新奇香冰室 何文田

新奇香冰室 評價 相片

這間冰室中學時代周不時都會黎食lunch，因為這裡價錢不算很貴，味道也不錯!冰室不是很大，裝修都比較舊式。

從前點餐大大聲叫出想食的食物便可，現在都可以不用，有店員幫忙落單!雞絲燴意粉，茄汁味道十足，除了有雞絲，還有蕃茄肉和青豆一齊炒，份量都幾多，酸酸地幾開胃!牛肉燴意粉，牛肉比較韌，但是好有牛肉味，一樣也是有蕃茄肉和青豆，味道惹味!西多士，炸得剛剛好，唔會過火，也不會太油!厚薄適中，西多士內有花生醬，再配上蜜糖和牛油，十分美味!蛋牛三文治(烘底)，這裡的牛肉不是鹹牛肉，是鮮牛肉，炒蛋嫩滑，牛肉味濃，牛肉和蛋比例平均，口感十足!檸樂煲薑，由於有少許唔舒服，所以點了這杯飲品，飲落甜甜酸酸，還帶有薑的辣味，令喉嚨十分舒服。

紅豆冰，非常大杯，而且紅豆份量很多，紅豆亦很大粒，豆味濃郁!這個中學時代的回憶真的不得了，有機會一定會再回來品嚐!

幾年前嚟過呢間奇香冰室，一直都印象深刻，唔係話啲嘢食特別好食，而係好鍾意呢種舊式冰室嘅情懷😛記得之前係食燴意粉😘今日一早嚟到試吓佢哋嘅早餐先☺️同店員傾傾吓計先知原來燴意粉係全日都有得嗌架😍我嗌左個早餐A💕即係三寶通粉，火腿三文治🥪，奶茶少奶😘😘三寶即係火腿絲雞蛋絲同雞肉絲，看似普通嘅材料，但食落又唔係甘簡單嘅味道，配上淡淡嘅湯底，看着店內全是老街坊的對話，吃的就是那份親切感😊奶茶相當出色，溫度掌握絕對係水準之作，小奶突顯奶茶嘅茶底😘😘另外在帶咗牛肉奄列😊😊😊牛肉係用新鮮牛肉，配埋濃濃胡椒粉味道，再用蛋皮包住，雖然唔係話好出色嘅炒蛋，但係牛肉卻為此加上不少分數👍🏻👍🏻👍🏻

細細個住亞皆老街，阿爸阿媽已經成日帶我黎呢間冰室食晏。

而家到我有男朋友，我都想佢認識下我以前住嘅小區，順便帶佢黎試吓呢度馳名嘅繪意粉。

我同佢都比較貪心，知道呢度嘅繪意粉可以雙拼同三拼，佢通常就嗌餐肉🐔絲加煎蛋，而我就會叫火腿🐮繪意粉。

呢度嘅味道係其他地方搵唔到，就算你加幾多個餸成件事都好夾。

如果未夠飽不妨加件占奶油多🤤另外佢杯熱奶茶茶底都夠濃。

所以我基本上一個月都至少會黎一次。

如果你想搵一間懷舊既冰室而味道又有保證就一定要試吓新奇香冰室。

包你讚不絕口!

明明企咗喺門口等位 一直無理我不特至 仲一見到4位熟客就叫佢哋入去剛剛吉咗嗰張卡位 人哋都問有人排緊隊喎 嗰個收銀都係當我透明😡 仍然望住嗰4個客咁我祝你好運 睇吓你咁嘅食物質素會有幾多熟客！

原來成功將自己心水推介俾人會好開心㗎😅事緣依間罕有嘅燴通粉冰室係我推介俾我前同事既，到我依家離開咗舊公司佢偶爾去開training都會去食，仲會cap張圖俾我睇吓羨慕吓。

事實上我而家去到嘅機會都真係比較少，新公司返工又唔係響附近，佢又唔會開到好夜，正常放工都未必趕得切去食！我見依家好多懷舊冰室都相繼結業，希望呢間能夠堅持住啦，我會繼續撐你㗎！附圖就係朋友send俾我，佢自己一個人食咁多野😅😅！

新奇香冰室餐單提供港式, 茶餐廳, 冰室等推介美食位於何文田區，餐廳座位數未知人均消費約$50以下，結賬可以用現金，Booking訂位可以電話致電 27133209 查詢。

您對於何文田餐廳「新奇香冰室」有何 comment？

新奇香冰室餐廳詳細資料：

• 新奇香冰室地址:
  何文田勝利道26號地下B舖
  新奇香冰室, Shop B, G/ F,26 Victory Avenue, Ho Man Tin
• 新奇香冰室電話: 27133209
• 新奇香冰室價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 新奇香冰室 Facebook

更多新奇香冰室相關資料:

• 新奇香冰室分店
• Youtube
• Facebook
• Twitter
• Google