六記正宗潮州打冷 元朗

六記正宗潮州打冷 評價 相片

我地去到差唔多七點，已經好多客食緊，上左二樓坐低，一直都好多搭枱，都幾好生意，兩個人叫左四樣野，細蠔仔粥38，生螄蚶75，薑蔥蟹70，滷水什錦80，埋單263。

首推既係生螄蚶，其實我以前未食過，叫之前好怕自己食唔到會浪費左，黎到見到佢擦洗得好乾淨，個賣相好靚，味道好鮮甜，好似赤貝刺身咁既味，仲有啲酒香味，成碟都好多食極都仲有，同埋最後得兩隻壞左，一打開有啲臭泥味，正所謂一百個人入面都有一兩個係傻既，所以有一兩粒壞都正常合理。

一路食一路開，一開好多好似血既汁流出黎，成手都係，我地食到手腥晒，走左去元朗廣場洗手，大家記得帶定紙巾黎食。

再黎蠔仔粥，係每枱都會叫，我地走左芫茜，湯底十分香口，有啲肉碎，又多蠔仔，又鮮味，又平同大碗，好值得試下。

滷水什錦，都好多款野係入面，全部味道都好好食，唔知可唔可以走豬頭肉，我地食淨晒有好多毛又得肥膏。

睇到fb朋友啲相先走黎試，主要吸引我係70蚊有兩隻炒蟹，朋友影到又靚又大隻，無諗到係凍既，食落口啲肉好粉，無甜味，亦無我想像咁大隻同咁好食，不過蟹蓋勁多蟹膏同好香，雖然係咁但個價錢好合理，平平地送下酒都好開心。

深夜十一點幾，相約朋友飲返杯🍺，食吓野，唔一定去酒吧既！打冷都係一個好好既選擇，蠔餅即叫即炸，好脆口，好多蠔仔，加上潮州魚露，提升鮮味，👍🏻👍🏻！豉汁炒蜆，最緊要無沙😊，好味😋！滷水什錦，配料爽口，㸃上辣油，食唔停口，飲啤🍺酒必叫！

最近呢間係網上好多人介紹, 由於工作關係,好多時都唔能夠坐低慢慢食, 所以唯有買外賣返屋企,第一次去係大約六點半, 非常驚訝竟然已經賣晒所有既薑蔥蟹,可能因為呢排大家都推薦吧, 引致早早已經賣完, 問店主幾時來先有呢 ?佢話呢幾日都大約五點幾已經賣晒了, 於是隔兩日襯手上工作完成, 偷偷地五點鐘就閃出去再試試運氣,好彩終於都買到一份, 再加份椒鹽蝦返屋企加餸兩樣野, 又蝦又蟹都只係 $120, 而且又好食又抵食, 真係性價比很高, 下次再試埋其他潮州野先

一大班人食飯 又想傾到計 又想坐耐啲 大排檔係唔錯嘅選擇 今次就揀咗呢間食潮州打冷嘢嘅餐廳 雖然裝修就真係好大排檔感覺 屋村嘅感覺 但係嘢食真係出乎意料咁好食 同埋有傳統嘅味道 呢度主攻打冷連普通嘅小炒都冇 淨係得蠔餅呀 滷水嘢呀之類蠔餅炸得好脆而且好足料之餘仲有大大份 十個人都夠食 鹵水鵝片同鹵水拼盤都好足料 鵝片鹵得好入味 又鬆化 拼盤就乜都有 而當中嘅深海墨魚就係爽口彈牙 蠔仔粥上面嘅蠔仔好多 而且粥底夠曬滑 一大兜好味 埋單都係每人70蚊左右 又大碟又抵食味道仲好好味 下次都會繼續嚟幫襯

地理位置問題,之前都是經住元朗朋友介紹先認識這間打冷食肆,食過一試難忘!今次再黎幫襯~店舖不算大, 但食物質素高,應屬家族經營,店員一家尤其是老闆老闆娘親切有禮, 價錢大眾化。

鵝腸拼豬大腸($55)卥水單拼$50, 雙拼只需額外加$5, 超值!鵝腸必食,堅係正宗鵝腸, 唔會溝/甚至用雞腸代替, 好爽口, 豬大腸亦很入味蠔仔粥 細($33)蠔仔粥, 其實唔應該叫蠔仔粥, 因蠔超大隻,分量又多,差唔多多過d粥咁滯,好足料, 讚!九菜蜆肉 ($25)另外叫左個九菜蜆肉, 因為未試過諗住試下,呢個就冇乜特別,但又係分量超多,蜆肉仲多過九菜由於得兩丁人, 試唔到其他野, 但單從卥水及蠔仔粥的質素、服務已覺得這間潮州打冷很讚, 值得推介~

六記正宗潮州打冷餐單提供潮州菜等推介美食位於元朗區，餐廳座位數未知人均消費約$50以下，結賬可以用現金，Booking訂位可以電話致電 24439116 查詢。

您對於元朗餐廳「六記正宗潮州打冷」有何 comment？

六記正宗潮州打冷餐廳詳細資料：

• 六記正宗潮州打冷地址:
  元朗朗屏福樂徑6號
  Look Kee, Fook Lok Path6, Long Ping, Yuen Long
• 六記正宗潮州打冷電話: 24439116
• 六記正宗潮州打冷價錢: $50以下
• 分類: 潮州菜
• 座位: 未知
• 付款: 現金
• FB專頁: 六記正宗潮州打冷 Facebook

更多六記正宗潮州打冷相關資料:

• 六記正宗潮州打冷分店
• Youtube
• Facebook
• Twitter
• Google