元朗人家 元朗

元朗人家 評價 相片

食物要乜無乜~重要一D都唔新鮮,肥牛超肥~服務超慢~一定唔會再有第二次尋日天氣得8度都無人等位,果時都8點都無人,以為自己好好彩,唔使等,點知道原來係咁差,食物真係好小款可以揀,熟食又唔多(只係有曼頭.著條)最最最差係醬油都係無,只有鼓油,連DD辣椒都無,問佢地話等一陣,等等等咁就等左半個鍾埋單每人100左右~~.新星都係110120左右原本果日我去新星,但我去到羅位個接待員話要等50幾張台,咁我先去人家...大家要去真係要有心理準備,

出街見客,同d客人去左元朗人家食飯,食左個"浮雲八仙",個名好玄,但做落又好好味...有蛋白,有西蘭花,有豆類蛋的益蛋不用多說，一入口即化開的感覺好難說...總之很好味ok正,另外也叫左貴妃雞,口感正!很有雞味..口感有d我係中國清遠吃的清遠雞...

星期五晚差不多九點, 不用等位, 雖然門口的打邊爐廣告好似好抵食, 但結果我地都係選擇食晚飯小菜. 朋友生日, 於是打算叫條東星班仔$188, 不過侍應話冇, 叫我地選另一種班, $198 大約十二兩, 都幾滑但好似熟左少少. 另外想叫蟶子又話冇, 要我地叫蝦, 我地冇叫到. 之後叫左個芝士焗石班塊, 侍應提我地已經有條班, 但冇所謂啦, 朋友鍾意食魚, 這個好好味, 芝士好香, 濕濕地撈飯一流; 另外仲叫左炒通菜, 炸子雞半隻, 都好正, 而且佢d 餸好大碟頭, 唔會好小家咁. 最後仲免費送西瓜哈密瓜, 還有杞子桂花糕, 好好味呀! 我地最後叫左壽桃, $38/半打, 不過等左好耐先黎, 開頭問佢又話唔駛一早叫定, 好快蒸起....結果三大一小埋單 $530, 咁o既質素我覺得可以接受呀! 唯一問題係冷氣唔夠, 連我禁怕凍都熱到出晒汗. 另外見到其他打邊爐的食客不停出去擰野食, 一路返入黎一路食雪糕, 好吸引, 下次有機會再入元朗都要試下.

9點鐘好肚餓突然想打邊爐男友就好貼心地帶左我去人家打邊爐佢話人家打邊爐算係最好食架喇(元朗區中)9點特價時段唔洗等位星期5都唔係太爆坐正係薯條蝦片供應既位置正位1有薯條同蝦片出爐就會去夾蝦片擺耐左唔好食所以1定要1出爐就夾幾塊食薯條都係講返邊爐料先肥牛唔錯味道唔會怪先啦正正常常幾好食我鐘意食牛柏葉牛丸叫左1份份量都唔會少絕對夠食個湯底都唔錯叫左鴦鴛湯底唔夠辣又可以自己加辣落去所以醬料自助形式想要咩就自己拎可樂任飲都唔會漏單野食好快送到服務都唔錯唯1我覺得好差既係d菜真係好黑蚊蚊我唔夠膽食結果冇食過總括黎講人家算係元朗區唔錯既任食打邊爐之選

一向無寫食評既習慣,不過今次真係唔寫唔得話說今日同家人&外婆飲茶,外婆話呢度方便泊車,咁就黎呢度上到去,居然大把位,星期六LUNCH喎!第一樣點心係白齋腸,無俾甜醬,咁我地問阿姐攞啦,問題出現啦,我地其中3人加埋起碼叫左其中2個侍應8次甚至更多,但係居然完全無人理我地,佢地係好明顯聽到,但係連應都唔應一聲,佢地個樣仲要好似父仇未報咁,真係火到黎埋.講食物:白齋腸可以接受,雖然明顯唔係即拉,不過都OK滑馬拉糕都算軟熟山竹牛肉無肉味,似食緊麵粉福建炒飯,四個字,不知所謂,D汁一大攤但無味,似食緊汁撈白飯到最後埋單,出面招牌大大隻字寫住免費泊車,但埋單問收銀佢居然話無左好耐,話個招牌就拆就拆,我睇你間舖幾時俾人拆!!可惜全家都响度,無同佢嘈,而家諗起都幾後悔,我真係希望佢快D執笠,唔好再响度害人害物

元朗人家餐單提供粵菜, 廣東, 火鍋, 中菜館等推介美食位於元朗區，餐廳座位數500人均消費約$51-100，結賬可以用Visa,Master,現金。

您對於元朗餐廳「元朗人家」有何 comment？

元朗人家餐廳詳細資料：

• 元朗人家地址:
  元朗鳳琴街19號鴻運中心地下A舖
  元朗人家, Shop A, G/ F, Hung Wan Centre,19 Fung Kum Street, Yuen Long
• 元朗人家電話:  
• 元朗人家價錢: $51-100
• 分類: 粵菜, 廣東, 火鍋, 中菜館
• 座位: 500
• 付款: Visa,Master,現金
• FB專頁: 元朗人家 Facebook

更多元朗人家相關資料:

• 元朗人家分店
• Youtube
• Facebook
• Twitter
• Google