛牛都好味道。

望落去紅bob bob, 好新鮮!呢塊牛扒真係不得了，大個晒我隻手，油花同埋肉嘅比例好perfect ，同行嘅友人個個都即刻仔隻手過去影相。

燒完之後咬落去，膽膽嘅牛味係口裏散開，仲有啲肥肥，好正。

雞翼大大隻，完全無雪味，醃得好好味，我個人最鍾意係香辣雞翼，夠晒味又嫩滑。

跟住講下啲丸先，呢度啲遠全部都好大粒，size 就好似平日係長洲食嗰d大波魚蛋咁，好彈牙好好食呀！我最鍾意嘅就係韓式年糕丸，裏面嗰啲年糕，燒熱咁左之後，一咬就即刻流出來，煙煙銀銀好好食呀，又唔會話太滯。

食多幾粒都仲OK架。

臨走埋單仲有surprise 甜品出場!!朱古力泡芙，個泡芙裏面全部都係ice cream，雪到好冰凍，咬落去成口都係朱古力味，超級滿足，為呢餐落咗個超級完美嘅句號！除咗食物，我覺得最impressed 就係鋪頭員工，招呼好好!仲主主動拎調味粉出黎教埋我地點match d 食物最好食!嗰度有辣粉，孜然粉，黑胡椒，海鹽比你去揀，仲有鮮蝦醬同柚子醬。

啲醬汁係老闆自己特登去調製，唔同季節都仲會有唔同嘅選擇，老闆真係好有心思吖！柚子醬係夏天限定，配肉食好fresh 冇咁"漏"!!呢度嘅食物真係好有水準同好有誠意，CP值好高，老闆同員工都好好人，超級Nice，好有耐性咁介紹啲嘢食，仲會同我哋傾吓計，成餐飯氣氛都好好。

見到我哋雞手鴨腳，仲會落手幫我地，仲有較剪俾我地剪開d 大塊肉share食 ,好貼心!!其實食到飽飽計番一個人都係百幾蚊同一般任食BBQ差唔多，但食物質素好好多! 希望老闆可以Keep 住呢團火， 我同朋友再嚟BBQ！P.S 燒燒下發生驚險場面，炭燒到好大火，嚇到我地尖叫，好彩即刻有員工救我地。

仲好專業有紅外線體溫計度炭溫度。

WOW!! 好pro 呀

今日同朋友去元朗搵食，去左御炭燒食炭燒BBQ，因為好少見用炭爐去燒野食，見價錢OK就去試下。

交通都幾方便，店舖有車位提供，坐巴士就坐K66在禮修村落，對面就係御炭燒。

佢menu有得散叫野食同分2人/4人/8人餐，我地叫左幾樣肉，海鮮等。

雖然係outdoor, 但野食都有冰係下面, 唔怕變壞。

第一樣食既係生蠔, 有一隻手咁大, 食落好鮮甜多汁, 好抵食! 仲要係即開, 好新鮮, 夏天食都唔驚!之後食紐西蘭羊鞍, 有分原味跟香草味。

香草羊鞍醃得非常入味, 燒左仲好淋唔韌。

但我個人比較鍾意原味, 因為食落真係好有羊味!推薦比鍾意食羊肉的朋友!燒鮑魚: 上面鋪左蒜蓉!燒完唔韌, 很鮮味和有口感, 配上我鍾意既蒜蓉, 推介!梅花肉: 醃得非常入味, 推介比鍾意食重口味既朋友!牛扒長過我隻手，好抵食呀!油花比例也很完美，超級推薦!韓式雞翼: 好好食!酸酸辣辣咁樣, 好特別! 香辣雞翼: 都唔錯但冇韓式雞翼咁特別其他食物: 肉丸: 都OK, 正正常常 韓式年糕丸: 入面係年糕filling, 煙煙韌韌咁,幾得意! 甜品: chocolate puff, puff入面係chocolate ice cream, 都幾好食 調味方面: 有辣粉/孜然粉，點肉有鮮蝦醬/柚子醬，我十分喜歡柚子醬! 好清爽, 聽謂是老細專登調製 飲料方面: 叫左汽水，汽水是玻璃瓶，唔知點解梗係覺得玻璃瓶汽水特別好飲 仲有韓國brand既野飲, 幾少見下 環境方面: 頭頂有抽油煙機, 同埋超強力風扇, 果日30度坐outdoor都覺得唔熱 Overall: 食物有一定水準, 價錢OK, 交通都方便既, 同埋老細員工都好好人, 會好積極咁介紹食物又同我地吹下水咁, 同埋有樣好可以坐好耐都得, 會下次再黎食!

坐定定BBQ, 唔洗自己起爐，頭頂有抽風系統嘅帳篷，周邊有大風扇，坐係戶外一啲熱嘅感覺都無(外面係三十幾度)，咁舒服嘅BBQ都係得呢度先有！最重要係餐廳點左蚊香，唔驚俾蚊咬！今次食左個二人餐，超豐富！先黎海鮮，有蠔，鮑魚同蚌超愛燒生蠔，好肥美鮑魚同蚌就要小心燒過火，始終炭燒個火較紅，溫度較高，幸好侍應都幾細心，會教你燒一陣就要反一反，咁就會受火較均衡再黎一個併盤，又一豐富！最愛亦係最特別，墨汁墨丸，好好味燒雞翼最考耐性！大家見到我嘅耐性都不錯吧金黃色的！哈哈！總括黎講食物唔錯，唔會醃製過量，味道適中，服務一流！不錯吃！

住元朗的朋友介紹，本以為在地鐵站附近，到了元朗才知要入大棠食，好在有小巴15分鐘內去到，交通還算可以。

正好在大馬路上，很容易搵。

好，要開飯啦一入到去店員好熱情， 馬上介紹有咩食同幫手開爐， 食品種類不算太多但細心睇都見到有心機。

係炭烤比韓燒的電爐有誠意，也加了點新鮮感。

大量風扇也不覺熱， 店員介紹連頭頂的那個也是風扇，抽風的，很有趣。

食物方面，因為咩都想試下但怕又會好貴所以最後叫左四人餐再加幾樣小食試下。

食物都有冰連埋上也不怕變壞。

重點是燒生蠔，好大隻呀大大隻一人有一隻。

加點了的羊鞍， 有原味跟香草試了都是原味比較好， 加了調味粉食比較食到羊味，推薦也是外加的梅花肉，很入味， ，重口味朋友的選擇。

調味的有辣粉孜然粉， 鮮蝦醬柚子醬，點肉一流。

肉丸只有四種， 韓式年糕有點特色，但其他也一般般。

意料之外的甜品，無芝士蛋糕但有雪糕puffs，還可以啦，無特別。

可能是新開店不是連鎖店， 要的物品不是全放枱面， 好似夾肉的夾一開始四人只給了一對， 調味粉也無。

食到中段見到對面台有先知要出聲講， 好在店員都好helpful， 問佢的都會幫手搵俾我地。

食店地方環境不太似食店，反而似去朋友家bbq，衛生也可以。

御炭燒餐單提供港式, 海鮮, 烤肉等推介美食位於元朗區，餐廳座位數未知人均消費約$201-400，結賬可以用現金，Booking訂位可以電話致電 53307447 查詢。

您對於元朗餐廳「御炭燒」有何 comment？

御炭燒餐廳詳細資料：

• 御炭燒地址:
  元朗新界元朗大棠路祟正新村15A號(禮修村前大棠路口)
  御炭燒, Shop A, G/ F,15 Shung Ching San Tsuen, Tai Tong Road, Yuen Long
• 御炭燒電話: 53307447
• 御炭燒價錢: $201-400
• 分類: 港式, 海鮮, 烤肉
• 座位: 未知
• 付款: 現金
• FB專頁: 御炭燒 Facebook

更多御炭燒相關資料:

• 御炭燒分店
• Youtube
• Facebook
• Twitter
• Google