夢工房和食屋 元朗

夢工房和食屋 評價 相片

因為想食日本野, 所以去左西菁街間夢工房, 其實睇個價錢唔多想食, 分時段價錢唔同呢個都唔係問題.個問題係佢本身張list係$99一位(我食放題), 我唔知係咪因為新年期間佢加價到$178一位加得太貴!! (只得90mins食)D野食出得好慢. 一張單裡面緊係漏左一兩樣野野食未出, 咁都算啦!食完一碟野起碼都等成510mins先出第二碟, 完全唔覺自己好似食緊晚飯咁!最離譜就係我7:30pm order果8件sushi, 成8:30pm都未有, 整果幾舊sushi洗唔洗咁耐呀?真係燥左其實都唔只我地燥燥地, 我地斜對面果兩個人都係咁. 臨走同個收銀嘈..我以後真係唔會再去呢間野食. 好嬲, 餐飯真係食足90mins咁多！！！！！！又貴, 我食完都唔覺飽呀！！！

今年生日,同行10位,都怕搵唔到位,好彩有位..仲有得坐房今次嗌左兩個餐,跟住散叫D壽司呀炸物呀刺身呀果D..因為我唔食刺身,所以唔知好唔好食,但賣相真係好靚炸物嗌左天婦羅拼盤兩個,有大蝦,冬菇,番薯..炸物好難唔好食,冇咩驚喜同埋一個南瓜炸餅,樣好似炸豬扒,但食落係南瓜,幾好食,甜甜地...雜菜煲,D菜好清甜,因為個煲係有油,D菜吸左D油,幾香..內面有D獅子狗呀嗚門卷蟹柳果D啦芝士鰻魚壽司,芝士粒做料同鰻魚一齊卷住,食落好香芝味鰻魚炒飯好香,足料三文魚壽司相對差d沙津食完再嗌多個!酸酸甜甜..好開胃,又爽口其他都唔太記得...如果要坐房,最低消費700蚊,但好舒服

早兩日去夢工房之福神大埔分店食晚飯,真係超抵呀~兩人前的套餐,都係$148. 個餐好豐富,食得好飽呢~9點後仲有$3壽司..好抵呀... 最衰就係個套餐太豐富,想叫多D壽司食都唔得, 感覺蝕左添.如果4個人仲抵呀, 可以叫4人前套餐. 都係$288, 多左刺身同十幾件壽司, D和食仲要豐富好多.下次一定要同家人或4個朋友一齊去試下4人餐先得. 今次仲叫左個海膽刺身, 好鮮甜呢~ 賣相都唔錯,仲跟兩個飯團.真係食唔晒, 好浪費啊~ 下次要叫走飯團先得==

店內環境　／　服務　：　ｏｋ上菜速度　：　ｏｋ食物質數　：　ｎｏ　ｇｄ（蟹子沙津）用千島代替沙拉油，感覺怪（一口牛）一般（燒鰻魚）一般（吉列蝦卷）雖則特價，好味（金茹肥牛卷）完全冇味．．．感覺有如”生灼肥牛包金茹”再點汁（五色刺身）＄１１８平均每款俾兩三塊，最過份得一粒帶子，仲要ｃｕｔ開４粒

夢工房經裝修後, 售賣的食物亦都唔同咗, 兩個人嚟食晚飯, 7 點幾都冇乜人......叫咗豬軟骨拉麵, 豬軟骨煮得唔夠林喎, 拉麵同湯底好普通, 講唔上係好食, 不過就好多配料囉, 蛋呀, 嗚門卷呀, 獅子狗魚蛋都竟然有壽司就簡直令人覺得失望..... D 三文魚得好細片好薄, 亦唔覺得係新鮮, 感覺上好似係跟餐送嗰種 quality......炸蝦天婦羅 唔錯一口牛肉粒 唔係好多粒, 但都算幾好食, 肉質唔錯串燒魷魚鬚 好食呀, 燒得D 邊位又香又脆!而家多咗好多串燒食物, 都係十幾廿蚊一串, 多人嚟可以試試

夢工房和食屋餐單提供日本菜等推介美食位於元朗區，餐廳座位數未知人均消費約$51-100，結賬可以用現金。

您對於元朗餐廳「夢工房和食屋」有何 comment？

夢工房和食屋餐廳詳細資料：

• 夢工房和食屋地址:
  元朗又新街45號富祐閣5-6號地舖
  夢工房和食屋,  
• 夢工房和食屋電話:  
• 夢工房和食屋價錢: $51-100
• 分類: 日本菜
• 座位: 未知
• 付款: 現金
• FB專頁: 夢工房和食屋 Facebook

更多夢工房和食屋相關資料:

• 夢工房和食屋分店
• Youtube
• Facebook
• Twitter
• Google