潮食坊 何文田

潮食坊 評價 相片

一入來坐低 見到個中性打扮帶眼鏡收銀已經冇期望佢會講歡迎光臨 但竟然望住你口黑面黑 擺出一副仿佛唔歡迎你入來既咀臉 到落單問佢野又好似啞左咁 開半句聲都唔願意 真係辛苦哂佢 講番食物 中規中舉 無乜驚喜一碗普通車仔面 價錢唔貴 如果只尋求飽肚 應該可以滿足你但衞生情況一般 可能冇開冷氣一入去已經聞到渠臭味 有少少反胃加埋咁既服務態度更加令人唔開胃 應該冇下次！！！！！！！！！！！！！！！！！！！！！！！！！！！！！！

做為何文田區內唯一一間車仔麵檔，座落於區內最旺的勝利道，平時常常經過，人流卻屬於一般，所以並不抱太高期望。

地方不大，通風不佳，室內油煙味非常重，如果天氣不熱，不如選擇坐喺室外的位置吧！三餸麵加熱飲$46，不算太貴，但份量亦不多。

是日和朋友一起share了豬紅，墨魚丸，生菜，牛肚，韭菜餃，豬大腸，味道不過不失。

但勁辣咖哩汁卻出乎意料地惹味，夠香夠辣，食到不停口，之後仲要叫多碟腸粉點埋食晒食到辣的朋友，強烈推薦

夜晚肚餓，響到諗住食碗車仔麵。

間嘢要河粉冇河粉，落完單先講。

算！！要牛又冇，牛腩、牛筋乜都冇。

價錢誤導張紙寫三餸加飲品係36蚊 ，😃到拎到張單睇三餸一麵 ，加飲品（凍豆漿一杯）收多2蚊 ，total一個人48蚊。

張紙好誤導 同埋質素一般，又唔係特別好食，好鬼貴！仲有果個咩學生優惠 淨係店出面個牌寫有40蚊優惠，入去冇寫呢個優惠，問一問先知得122點有優惠，但店外個牌冇寫清楚，請改善食物方面朋友果碗啲冬菇食落好硬，供應嘅辣椒都唔辣 ，兩人食車仔麵96蚊。

。

。

真係好鬼伏， 唔怪得咁少人食！！！！！第一次寫負評 ，總之啲質素真化好唔掂。

今日帶狗仔黎沖涼，見到門面幾好就試下！個沙嗲真係好好食😋，好香👍🏻👍🏻另外個麵底份量，真係超多，食唔哂。

牛腩雖然要加$5 ,都抵比（同專食牛腩店比較，佢仲香dd)試左紅豆奶茶冰，都唔錯！整體黎講，d 野超足料，最緊要個湯底好濃豬骨味，之後唔洗狂飲水（呢個好重要！）下次再試埋小食勝利道開左好多食店，但好食既，真係無咩邊間🙈之前食過前面幾間，一係d 肉好梅，一係就地方污糟！ 希望呢間小店可以keep 得到衛生，又好食la💪🏻

垃圾都不如，今日入去打算食個麵，入去坐低寫緊單，侍應拎兩杯紅豆冰俾我地，大佬，盲既都睇到我地仲寫緊單，都唔用個腦諗下，好啦，同佢講我地仲寫緊單，邊有飲品，佢拎起嗰兩杯紅豆杯，拎斜左，倒左好多落我個袋到，我即刻大叫，頂，我個Celine 手袋黎，好彩我放左外套喺上面，大部份喺件外套到。

嗰個侍應只係拎左塊布過黎抹一抹，細細聲講句對唔住，就即刻走左去。

離晒譜，紙巾都無張，用塊抹枱既布黎抹我個袋，原來而家整污糟人地啲野係咁處理，佢隔離仲有一個侍應，企得遠遠乜都唔理，我咁大聲尖叫都可以乜都唔理，咁既態度，唔好學人做服務性行業啦！

潮食坊餐單提供港式, 車仔麵, 茶餐廳, 冰室, 小食店等推介美食位於何文田區，餐廳座位數未知人均消費約$50以下，結賬可以用現金，Booking訂位可以電話致電 36893807 查詢。

您對於何文田餐廳「潮食坊」有何 comment？

潮食坊餐廳詳細資料：

• 潮食坊地址:
  何文田勝利道16B地舖
  潮食坊, G/ F, Kam Bit Building,16 B Victory Avenue, Ho Man Tin
• 潮食坊電話: 36893807
• 潮食坊價錢: $50以下
• 分類: 港式, 車仔麵, 茶餐廳, 冰室, 小食店
• 座位: 未知
• 付款: 現金
• FB專頁: 潮食坊 Facebook

更多潮食坊相關資料:

• 潮食坊分店
• Youtube
• Facebook
• Twitter
• Google