古月聚台灣古早味美食 元朗

古月聚台灣古早味美食 評價 相片

記得好耐以前食過一次，開業冇耐，類似家人幫手之類，野食係好食嘅，但係出野食慢同有漏單，所以之後就冇再食過。

今日男朋友話想食，咁就陪佢食啦。

我叫左個椒麻雞扒魯肉飯個雞扒完全一啲都唔椒唔麻，個皮好咸！反而嗰幾條菜有啲極微微的辣味。

魯肉飯係要加錢嘅，但係份量得飯量嘅6份1，少得可憐！粒魯蛋係入味，但係好好好好咸！連啲鹽都好入味！我男朋友叫左個牛肉麵同椒鹽豬扒佢話湯似清湯，我試左少少應該係牛骨湯黎。

好淡。

豬扒薄，又係皮好咸！再黎重點 我地都叫左杯冬瓜茶平時飲嗰啲係啡色，佢呢個係淡黃色嘅。

飲落懷疑係黃糖水黎，即係平時煮湯丸嗰啲糖水。

離譜！話就話係黃色食店 質素咁樣樣 冇下次啦

星期日點零鐘去到古月聚，剛好有人埋單，有枱入。

坐底叫咗碗紅燒牛肉麵、肉燥湯麵加配鹽酥雞、跟餐一杯凍奶茶&凍金桔檸檬冬瓜茶。

紅燒牛微辣，老公好欣賞啲牛筋，話好淋，正！我個碗肉燥湯麵湯在就淡左啲，不過肉燥做得好，用啲汁撈埋湯度可以接受的。

落單紙有標名冇落味精冇落雞粉，所以湯底偏淡，我都好欣賞，畢竟做生意，好少餐廳以健康為主能留住食客，所以其實都幾搏😅鹽酥雞係正嘅，乾身唔厚粉，冇肥膏，正！同路人行過要支持下！

唔好食. 鹽酥雞好乾, 原味牛肉麵完全無味, 冬瓜茶好似糖溝水咁...超級難食. 服務態度超差, 尤其是個女仔 係人地檯中間穿過上菜比隔離個檯, 等位唔派飛仔 立立亂......可以唔洗去, 揀第二間黃店食好過.

一入到去老闆好親切俾menu同落單紙我老闆係真。

台灣人，所以係講普通話，一開頭聽到差啲轉唔到channel 雖然係小店，但係一啲都唔迫，電視仲係播緊台灣綜藝🤣叫左碗肉燥乾拌麵加自家製高麗菜豬肉餃子（$51），淨麵係$39，加左餃子（$12/5粒）同埋淨係乾拌麵有嘅椒麻醬麵底叫咗粗麵，好有咬口又好掛汁。

啲肉燥係大粒肉碎，齋食有少少鹹，但係撈勻就啱啱好。

蛋係滷蛋，滷得好入味。

餃子個皮唔厚唔薄，個餡夠味，可以咬到細細塊塊高麗菜。

整體上食物質素都唔錯，可惜嘅係個椒麻醬冇咩味，完全食唔出加左。

睇到呢間嘅三寶牛肉麵都好受歡迎，下次一定會叫黎試試😆

第一次食呢間野係叫foodpanda,大坑渠送到合益都係$5運費，好抵。

陸陸續續叫過好幾次外賣，紅燒牛肉麵、魯肉飯等等，偶爾想食健康啲叫份生菜都好抵，其實台式食店一般都有得比人叫淨菜，不過黎到香港就唔見哂，呢度有而且都係廿幾蚊份好抵，仲有淋肉燥汁。

食過呢間啲紅燒牛肉麵，好正份量大，另外肉燥同魯肉飯，啲味道同係台灣食既好似，好正宗既台灣味，加上價錢又唔貴，份量又大，令我翻食再翻食，叫主食仲可以優惠價加雞排、鹽酥雞等小食，一定要試鹽酥雞，好食！

古月聚台灣古早味美食餐單提供台灣菜等推介美食位於元朗區，餐廳座位數未知人均消費約$50以下，結賬可以用現金，Booking訂位可以電話致電 37051396 查詢。

您對於元朗餐廳「古月聚台灣古早味美食」有何 comment？

古月聚台灣古早味美食餐廳詳細資料：

• 古月聚台灣古早味美食地址:
  元朗馬田路20-30B號安寧大廈地下2號舖
  古月聚台灣古早味美食, Shop2, G/ F, On Ning Building,20-30 B Ma Tin Road, Yuen Long
• 古月聚台灣古早味美食電話: 37051396
• 古月聚台灣古早味美食價錢: $50以下
• 分類: 台灣菜
• 座位: 未知
• 付款: 現金
• FB專頁: 古月聚台灣古早味美食 Facebook

更多古月聚台灣古早味美食相關資料:

• 古月聚台灣古早味美食分店
• Youtube
• Facebook
• Twitter
• Google