光榮冰室 (教育路) 元朗

光榮冰室 (教育路) 評價 相片

元朗食早餐又多了一個選擇，實而不華的早餐，對我來說，是巨人的份量，煎雙蛋成隻碟咁大，加$1可以轉奶油多！沙嗲牛肉是必試之選，沙嗲醬混入蒜香及花生味道，味道豐富，絕非普通級別，是平民早餐的中上質素水準，加上價錢便宜，足以吸引到食客再次光臨。

惟一美中不足是奶茶不是我喜歡的味道。

味道：環境：服務：特色：泊車：（元朗市中心一向是難泊車，轉角有個錶位停車場，即使無位泊埋一邊停一陣都可以嘅）評語：其實係沙嗲牛肉好味，但又食過更好味的沙嗲牛肉，心情好復雜，係好味⋯但不會有強烈想再食的感覺。

今次早餐食 招牌豬排米 奶油多 雙蛋 凍奶茶。

見響元朗開，特登去幫襯。

有個習慣唔知叫咩既時候，就會點”招牌”菜。

招牌菜都難食真係唔想有下次…然而今次點左個 招牌豬排 。

又鞋又乾，咬落又無肉汁。

早餐入面又要比較貴。

咀嚼多兩啖直頭想吐出黎…元朗有個特色，就係唔知點解好多餐廳料理豬排都有一手。

就算唔岩口味，但塊豬排至少係軟淋，食得落口。

今次第二次食，兩次件多士都唔係即烘，如果唔係即烘既，就唔好收人1蚊，淨係做方包算啦，又唔係做到踢哂腳。

凍左既多士真係扣分。

開心浩園餐💵55🍀🍀🍀🍀🍀🍀🍀🍀🍀🍀我同朋友嗌左三眼仔雞扒餐，有3隻荷包蛋，而蛋下面有好大塊既雞扒，亦有好多蔥係面頭，但味道比其他茶餐廳難食得多😐豉油唔夠味，唔係甜豉油之餘，塊雞扒仲煎到老左，啲肉好鞋颯颯😩可能滑蛋叉燒飯係最出色既，可惜我地無叫到🥲☀️整體而言，如果唔係🟡店，我都唔會黎試下，服務態度有啲差，不過我都明白，咁多客人要出咁多餐係會燥底既，出餐速度都算快，但希望食物質素會有進步～

真係好多分店💨😍希望佢哋越早越好😻人生第一次食光榮😂梗係要食叉燒滑蛋飯啦👀👍🏿 —————————————————————————————叉燒炒蛋飯 $50Omgg😳睇相就睇得多😐真係好震撼🤣有好多舊叉燒😂唔會太硬/淋~口感剛剛好 😋同埋啲蛋真係超級滑~份量又係好多😂上面嘅豉油同埋蔥花係精粹😍撈埋一齊食真係勁惹味💗但係都幾油膩👀分享食就啱🤌🏻9/10干炒豬扒意 $50豬扒份量又係好多🤟🏻仲要係又淋又入味😻意粉偏鹹🙈但係又有芽菜🤍蔥&洋蔥🧅中和返少少😂🤌🏻6.9/10 —————————————————————————————#為食tips👻 之前元朗店啱啱開🤣喺門口都等咗一陣先入到去~嗌左嘢食等咗好耐先來🥶食完意粉要再等多一陣先有個飯🤣不過啱啱開都正常嘅~ ~仲有上面兩個餐都包嘢飲🧃凍飲熱飲同價

知道元朗開咗光榮，一直都想去試，但係在午市或晚市時間路過，舖頭內就滿到瀉，門口就大排長龍！所以今朝唯有晨早到訪，食個早餐，幸運地人不算多。

或者舖頭新，十分乾淨，樓面一律是師奶，相當好禮貌。

食食吓早餐，聽見如下對話。

「啲xx同yy唔夠熱喎！」某食客亞叔説，同時抹乾淨嘴戴返口罩。

「唔好意思，馬上重做！」負責人即樓面兼收銀師奶説。

「唔使啦」叔說，「唔得，一定要重做」師奶說，「唔使喎」叔説，「要呢！，你現在唔食咪拎走囉。

」師奶説，「唔使呢…」叔說，雙方爭持不下。

最後師奶扔下一句：「拎唔拎走都好，總之就要重做！」結果整咗出嚟打埋包，個阿叔真係點都唔肯拎走！雙方都十分固執， 十分堅持，但係諗深一層，唔堅持又點會有光榮呢？在光榮冰室見證到呢一幕，意義非凡！

光榮冰室 (教育路)餐單提供港式, 茶餐廳, 冰室等推介美食位於元朗區，餐廳座位數未知人均消費約$50以下，結賬可以用現金，Booking訂位可以電話致電 95599361 查詢。

您對於元朗餐廳「光榮冰室 (教育路)」有何 comment？

光榮冰室 (教育路)餐廳詳細資料：

• 光榮冰室 (教育路)地址:
  元朗教育路44,46及50號兆明樓地下B號舖
  光榮冰室 (教育路), Shop B, G/ F, Siu Ming Building,44,46&50 Kau Yuk Road, Yuen Long
• 光榮冰室 (教育路)電話: 95599361
• 光榮冰室 (教育路)價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 光榮冰室 (教育路) Facebook

更多光榮冰室 (教育路)相關資料:

• 光榮冰室 (教育路)分店
• Youtube
• Facebook
• Twitter
• Google